መሕደር መንፈስ ቅዱስ ጸዋሪተ ወንጌል
መን ደኣሉ መጽዩ ኣብቲ ቤትኪ ዘሎ ዘሽካዕልል
ብሽምኪ ዝሽቅጥ ዚፈላሊ ዘታልል
ብዳርባ እምኒ ነሕዋቱ ዝቀትል
ን ህዝብኺ ክንዲ ዝእክብ ፋሕፋሕ ዘብል
ኣደየ ናይ ሎምስ ገሪሙና እኮ ትዝበሃል
ኣደ ጎይታና ጠፊኡና እንታይ ከም እንብል
ክንዲ ተኾልኲሉ ዝኸይድ መልኣኽታት
ብየማነ ጸጋሙ ወቂቡ ብ ነገስታት
ከመይ ኢሉ እዩ ኣኺሉ ትናይ ጥፍኣት ሰዓት
መምህርካ ሸጥካስ ተመሪጹ ዓለማዊ ክብረት
ከመይ ድዮም ነሮም ቶም ትፈልጥዮም ጳጳሳት
ከመይ ዲዮም ነሮም ቶም ትፈልጥዮም ካህናት
ካበይ ደኣ በቆሉ ዞም ንሪኦም ዶክረሽን ነገስታት
ንንጉስ ንምሕጋሲ ክድምሰሱ ጽሑፋት
እመ ብርሃን ገሪሙና እኳ እዚ ሰዓት
ሽም ሓቀናታት ካህናትኪ ጸሊሙ
ከሓዲ ኣብ ቅዱስ መንበርኪ ተኾዲሙ
ከምስል ኣኽሊል ኣስከማ ተሰኪሙ
ግን ከ እከይ ንምብራስ ትሕልሙ
ሎምስ ገሪምዎ እኮ ኣደየ ዓለም ብዓለሙ
ናይ ሓደራ ኣደ እንታዩ ዝኹሉ ትርጉሙ
ክንዲ ወንጌል ምስባኽ ን ዓለም ክኽድሙ
መሪጾም በቋ ምስ ዲያብሎስ ክጓዝሙ
ወዮ ንስኺ ዝበልክና ንሱ ዝበለኩም ግበሩ
ሎሚ ግን እቲ ወንጌል ተቀይሩ ብስሩ
ቃል ንጉስ ከቢሩ ካል ወድኺ ሓሲሩ
ወድኺ እንጠንዮስ ኣብ ገዛ ተሓይሩ
እቶም ዝሰዓብዎ ኸኣ እንሀለዉ ይባረሩ
እዚ ኹሉ ስቃይሲ መኣስ ክውዳእ እዩ ብስሩ
ኣደየ
ገለን ከም ጻውዒትኪ ትነብር ካብ ተወገዛ ዝርከብ በረኸት እዩ ኢላ
ገለን ከኣ ትነብር ንረብሓ ጥራሕ ይጥዓመና ኢላ
ሽሙ እንዳ ኣጸለመት ትጋገዪ ኣለኺ ንዝበላ
ሓረድቲ ቆረጽቲ ጸላእቲ ወንጌል ተኾልኲላ
ወዮ ኣምላኽ ከሎ ትሰንደቅ ዕላማ
እንዳ ኣንበልበለት ዓለማዊ ሰንደቅ ዕላማ
ነቲ እግዚኣብሄር ሰንደቅ ዕላማይ እዩ ዝብል ተሓሲማ
ጥራሕ ንዓለማዊ ምባር መሪጻ ክጥዕማ
ኣደዋ ገሪሙና እኮ ዝናቶም ዕላማ
ተመሪጹ ን ዓለማዊ ፍትወት
ንሽሙ ትርጉም ዘይብሉ ኮይኑ ናይ መስቀል ኣብነት
እንታይ እዋኑ በጺሕና ዘሕዝን ኩሉ ነገራት
ተናዊጹ ቤትኪ ብ ስራሕ ቆራሓት
ኣባህልና እስከ ናብ ፈጣሪ ኣብየት
ሓውኻ ኣእሲርካ ዶ ይዕለል ምስ ፈርዖናት
ዕድልና ግን ኣይኹን ትናቶም ዕድሎት
ሰዓታት ቀባሕባሕ ናይ መወዳእታ ሰዓት
ሰዓተ ምሕርቃም ኣስናን ሰዓታት በሪር ብኽያት
ሰማዒ ዘይብሉ ናይ ተሳለቅቲ ኣውያት
ግን ኣደየ
ስለምንታይ እዩ ኾን ዝኽሉ ዝኸውን
እቲ ተጸወዐ ኣገልጋሊ ወንጌል ክኸውን
ክሓሪ ምስ ኣበሰሎም ደጋፊ ዕልዋ ኪኸውን
ብሽምኪ እንዳ ኣታለለ እንዳ ቀየረ መኣዝን
ይፈርሓሉ ኣነስ ከይጠፍእ ምናምን
ን ኣምላኽ ገዲፉ ንንጉስ ካብ ዝኣምን
ኣደየ ዘሕዝን እዩ እዝስ ምርጫና ኣይኹን!!!
ወስብሓት ለእግዚኣብሄ
ቀሺ ሙሴ ሺሻይ ኣገልጋሊ ኦርተደክስ ተዋህዶ ቤተ/ክርስትያን።
No comments:
Post a Comment