ስለ ምንታይ ምእመናን ተዋህዶ ጥራይ ብሓላፊ ጉዳይ ንሕድሕዶም ዝራግሑ ?
ስለ ምንታይ’ከ ኢዮም ናይ ኤድስ ሕሙማት ኣብ ተዋህዶ ብዝያዳ ዝበዝሑ ?
ስለ ምንታይ’ከ መንእሰያት ተዋህዶ ካብ ቤተ ክርስቲያኖም ናብ ካልእ ሃይማኖት ዘምርሑ ?
ስለ ምንታይ’ከ ኢዮም ኣመንቲ ተዋህዶ ሰብ ሓዳር ብዝያዳ ዝፋትሑ ?
ስለ ምንታይ’ከ ገለ ጳጳሳትን ውሉደ-ክህነትን ሓቂ ከይዛረቡ ንሰብ ዝፈርሑ ?
ኤረ ስለምንታይ’ከ ሙዳየ-ምጽዋትን ሞባእን ተዋህዶ ጥራይ ብኃይልን ዓመጽን ዝጕሕጉሑ ?
ስለ ምንታይ’ከ ንምእመናን ተዋህዶ ጥራይ ኣብ ወጻኢ ሃገራት ንዝሞቱ ኣብ ኤርትራ ብጸሎት ዘይፍትሑ ?
ስለ ምንታይ’ከ ካህናትን ዲያቆናትን ተዋህዶ ጥራይ ተገዲዶም ናብ ሳዋ ዘምርሑ ?
ስለ ምንታይ’ከ ብብዝሒ ምእመናን ተዋህዶ መነኮሳት ከይተረፉ ብስደት ዓዶም ዝርሕርሑ ?
ኤረ ስለምታይ’ከ ኢዮም ሕጋዊ ፓትርያርክና ኣቡነ እንጦንዮስ ካብ ማእሰርቲ ዘይፍትሑ ?
ስለ ምንታይ’ከ ኢዮም ገለ ካብ ተዋህዶ ብስቅያት ኣሕዋቶምን መራሕቶምን ብሥጋ ዝረብሑ ?
ስለ ምንታይ’ከ ኩሎም ህዝቢ ተዋህዶ ብሓባር ሰሚሮም ማዕጾ ቤት እግዚኣብሔር ዘይኩሕኩሑ ?
በሉ መዓልቲ ፍርድን ሞትን ከይመጸት ናብ መንፈሳዊ ዕርቅን ይቅሬታን ኣምርሑ!
ውሽጣዊ ቁስልና ከይሓባእና’ውን ብልቢ ተጣዒስና ንነሳሕ ተነስሑ !!!
No comments:
Post a Comment