ኣብየ ኣቦየ ኣቦ ቅድስና
ሓያል ተዋጋኣይ ጸረ ምንፍቅና
ኣብነት ጽድቂ ኣቦ ቅድስና
ሎሚ ዓገብ ገርካ ምስ መን ሓዲግካና
ትጥዑም ቅልካ ሎሚ ጾሚኡና
ኣቦየ!!!
ኣብቲ ድሙቅ ጸልማት ነርካ ዝደመቀ ብርሃን
ሰባኺ ወንጌል መምህር ናይ ምድሓን
ይሕሸኒ ዶ ኢልካ ምስ ቅዱሳን ምዃን
ኣጽሊኡካ ምንባር ኣብዛ ምድሪ ምዃን
ብ መዝሙርዶ ተቀቢሎምካ ዝጸንሑኻ ቅዱሳን
ኣቦየ!!!
ኣቦየ መምህር ወንጌል ንሓሶት ዘይቅበል
ኣብ ሰብ ዘይእመን ኣብነት ምምህላል
ዓለም ዶ ጸሊእካያ መሪጽካ ምኽዋል
ናበይ ተረቢጽካ ሓንሳእ ጽንሕ ዘይትብል
ዘይተሳግረና ነዛ ኩርባ ድኽምክም ከይንብል
ኣቦየ !!!!
ድሮ ጸሚእናዮ ወዮ ጥዑም ቃልካ
ንስኻ ዝኸኣልካዮ ደኣ መን ክኽእሎዮ
ብድሕረኻ
ወዮም ሞጓሰኻ ዝለመድና ንዓኻ
ከመልና ኢና ክንለምዶ ዘየለኻ
እስኻ
መን ከ እዩ ክኽእሎ ዝኸኣልካዮ
ንስኻ
በል ከማኻ ክህበና ጸልየልና በጃኻ
ኣቦየ !!!
ንስኻ ክትፍለ እንከለኻ ካብ ዓለም
እንታይ ኢሎም ኮን ይኾኑ ፍጡራት ኩሎም
እንታይ ኢሎም ይኾኑ ቅዱሳን ብኹሎም
ተሃዊኽካዶ ኢሎምኻ ቀልጢፍካ መጺእካዮም
ጽንሕ ዘይትብል ህዝብኻ ክጥዕሞም
ዝናትካ ምፍላይሲ መን ክጽመሞ ይኽእል
ኣቦየ!!!
ድሮ ናፊቅናካ ኣንታ
ዘይትምኖ
ትጉሕ ኣገልጋሊ
ጎይትኦ ተኣመኖ
ከምቲ ንስኻ ዝኾንካዮስ
መን ከ እዩ ዝኾኖ
ከምቲ ንስኻ
ተኣመንካዮስ መን ከ እዩ ዝእመኖ
መምህር ጽድቂ ገብር
ሄር ንሓጥያት ዝፈንፈኖ
ኣቦየ
ወዮ ረቡዓዊ ኣስተምሁሮኻ ደኣ ን መን ገዲፍካሉ
ንቃልካ ከይሰምዐስ ህዝብኻ ክነብር ከመይሉ
በጃኻ ምኸር ዎ ኣቦና ሕሰበሉ
ነዚ ዘፍቅረካ ህዝብኻ ደንግጸሉ
ተኣምር ግበር በሎ ንየሱስ ከም ቃሉ
ነልኣዛር ዘተንስአስ ንዓኻ ምትንሳእ ክኸብዶ ከመይሉ
ኦ እግዚኦ ኣዕርፍ ነፍሰ ኣቡነ ሽኖዳ
ቀሺ ሙሴ ሽሻይ
(father musie)
No comments:
Post a Comment