ኣየ ተትወርድ !!!።
ተትወርድ ን ቓንዛይ ከተብቅዖ
ወንጌልካ ምንጋርሲ ተባሂሉ ቀሎ ጥጥቆ
ሽመይ ገዲፎም ክህቡኒ ናይ ካሓድያን ጥብቆ
ግን እስኻ ተትምልስ ንስራሕካ ልበይ ክንደይ ሚመረቖ
ስቅ ምበሉ ነሮም ኩሎም እቶም ሰሓቆ
ምተረድኡ ነሮም መን ምዃ`ኑ ዝሰሓቆ
ኣየ ተትወርድ!!!
ምተፈጸ
ነሩ ኩሉ ሓሳብ ልበይ
ምበርሃሎም
ንኹሎም ምዃንካ ሰዓራይ
ወሎዶታት
ኩሎም ምተመሃሩ ነሮም ንዳሕራይ
ኣየ ኣታ ፍሉይ ኸኣላይ
እስከ ክበር ልዕል ልዕል በለለይ
ኣየ ተትወርድ!!!!
ን ኣፍ ተጻረርቲ ስቕ ከተብሎ
ነቲ ፍቁርካ የሱሰይ ልዕል ተተብሎ
ምተማጻደቁ እኮ ከምዛ ዘይበሉ ስቀሎ ስቀሎ
በጃኻ ኣምላኸይ ነዝስ ወዓሎ
ኣየ
ተትወርድ !!!!!
የዒንተይ
ተዝሪኣ ነቲ ዝምነየኦ
መዝሙር
ሰላም ተዝዝመር ን ጓይላ ተተጥፍኦ
መዝሙር ሓጎስ ተዝዝመር
ንውግእ ተተጥፍኦ
ቀልጢፍካ ተትመጽእ
ክብሪኻ ክንሪኦ
ኩሉ ፍጡር
ክዓጽድ ዘዝዘርኦ
ኣየ ክንደይ
ምመቀረ ነዝይሲ ዕድመ ሃበኒ ክሪኦ
ተትወርድ !!!!
ተትወርድ ብሓይሊ ን ክፉእ ክትኣሊ
ን ዓመጽቲ ተትገንሖም ኣታ ብርቱዕ ከኣሊ
ን ናቡከደነጽር ተትሰዶ ናብቲ ኣውሊ
ቅልጽምካ ተተሪኦ ከምዘይብሉ ሓይሊ
ትገብር ምዃንካ ንዘይደለካዮ ትኣሊ ብሓይሊ
ዓለም ምተማህረት ነይራ ብዕሊ
ኣየ ተትወርድ !!!!
ኣልኣዛር ተፈቲሑ ምሳይ ተዝድረር ነሩ
ከኣ ምበሉኻ ነሮም ኢየሱስ
እኮ ተኣምራት ገይሩ
ን ደቁ ኣውጺእዎም መቃውሕ
ሰቢሩ
ተዝበሃል እቲ እኩይ
ተሳዒሩ
ቶም ፍትዋትካ ወጺኦም ምሳይ ተዝዝምሩ
እንተ ዝብሉ እወ ኢየሱስና እንበር ሲዒሩ
ክንደይ መተሓጎስኩ
ባህ ምበለኒ ነሩ
ቀሺ ሙሴ ሺሻይ
No comments:
Post a Comment