ከምቲ ልሙድ ምሩጻት መዝሙራት ኣብ ሰሙን ነቅርበሉ ቆጸራና እዩ። ኢራብ ን ዓይኒ ማያት ከም እትብህጎ ፡ መረት ንፍናን ሰማይ ከም እትጸምኦ ናባኻ እዩ ልበይ ሃረርትኡ

ከምቲ ልሙድ ምሩጻት መዝሙራት ኣብ ሰሙን ነቅርበሉ ቆጸራና እዩ። ኢራብ ን ዓይኒ ማያት ከም እትብህጎ ፡ መረት ንፍናን ሰማይ ከም እትጸምኦ ናባኻ እዩ ልበይ ሃረርትኡ።ሃረርታናስ እንታይ ኮን ይኸውን ከምዚ ቅዱሳን የሕዋትና ሃረርትኦም ናብ ኣምላኽ ገሮም ዝዝምርዎ ዘለዉ ድዩስ ወይሲ ናብዛ ሓላፊት ዓለም።ሎሚ ነዛ ምርጽቲ ናይ ኣምልኾ  መዝሙር  እንዳሰማዕና ንሂወትና ክንፍትሻ ይግብኣና ሃረርታና እንታይ እዩ።ሓላፊ ክብሪ እዛ ዓለም እዚኣ፡ ስልጣን ክብረት ዝሙት ሓሶት ስርቂ ሕሜታ፡ ስም  ሰብ ምጽላም ምጽራፍ ምጽላእ እንታይ ኮን እዩ ሃረርታና?? ።ክገርመኩም ኩሉ ካብ ሃረርታኻ እዩ ዝብገስ። ስለዚ ኩሉ ግዜ ከምዞም የሕዋትና ኣሰር ኣቦና ቅዱስ ዳዊት ብምስዓብ ሃረርትኦም ን እግዚኣብሔር፡ ኣብ እግዚኣብሔር፡ ናብ እግዚኣብሔር ገሮም ንስኻ ትሕሸና ባርባን ኣይንደልን ዓለም ኣይንደልን ንሕናስ ንዓኻ ኢና ንናፍቅ ኢሎም ዝምስክሩ ዘለዉ ክንብልን ክንነብርን ኣምላኽ ይደግፈና።

haymanoteabow@gmail.com

ዓቢ ጾም ካልኣይ ሰንበት ቕድስቲ ትበሃል::

ዓቢ ጾም ካልኣይ ሰንበት ቕድስቲ ትበሃል

ዓቢ ጾም ቅድስቲ ትበሃል።መበገሲ ስሙ ያረዳዊ ክኸውን ከሎ፡ኣርእስተ መዝሙር ርእሰ ጾም ናይ ድጓ መኽፈሊ ኮይኑ ዝቀርብ ስም እዩ።ኦርተደክሳዊት ቤተ ክርስትይን ን ኣምላኽ እትውድሰሉን ምስጋና እተቅርበሉን ስርዓት ኣለዋ ከምዚ ንሪኦ ዘለና።በዚ ድማ ስለ ክብረ ሰንበት ስለ እግዚኣብሄር ምሕረት ይዝመር ኣብ ቅዳሴ ግዜ ድማ መጻሕፍቲ ስለ ቅድስና ይስበኹ።

ናይ ዕለቱ ምስባኽ ተሪኢና ከምዚ ይብል፡-

እግዚኣብሔር ግና ሰማያት ገበረ፤

 ግርማን ክብረትን ኣብ ቅድሚኡ፤

 ሓይልን ጽባቐን ኣብ መቕደሱ እዩ። መዝ 96፡5-6።
መዝሙር ዳዊት፡- እግዚኣብሔርሰ ሰማያተ ገብረ፤

ኣሚን ወሰናይት ቅድሜሁ፤

 ቅድሳት ወዕበየ ስብሓት ውስተ መቅደሱ።
Psalms:-“but the LORD made the heavens. Honor and majesty [are] before him: strength and beauty [are] in his sanctuary.” Psalms 96:5-6.
ቅዳሴ፡- ቅ. ኤጲፋንዮስ
ወንጌል ማቴ 7፡16-25።

ናይ ዕለቱ ናይ ቅዱስ ያረድ መዝሙር ፡- ግነዩ ለእግዚኣብሔር ወጸዉኡ ስሙ(ንእግዚኣብሔር ኣመስግኑ ስሙ ጸውዑ)

ናይ ቅድሴ ሰዓት ዝንበብ ናይ መጽሓፍ ቅዱስ ክፍሊ

1, 1ይ ተሰሎ 4፡1-13።        ዲያቆን (ሰራዒ ድያቆን

2, 1ይ ጴጥ1፡13 ክሳዕ መፈጸምታ  ዲያቆን( ተሓጋጋዚ ዲያቆን)

3,ግብሪ ሓዋርያት 10፡7-30።    ንፍቅ ካህን( ተሓጋጋዚ ካህን)

5 ናይ ዕለቱ ወንጌል ማቴ 6፡16-25።

ቅዳሴ ኤጲፋንዮስ (ዓብይ)

             ቅድስና

ቅዱስ ተባሂሉ ዝምስገን ናይ ቅድስና ምንጪ፡ብ ቅድስና ዝተቀደሰ፡ብቅድስና ዝነብር፡ ቅድስና ባህሪኡ ዝኾነ፡ብቅዱሳን ዝቅደስ ዝምስገን ን በይኑ ፍሉይ ኣኽብሮትን ስግደትን ምስጋናን ዝግበኦ  ቅዱስ ናይ ቅዱሳን እግዚኣብሄር ኣምላኽና እዩ።ብ እስራኤል መዝሙር መጽሓፍ ተሪኢና ኣብየት ካብ ኣማልኽቲ ዝመስለካ መን እዩ።ተባሂሉ ከም ተጻሕፈ>ናይ ኣማልኽቲ ኣምላኽ ናይ ንጉሳት ንጉስ ኣምላኽ ፡ናይ ልዑላን ልዑል ዝኾነ ኣምላኽ፡ እግዚኦ ኣጋእዝቲ ተባሂሉ ከም እተጽሕፈ ጎይታ ብ ቅድስና ዝተኸበበ ዝወቀበ ኣምላኽ።ምስጋናኡ  ካብ ባዕሉ ዝኾነ ሰማያዊ ንጉስ ቅዱስ እዩ ስሙ። ነዚ ቅዱስ ኣምላኽ ቅድስናኡ ዝፈተለጠ ኣምላኽ  ኢሳይያስ 6፡1-10። ቅዱስ ክብል ስሙ ገለጸ ኢሳይያስ 40፡25።

 ቅዱስ የሓንስ  ንስኻ ጥራሕ ቅዱስ  ኢሎም መላእኽቲ ከም ዘመስግንዎ መስኪሩ ጺሒፉ ንረኽቦ።ራእ 15፡4 ። ሃና እውን ኣብ ጾሎታ  ብጀካኻ ኻልእ የልቦን እሞ፡ከም እግዚኣብሄር ዝበለ ቅዱስ የልቦን፡ ከም ኣምላኽና ዝበለ ኸውሒ ኸኣ የልቦን ብምባል ቅድስና ኣምላኽና ፍሉይ ምኻኑ ገለጸት።ንብዘሎ ኣኼባ ደቂ እስራኤል ተዛረብ በሎም ድማ፡ ኣነ እግዚኣብሄር ኣምላኽኩም ቅዱስ እየ እሞ፡ ንስኻትኩም ከኣ ቅዱሳት ኩኑ። ክብል ገለጸ። ዘጸ 28፡41

እዚ ብኣፍ መላእኽቲ ቅዱስ ምኻኑ  ዝተመስከረሉ ዝተነገረሉ በልሳን ሰብ እውን ኩሉ ግዜ ስምካ ይቀደስ ብምባል ይምስገንን ይውደስን።ነብይ ኢሳይያስ እውን ስለዚ እቲ ንዘለኣለም ዝነብር ልዑልን ዕዙዝን ቅዱስ ዝስሙን ከምዚ ይብል ኣሎ፡ ኣብቲ ልዑልን ቅዱስን ስፍራ እነብር ኣሎኹ፡ ግናኸ ንመንፈስ ትሑታት ህያው ክገብሮ፡ ንልቢ ድቑሳት ከኣ ህያው ክገብሮስ፡ ምስቲ ድቑስን ትሑትን መንፈስ ዘለዎ ሰብ ድማ እነብር ኣሎኹ።  ቅዱስ ስመይ ኣርከሱ ኣነ ግን ስለ ቅዱስ ስመይ ኢለ እርሕርሕ ኣለኹ ።በለ ህዝቅኤል 36፡20-21።ስሙ ቅዱስ እዩ ክብል እውን ሉቃስ ገለጸ ሉቃ1፡50። እግዚኣብሔር ኣምላኽ እንበኣር ስሙ ቅዱስ እዩ በዚ ቅዱስ ስሙ ድማ እንዳተመስገነ ይነብር ኣሎ ራእ 4፡8።

እዚ ቅዱስ ዝኾነ ኣምላኽ ዘጸ3፡5። 

ኣብ ክርስቶስ እትነብሩ ፍቁራት ክርስትያናት  ኣሕዋትና  ከምቲ እቲ ዝጸውዓና ቅዱስ ዝኾነ እንበኣር ቅዱሳን ክንከውን ይግብኣና።ከምቲ እቲ ሰራዒ ድያቆን ዘንበበልና እውን ኣነ ቅዱስ እየ እሞ፡ ቅዱሳት ኩኑ፡ ዝብል ጽሑፍ ስለ ዘሎ፡ ከምቲ እቲ ዝጸውዓኩም ቅዱስ ዝዀነ፡ ንስኻትኩም “ውን ብዂሉ ንብረትኩም ቅዱሳት ኩኑ። ቅዱሳን ክንከውን ይግባእ።ብዘይ ቅድስና ዋላ ሓደ እኳ ይኹን ንእግዚኣብሔር ክርእዮ ዝኽእል የለን።ኣብዚ ናይ ጾም ግዜና ብተኻእለ ምስ ስጋና እንዳተቃለስናን ካብ ዝወደቅናዮ እንዳ ተሳእናን ብጾሎት ናብ ኣምላኽ ዎ ኣምላኽ ከም ቃልካ ክነብር ሓግዘኒ እንዳ በልና ክንጓዓዝ  ይግባእ። ስለዚ ብቅድስና ክንመላለስ ይንጽዓር።

 እግዚኣብሔር ብቅዱስ ሂወት ክንነርብ ሓይሉ ይሃበና።

Persecution of christyan orthodox in sudi arabia

Persecution of christyan orthodox in sudi arabia

 Ethiopian Christians Imprisoned in Saudi Arabia

International Christian Concern has learned that 35 Christian Ethiopian men and women were arrested after holding a prayer meeting at a private home in Jeddah, Saudi Arabia on December 15^th. Our sources indicate they have been imprisoned without trial and have not been told when or if they will be released. Our sources also indicate that the men in the prison have been violently assaulted by their interrogators and that one of them has sustained serious injuries to his ribs and was unable to move until recently. During interrogations, some of the prisoners have been mocked by authorities for their Christian beliefs. The women report that they were strip searched upon their arrest and that unsanitary conditions during the search have led to illnesses among some of the prisoners for which they are unable to obtain proper medical treatment.
Although officially the authorities are saying the arrest was due to the improper mixing of genders, one of the employers of the imprisoned Christians was initially told by officials that the arrests were due to holding Christian meetings. The prisoners themselves are also convinced that they were arrested for holding the prayer meeting and point out that the questioning they have faced under interrogation confirms this.
Join us as we advocate on behalf of these brothers and sisters in Christ who have been arrested simply for gathering together to pray. Sign our petition to the Saudi Ambassador to the United States, urging him to take immediate action with his government in resolving the cases of all 35 Ethiopian Christians.
Follow the instructions below and have your signatures back to us by February 25th.
Here's How You Can Help
#1 Pray: The first thing you can do to help is stop right now and ask the Lord to intervene on behalf of the imprisoned Ethiopian Christians in Saudi Arabia.
http://www.persecution.org/advocacy/active-petition/ethiopian-christians-imprisoned-in-saudi-arabia/

ዓቢ ጾም 2ይ ክፋል

                      ዓቢ ጾም 2ይ ክፋል
ጾም ክበሃል ከሎ ክሳዕ ህጂ ትርጉሙ ዘይርድኣና ሰባት ብዙሓት ኢና።ጾም ሃይሊ ክትረክብ ይሕግዝ ጾም ዝዓበየ ናይ ኣምላኽ መንፈስ ክህልወካ ይገብር። ኣብ ኣከባቢና ካብ እንሪኦን ካብ እንዕዘቦን ነገራት ተልዩ ን ጾም ካብ ዘይምርድኡ ጥራሕ እንገብሮ ጾም ቁምነገር ዘይብሉ ይኸውን።ጾም ክትጸም እትደልየሉ ምኽንያት ኣብ ቅድሚ ኣምላክ ክትርአ ማለት ኣብ ዓይኒ ኣምላኽ እትበሃግ ሰብ ክትከውን ፡ኣምላኽ ጾሎትካ መታን ክምለስ ኩሉ ነገርካ ሰናይ ንኽኸውን ወዘተ ብዙሕ ጽቡቅን ንኽትረክብን ንኽኾነልካን እንዳ ተነስሕካ ዝግበር ናይ ኣምላኾ መገዲ እዩ።ግን ከምቲ ኣምላኽ ዝደልዮ ገርና ዲና ንጸውም ዘለና????,,,,,,,,።

ግን ቅድሚ ምጻምናስ እንታይ ክንገብር ይግበኣና።ኣብ ቃል ኣምላኽ ከምዚ ይብል ትንቢት ኢሳይያስ58፡1-9። ኣፍካ መሊእካ ጨድር፡ ኣይተቛርጽ፡ ድምጽኻ ኸም መለኸት ዓው ኣብል፡ ንህዝበይ ኣበሳኦም፡ ንቤት ያእቆብ ድማ ሓጢኣቶም ንገሮም።፪ - ኣብ ጸጽባሕ ይደልዩኒ፡ መገድታተይ ኪፈልጢ ድማ ይፈትው። ከምቲ ጽድቂ ዚገብርን፡ ሕጊ ኣምላኹ ዘይሐደገን ህዝብስ፡ ሕጊ ጽድቂ ኻባይ ይደልዩ፡ ናብ ኣምላኽ ኪቐርቡውን ይፈትው።፫ - ስለምንታይ ደኣ ጾምና፡ ንስኻ ድማ ዘይርኤኻን? ስለምንታይከ ነፍስና ኣሕሳእና፡ ንስኻውን ግዱ ዘይገበርካ? እንሆ፡ ብመዓልቲ ጾምኩምሲ ተግባርኩም ኢኹም እትገብሩ፡ ንግዙኣትኩም ድማ ትገፍዕዎም ኣሎኹም።

፬ - እንሆ፡ ብባእስን ብምክርኻርን ብሕሱም ምውቃዕ ጒስጢትን ኢኹም እትጾሙ።ድምጽኹም ኣብ ላዕሊ ኸም ዝስማዕ ጌርኩም ሎሚ ኣይትጾሙን ኢኹም ዘሎኹም።፭ - እቲ ኣነ ዝፈትዎ ጾምን፡ እታ ሰብ ንነፍሱ ዜሕስኣላ መዓልትን ከምዚ ዘመሰለ ድዩ? ከም ሰልሰላ ርእስኻ ምድናንን፡ ክወን ሓመዂስትን መንጸፍካ ምግባርን፡ ነዚ ዲኻ ጾምን እግዚኣብሄር ዚቕበሎ መዓልትን እትብሎ ዘሎኻ?

፮ - እቲ ኣነ ዝፈትዎ ጾምሲ ንመኣሰር እከይ ምፍታሕ፡ ንማእሰርቲ ኣርዑት ምዝላቕ፡ ንጥቑዓት ምውጻእ ሓራ፡ ኣርዑት ዘበለ ዂሉውን ምስባርዶ ኣይኰነን?፯ - እንጌራኻ ንጥሙይ ክትመቅል፡ ነቶም እተሰዱ ድኻታት ናብ ቤትካ ኸተእቱ፡ ዕሩቕ እንተ ርኤኻ ኽትከድኖ፡ ካብ ስጋካውን ከይትሕባእዶ ኣይኰነን?፰ - ሽዑ ብርሃንካ ኸም ወጋሕታ ዀይኑ ኺወጽእ፡ ምሕዋይካ ኸኣ ቀልጢፉ ኺበቊል፡ ጽድቅኻ ድማ ቀቅድሜኻ ኪኸይድ፡ ክብሪ እግዚኣብሄርውን ደጀንካ ኪኸውን እዩ።፱ - ሽዑ ኽትጽውዕ፡ እግዚኣብሄር ከኣ ኪመልሰልካ፡ ከተእዊ፡ ንሱ ድማ፡ እኔኹ፡ ክብል እዩ።

 ነርዑት፡ ንምውጥዋጥ ኣጻብዕ፡ ንሕማቕ ዘረባ ኸኣ ካብ ማእከልካ እንተ ኣርሐቕካ፡ኣምላኽ እንበኣር ሎሚ ይሓተና ኣሎ።እዚ ትጸምዎ ዘለዉም ጾም ድዩ ጾም እትብቭልዎ ዘለኹም እዚ እንዳተበኣስኩም እዚ እንዳተካሰስኩም እዚ እንዳተሓሳሰኹም ይብለና ኣሎ። እስከ ነገርናን ነገር ቤተ ክርስትያናን ነገር ስድራናን ንርአ ።ናይ ብሓቂ ከ ከምዚ ንጸሞ ዘለና ገርና እንዳጾምና ዲና ምላኽ ክሰምዓና ኢልና ንሓስብ፡ ቅድሚ ምጻምናስ ምስ የሕዋትና ምስ መገላግልትና ምዕራቅ ዶ ኣይምሓሸን። ብቅርሕን ተንኮልን መንቅን ውስጥና ሸቲቱ

፡ነንሕድሕድና ክንጻላለም እንዳወዓልና፡ ካብ ዝለዓለ ጳጳስ ክሳዕ ዝተሓተት ምእመን ናይ በዛ መገዲ እዚኣ ገርናስ ምስ ኣምላኽ ክንዕረቅ እንሓስብ ፡እንድሕሪ ሃሊና ኣምላኽ ዝብለና ከምቲ ኣነ ዝቅበሎ ዝሰምዖ ገርኩም ኣይትጸሙን ዘለኹም እዩ ክብለና።እዚ ኩሉ ክፋእ ብኣና ብክርስትያናት እንዳ ተገብረ ናይ ብሓቂ ኣብ ዕሽነት ኣለና ጾምና ኣምላኽ ክቅበሎ፡ ኣብ ጾማን ንስጋን ጥዑም መባልዕን ጥራሕ ተኸልኪልና እቶም ካሊእ ግዜ እንገብሮም ክፋእ ተግባራትና ንሰርሕ ተሊና ተታሊልና ኣለና።ስለዚ ንጾምና ከም ጾም ቅዱሳን ብኹሉ ነሰንዮ። ኣምላኽ ጾምና ክቅበሎ ተደሊና ብ መገዲ ቅዱሳን ብንጽህና ንቅረብ፡የእዳውና ካብ ደም ሰብ ነንጽሃዮ። ጳጳሳት ካህናት ፡ዲያቆናት፡ምእመናን ኣበይ ኣሎ እቲ ኣምሳል ክርስቶስ ዝኾነ ኣብኦም ፓትሪያርኮም  ተባሂልና ኣነ ዶ ሓላዊ ናቱ ነረ እየ እንድህሪ ኢልና ከም ቃየል ዘሕዝን ነገር እዩ። እንታይ ደኣ ብጸኦምን ጾሎትን ስለኦም ኣብ ጸበቦኦም ተሓቢርና ግን በረኸት ንቋደስ።

ይቅጽል,,,,,,,,,,,,,,,,,,.።

ዓቢይ ጾም ::

                                                                            ዓቢይ ጾም 
ኦርቶዶክሳዊት ተዋህዶ ቤተ ክርስቲያን ኤርትራ ሸውዓተ ኣጽዋማት ኣለዉዋ። ንሳቶም ድማ ጾመ ነቢያት፡ ጾመ ነነዌ፡ ዓቢይ ጾም፡ ዓርበ ረቡዕ፡ ጾመ ገሃድ፡ ጾመ ሓዋርያትን ጾመ ፍልሰታን ይበሃሉ።እግዚኣብሔር ንኣቦና ኣዳም ብኽብሪ ፈጢሩ ኣብ ገነት ምስ ኣቐመጦ ናይ መጀመርታ ዝሃቦ ትእዛዝ ጾም እዩ። ከምዚ ዝስዕብ እናበለ ድማ ኣዘዞ። ‘’ካብ ፍረ እቲ ኣብ ገነት ዘሎ ኦም ኵሉ ብላዕ ።ካብ ፍረ እታ ጽቡቕን ክፉእን እተፍልጥ ኦም ግና ካብዝበላዕካላ መዓልቲ ብርግጽ ክትመውት ኢኻ እሞ ካብኣ ኣይትብላዕ’’ በሎ። እምበኣር ኣጽዋማት ዝተሰርዐ ምእንቲ ትእዛዝ እግዚኣብሔር ከነኽብርን ሓይሊ ስጋና ብትዕግሥቲ ከነድክምን እዩ። ዘፍ2፡17።  
ዓቢይ ጾም ጎይታናን መድሓኒናን ኢየሱስ ክርስቶስ ባዕሉ ኣብ ገዳመ ቆሮንቶስ ከይዱ 40 መዓልትን 40 ለይትን ዝጾሞ እዩ። ዓቢይ ዝተባህለሉ ምኽንያት ድማ ኢየሱስ ክርስቶስ ወዲ ሕያውኣምላኽ ክንሱ ዝጾሞን ነቲ ቀንዲ ጸላኢና ሰይጣን ብሰለስተ ዓበይቲ ፈተናታት ስለ ዝሰዓሮን እዩ። ንዓና ድማ ብዅሉ ግብሩ ብቑዕ ኣርኣያን ትምህርትን ብምዃን ኣሰሩ ክንክተልን ትእዛዙክንሕሉን ሕድሪ ሃበና። 
ኣብ እዋን ዓቢ ጾም ዓቢይ ጸላኢ ዲያብሎስ ከም ዘሎን ዓበይቲ ፈተናታት ከምጽእ  ዝኽእል ምዃኑ ኩልና ክንፈልጦን ኣገዳሲ ነገር እዩ። 1ጴጥ 5፡8።
ብዙሓት ቅዱሳን ኣቦታት ብመገዲ ጾምን ጸሎትን ንሕቶኦም መልሲ ንሕማሞም ከኣ ፈውሲ ረኪቦም እዮም። ንሕናውን ሠናይ ግብርን ንጹህ ልብን ሒዝና ብእምነት እንተጾምና ዝደለናዮ ኩሉክንቅበል ንኽእል ኢና። ምኽንያቱ  ድሌትኩም ዘበለስ ብጸሎትን ልማኖን ምስ ምስጋና ኣብ ቅድሚ ኣምላኽ ይፈለጥ እምበር ብገለ እኳ ኣይትጨነቑ’’ ስለ ዝበለና። ፊሊ 4፡4። እምበኣር ዝኾነክርስቲያን ዓቢይ ጾም ኽጸውም ከሎ ኣዋጅ ቤተ ክርስቲያን ስለዝኾነ ወይ ብልምዲ ኣብ ዓመት መጸ ዝግበር ዘይኮነስ ክርስቶስ ዝጀመሮ ዓቢይ ናይ ዓወትን በረኸትን ትእዛዝ ብምዃኑ ካብመግብን መስተን እናጾምና ነዞም ዝስዕቡ ኣገደስቲ ዝርዝራት ምስ መንፈሳዊ ምንባባት እናኣዛመድና ክንትግብሮም ጥቓሚ እዩ።
ኣገባብ ጾምና ነዚ ንከተል !
1,ኣፍ ይጹም ካብ ምዝራብ መርገምኣሕዋተየ እቲ ንሰማዕቱ ንበረኸት ዚኸውን ከከም ዜድልዮም ከኣ ኪሓንጽ ዚኽእል ሠናይ ዘረባ ደኣ ተዛረቡ እምበር ዘይጠቅም ዘረባስ ካብ ኣፍኩምኣይውፃእ። ኤፈ 4፡29 ብእኣ ጌርና ንጎይታናን ኣቦናን ነመስግን፡ ብእኣ ጌርናውን ነቶም በምሳል ኣምላኽ ዝተፈጥሩ ሰባት ንረግም። ካብ ሓደ ኣፍሲ ምስጋናን መርገምን ይወጽእ። ኣሕዋተየ እዚከምዚ ክኸውን ኣይግባእን እዩ። ያዕ 3፡9 ቆላ3፡8
2,ዓይኒ ይጹም ካብ ምርኣይ ሕሱምኣነ ግና ንጓል ኣንስተይቲ ርእዩ ዚትምነያ ዅሉ ብልቡ ፈጺሙ ኣብኣ ዘመወ እብለኩም ኣሎኹ። የማነይቲ ዓይንኻ እንተ ኣስሓተትካ ካባኻ ጎጥጕጥካደርብያ። ብዘሎ ኣካልካ ናብ ገሃነም ካብ ዚኣቱስ ሓንቲ ዓይንኻ እንተ ጠፍኣት ይሕሸካ። ማቴ 5፡28። ዓይኒ ብምርኣይ ኣይትጸግብን እዝኒ ኸኣ ብምስማዕ ኣይትመልእን እያ።
3,እዝኒ ይጹም ካብ ምስማዕ ንዓለምንሳቶም ካብ ዓለም እዮም ከም ኣዘራርባ ዓለም ከኣ ይዛረቡ ኣለዉ። ዓለም’ውን ትሰምዖም ኣላ።ንሕና ካብ ኣምላኽ ኢና ንኣምላኽ ዚፈልጥ ይሰምዓና። እቲካብ ኣምላኽ ዘይኮነ ግና ኣይሰምዓናን እዩ። ንመንፈስ ሓቅን ንመንፈስ ሓሶትን ከኣ በዚ ኢና እንፈልጦም። 1ዮሓ 4፡5 ። ብፁኣንሲ እቶም ንቓል ኣምላኽ ዚሰምዕዎን ዚሕልውዎን እዮም። ሉቃ11፡28
4,ኢድ ይጹም ካብ ምፍሳስ ደምየማነይቲ ኢድካ እንተ ኣስሓተትካ ካባኻ ቆሪጽካ ደርብያ ብዘሎ ኣካልካ ናብ ገሃነም ካብ ዚኣቱስ ሓንቲ ኣካል እንተ ጠፍኣት ይሕሸካ። ማቴ 5፡29።ንኣኻትኩምን ንኣምላኽኩምን ኣብ መንጎኹም ኮይኑ ዚፈላልየኩምሲ ኣበሳኹም እዩ። ….ኣእዳውኩም ብደም ኣጻብዕኩም ብበደል ረኺሰን ኣለዋ። እከይ ንምግባር ትጎዩ ንጹሕ ደም ንምፍሳስትቀዳደሙ ሓሳብኩም እከይ እዩ። እምበኣር ተመለሱ።ኢሳ 59፡3
5,እግሪ ይጹም ካብ መገዲ ጸጋምእንሆ ኣብ ቅድሜኹም ናብ ሕይወት እትወስድ መገድን ናብ ሞት እትወስድ መገድን ኣንብር ኣሎኹ። ኤር 21፡8 ኣብ ቀራና ጎደናታት ደው ኢልኩም ተመልከቱእቲ ጥንታዊ መገድታትን እቲ ጽቡቕ ጎደናን ኣየናይ ምዃኑ ሕተቱ እሞ ብኣኡ ትመላለሱ። ሽዑ ንነፍስኹም ዕረፍቲ ኽትረኽቡ ኢኹም። ኤር 6፡16
6,ልቢ ይጹም ካብ ሓሳብ ሥጋ ድኹምነቲ እትገብርዎ ዝነበርኩም ኃጢኣት ደርብይዎ። ሓድሽ ልብን ሓድሽ ኣእምሮን ኣጥርዩ። ሕዝ 18፡31 ክዳንኩም ዝይኮነስ ልብኹም ደኣ ቅደዱ ይብልእግዚኣብሔር። ዩኤ 2፡13 ሰብ ብልቡ ኣሚኑ ይጸድቕ ብኣፉ መስኪሩውን ይድሕን። ሮሜ 10፡10 እቲ ካብ ኣፍ ዚወጽእ ካብ ልቢ እዩ ዝመጽእ እሞ ንሱ እዩ ንሰብ ዘርክሶ። ካብ ልቢ ኽፉእ ሓሳብ፡ቅትለት፡ ዝሙት፡ ምንዝርና፡ ስርቂ፡ ብሓሶት ምምስካር ጸርፊ ይወጽእ እዩ እሞ እዚ እዩ ንሰብ ዘርክሶ። ማቴ15፡18
እምበኣር ሺሕ እኳ ሕጂ ንቑሩብ ግዜ ብብዙሕ ዝዓይነቱ ፈተና ክትሓልፉ ግዲ እንተ ኾነ በዚ ክትሕጎሱ ኢኹም። እዚ ኸኣ እታ እምነትኩም ሓቂ ከምዝኾነት ኬረድእ እዩ። 1ጴጥ 1፡6
                        ኣብ ግዜ ጾም ክን ገብሮም ዝግብኣና
1. ብስነ ኣእምሮኻ ተሰናዲኻ ጀምሮ። እዚ ማለት በዚ ኣብ ጾም እትርከበሉ እዋን ኣምላኽ ምእንቲ ከሰንየካ ፍሉይ ጸሎት እናገበርካ ጽናሕ።
2. ኣብ ንስሓ ኣቲኻ ጀምሮ። ክበድ ሓጢኣትካ ኣፍኲስካ እንተጀሚርካዮ፥ ኣብ ካልእ ሓጢኣት ክትድኅን ኃይሊ ትረክብ እሞ መንፈሳውነት ጾምካ ይተርር። 
3. ዝተበኣስካዮም ሰባት እንተሃልዮምኻ፡ ምስኣቶም ተዓሪቕካ ጽናሕ።
4. ምስ ኣቦ ነፍስኻ ተሰማሚዕካ ናይ ጊዜ ጾምካ መደብ ኣውጽእ፡ ንሱ ድማ

1. በዚ ጊዜ እትገብሮ ጸሎት (ሰዓታቱን፡ ዓይነቱን፡ እትጥቀመሎም መጻሕፍቲ ጸሎትን፡ ወዘተ. ) መደብ ኣውጽኣሉ፤   2: ኣገባብ ጾምካ ኣቐዲምካ ወስኖ (ምንዋሑ፡ ዓይነትን፡ ዓቐንን፡ ሰዓታትን ጾምካ፡ ወዘተ.) ሐ. ብዘይካ ካብ ምግቢ ምኽልካል፡ ካልእ እትገብሮ መንፈሳዊ ተግባር እንታይ ኪህሉ ይኽእል ኢልካ መርምር፡ (ንኣብነት፡ እተንብቦ ክፍሊ ቅ. መጽሓፍን ካልእ መንፈሳዊ መጻሕፍትን፡ ኣብ ገዝኦም ይኹን ወይ ኣብ መዕቈቢኦም እትበጽሖም ሕሙማትን ሽማግለታትን ስኡናትን፣ዝተባእሱ ሰባት ክትዓርቕ ትኽእልዶ ትኸውን? ወዘተ.)    3. ፍሬ ጾምካ ከመይ ክተዋፍሮ ኢኻ? ትፈልጦም ስኡናት ኣለውኻዶ ወይ ካልኦት ኪህቡልካ ዚኽእሉ ሰባት ወይ ማኅበራት ኣለዉኻዶ? ምእንቲ ኪቐለልካ፡ ኣብ ገዛኻ ሓንቲ ንእሽቶ ሳጹን ወይ እስቃጥላ ፈሊኻ፡ “ድራር - ክርስቶስ” ኢልካ ክትጽሕፈላ ትኽእል እሞ፡ መዓልቲ መዓልቲ ዝቈጠብካየን ሳናቲምካ ኣብኡ ክተእትዎ ትኽእል። ከይተፈለጠካ ከይኸበደካን ኣብ መጨረሽታ ርብሕ ዝበለ ሓገዝ ከምዘዋህለልካ ክትርኢ ኢኻ።

እዚ ሓድሓደ ካብቲ ንጾምካ ጊዜ በረኸትን ጽድቅን ኪገብሮ ዚኽእልን ነጥብታት ኢዩ እሞ እንተ ሓገዘካ፡ ንዓመትካ መሊስካ ተመሓይሾን፡ ንዓኻ ዚሰማማዓካን ክትገብሮ ትኽእል።                            ኢየሱስ ብዲያብሎስ ከም ዝተፈተነ
ጎይታና ኢየሱስ ክርስቶስ 40 መዓልትን ለይትን ምስ ጾመ እቲ ፈታኒ ሰይጣን ስለስተ ዓበይቲ ፈተናታት ኣቕረበሉ። ዝርዝረን ከኣ እንሆ1, ወዲ እግዚኣብሔር እንተ ዄንካስ እዘን ኣእማን እንጌራ ይኹና በል። ግናኸ ሕይወት ካብ መብልዕ፡ ሰብነት ድማ ካብ ክዳን ይበልጽ እዩ እሞ ብትበልዕዎን ብትኽደንዎን ኣይትጨነቑ።ንስኻትኩምሲ ቅድም መንግሥቲ ኣምላኽን ጽድቁን ድለዩ እዚ ዅሉ ድማ ክውሰኸልኩም እዩ። ከም ዝበለ ቅዱስ ወንጌል ኢየሱስ ክርስቶስ ድማ ብትዕግሥቲ ‘’ ሰብ ካብ ኣፍ ኣምላኽ ብዝወፅእቃል እምበር ብእንጌራ ጥራይ ኣይነብርን እዩ’’ ዝብል ጥቕሲ ጌሩ ንሰይጣን ኣሕፈሮ።ማቴ 6፡33
2,ወዲ እግዚኣብሔር እንተ ዄንካስ እግርኻ ብእምኒ ከይትዕንቀፍ በእዳዎም ኪፆሩኻ ይእዝዞም‘ዩ ዝብል ጽሑፍ ኣሎ እሞ እስከ ንታሕቲ ጽደፍ በሎ። እግዚኣብሔር ንወዲ ሰብ ዝምርምር ኣእምሮንዘስተውዕል ልብን ሂቡዎ እዩ። ዝኾነ ሰብ ድማ ንኣምላኽ ከመስግንን ክእዘዝን እምበር ግብሪ ኣምላኽ ክንዕቕን ንትእዛዙ ክፈታተንን ግቡእ ኣይኮነን። ከምቲ ደቂ እስራኤል ንእግዚኣብሔር ምስዝፈተንዎ 40 ዓመት ኣብ ምድረ በዳ ኮለል በሉ። ሰይጣን ድማ ንኢየሱስ ክርስቶስ እስከ ጽደፍ እናበለ ብትዕቢት ፈተኖ። ክርስቶስ ግና ወዲ ኣምላኽ ስለ ዝኾነ ብትሕትና ንእግዚኣብሔርኣምላኽካ ኣይትፈታተኖ ዝብል ጽሑፍ ኣሎ ኢሉ መለሰሉ።3,ተደፊእካ እንተ ሰገድካለይ እዚ ኹሉ ዅሉ ክህበካ እየ በሎ። ኣነ ሕያው እየ ይብል እግዚኣብሔር ኵሉ ብርኪ ኪሰግደለይ ኵሉ ልሳንውን ኣነ ኣምላኽ ምዃነይ ኪእመን እዩ።ሮሜ 14፡11 ይብልቅዱስ ጽሑፍ። ደፋር ዲያብሎስ ግና ክሰግደሉ ንኢየሱስ ሓተቶ። ግናኸ እቲ ክፉእ ነገር ካብ ክፉኣት ስለ ዝወጽእ ደኣ እምበር ንሰይጣንሲ ክርስቶስ ጥራይ ዘይኮነ ኵሎም ቅዱሳት ኣቦታትውንብሕሱር ግብሩ ረጊጸሞ እዩ። ኣብ ቅድሚ እዛ ቅድስት ቤተ ክርስቲያን ሰይጣን ይኽሕደካ ኣሎኹ ኢልና ወትሩ ከምንጽሊ ክርስቶስ ድማ ንእግዚኣብሔር ኣምላኽኻ ስገድ ንኣኡ በይኑ ድማኣምልኽ’’ ዝብል ጽሑፍ ኣሎ ኪድ ሰይጣን ኢሉ ገኒሑ ኣርሓቖ። ማቴ 4፡10 
ስለዚ፡-
ሀ. ሰይጣን ፈተና ናይ ስስዕቲ ኣቅረበ ። ማቴ 4፡3ክርስቶስ መልሲ ትዕግሥቲ ኣምጽአ። ዘዳ 8፡3
ለ. ሰይጣን ፈተና ናይ ትዕቢት ኣቕረበ። ማቴ 4፡6ክርስቶስ መልሲ ናይ ትሕትና ኣምጽኣ። ዘዳ 6፡16
ሐ. ሰይጣን ፈተና ኣፍቅሮ ንዋይ ኣቕረበ። ማቴ 4፡9ክርስቶስ መልሲ ናይ መንኖ ጥሪት ኣምጽአ። ዘዳ 6፡13
እምበኣር ኣብዚ ዓለም ፈተና ዘይብሉ ሕይወት የልቦን። ንዝኾነ ዓይነት ፈተና ድማ ይዕበ ይንኣስ፡ ይንዋሕ ይሕጸር ከይተጨነቕና ብጾምን ጸሎትን ምስ ክርስቲያናዊ ትዕግሥቲ እንተ ጾዊርናዮ በቲኣምላኽ ዝህበና ሓይሊ ንዅሉ ከም ንስዕሮ ርጉጽ እዩ።
ይቅጽል,,,