ኣስከረን ብጹእ ወቅዱስ ዶግቶር ቀደማዊ ጳውሎስ ርእሰ ሊቃነ ጳጳሳት 5ይ ፓትሪያርክ ዘ ኢትዮጵያኣቡነ ጳውሎስ ካብ ሆስፒታል ናብ ቤተ ክህነት እንዳ ሓለፈ ኸሎ።

  ኣስከረን ብጹእ ወቅዱስ ዶግቶር ቀደማዊ ጳውሎስ ርእሰ ሊቃነ ጳጳሳት  5ይ ፓትሪያርክ ዘ ኢትዮጵያ ኣቡነ ጳውሎስ ካብ ሆስፒታል ናብ ቤተ ክህነት  እንዳ  ሓለፈ ኸሎ።

ብጹእ ወቅዱስ  ጳውሎስ ቀዳማይ  ርእሰ ሊቃነ ጳጳሳት 5ይ ፓትሪያርክ  ዘ ኢትዮጵያ  ኣስከረኖም ናብ ቤተ ክህነት ኣምሪሑ ኣሎ።እዚ ከምዚ ኢሉ ኸሎ ናይ ኢትዮጵያ ቤተ ክርስትያን ኮነ ፖሎቲካ ኢትዮጵያ ካልእ ገለ ዘስግእ ተርእዮታት ይቀላቀል ኣሎ። ናብቲ ኣገባብ ኣቀባቢላ ነብል።

እዚ ከምዚ ኢሉ ኸሎ ረይሳ ክቡር ቀዳማይን ሚኒስተር ኣቶ መለስ ዜናዊ ካብ በልጅም ብክብ ዝበለ ስርዓት፡ኣገባብን ትማሊ ቦለ ኣትዩ።ኣብቲ ብኣሸሓት ዝቁጸር ህዝቢ ካብ ቦለ መዕርፎ ነፈርቲ ክሳዕ ቤተ መንግስቲ ለይቲ እንኮሎ እኳ ከይተረፈ ብኣሸሓት ዝቁጸር ህዝቢ ኣብ ጎደናታት ብምውጻእ ን ቀዳማይ ሚኒስተር መለስ ዜናዊ ዘለዎም ኣኽብሮትን ፍቅርን ገሊጾም።

ብዓይኒና ን ካታተሎ ከም ዝነበርና ዛጊት ህዝቢ ኢትዮጵያ ኣብ ልዕሊ ቀዳማይ ሚኒስተሩ ክንድዚ ዝኣክል ፍቅሪ ዘለዎ ኣይመስለናን ነይሩ።ሞት ቀዳማይ ሚኒስተር ከቢድ ምዃኑ ህዝቢ ኢትዮጵያ  በቲ ዘልቅሶን ዝበኽዮን ዝነብዖን ዝነበረ ይርአ ነሩ።ካብተን ዘልቅሳን ዝበኽያን ነበራ ድማ ኣንታ ጎይታይ እዚ ንዓኻ ኣይግባእን ንዓይ እንበር ንስኻ ንበር ኣነ ክመውት፡ኣነ ተሪፈ ታይ ክዓብስ እየ። ኣንታ ኣባይ ዝደፈረ ጅግና፡ ኢለን ኣደታት ከልቅሳን ክበኽያን ፡ጅግና ይጠፍኣና ኣሎ ኣእውዩ ብምባል ምረት ሓዘንን ክገልጻ ከለዋ።

መንእሰያት ድማ በቲ ቋንቋ ዓዶም ኣምሓሪኛ “ጅግና ኣልሞተም”፡”መለስ ኣልሞተም”፡ጅግና ኣይሞተን መለስ ኣይሞተነ፡ስራሕካ ምሳና እዩ ዘሎ።ሳላኻ ተማሂርና።ሳላኻ ከቢርና።ዘይንፈልጦ ፈሊጥና፡ሽታ ደሞክራሲ ኣብ ታሪኽ ኢትዮጵያ ዝኸፈትካ ሰብ ፡ኣባይ ደው ኣይብልን ክህነጽ እዩ ቅሰን ኣጆኻ፡ ኣሎና ወዘተረፈ,,።እንታይ እሞ ምሉእ ለይቲ ክበሃል ዝሓደረ  ኣብዚ ክንጽሕፎ ግዜ ኣይኣክልን እዩ።ከምኡ እውን ቦታ የለን።ኩቡር ኣቶ መለስ ዜናዊ ግን ከምቲ ገለ ፖሎቲከኛታት ስልጣን ዝደልዩ ዝብልዎ ነበሩ ዘይኮነስ ብ ሓቂ ብህዝቢ ፍቱው ሰብ ምንባሩ ብዘይ ምስክር ዓይኒና ሪኡ ኣሎ።

እዚ ከምዚ ኢሉ እንዳ ሃለወ ግን ናይ ኣስላም ምንቅስቃስ የኢትዮጵያ ነጻነትና የ ፖሎቲካ  ኣፈና ኣበቃለት  ዝተባህሉ። ብፍላይ ኣብቲ ብ ፓልቶክ ዝዝርግህዎ መደቦም መለስ  ንሕና ክንቀትሎ እካ ዓቅሚ ተሰኣና ኣላህ ቀቲሉዎ ዝብል ድምጺ ከስምዓ ይርኣያ ኣለዋ።እዚ ዘርእየካ ተልዩ መለስ ክሳዕ ክንደየናይ ሓያልን ብርቱዕን ዘይድፋእ ጎቦ ከም ዝነበረ የረድእ።

ብሓቂ ቀዳማይ ሚኒስተር ኣቶ መለስ ዜናዊ ክብሪ ዝግብኦ መራሒ እዩ።ን ሃገሩ ቅዋም ኣውሒሱ፡ከምቲ ንፉዕ ወላዲ ን ደቁ ካንሸሎ ሰሪሑ ዝገድፎም ዝብኢ ከይኣትዎም ።መለስ ንዕኡ ይመስል።ኢትዮጵያ ቅዋም ኣለዋ፡ መለስ ተሞተ ብሕግን ቅዋምን ድሮ ኣቶ  ሃይለማርያም ኮፍ ኣቢሎሞ ኣለዉ እዚ ናትና ከምኡ ተጋነፎኸ ከመይ እዩ።ክኸውን ዶ ዋላስ ምስ ኣምላኽ ንዘልኣለም ዝነብር ኩንትራት ስለ ዝግበረ እዩ???፡ኣይመውትን እየ ኢሉ ተኣማሚኑ።

ኣብ ቀጻሊ የራኽበና።

                  ሃይማኖተ ኣበው

         ን እትሰዱዎ ሓበረታ በዚ ዝስዕብ ኣድራሻ ተጺሒፍኩም ክበጽሓና ይኽእል።                     haymanoteabow@gmail.com

ዕረፍቲ ኣቡነ ጳውሎስ ኣብ ኦርቶዶክስ ታራ ሞትዶ ኣለዎ ጽልዋ!???።

ዕረፍቲ ኣቡነ ጳውሎስ ኣብ ኦርቶዶክስ ታራ ሞትዶ ኣለዎ ጽልዋ!???።

ብጹእ ወቅዱስ ርእሰ ሊቃነ ጳጳሳት ኦርቶዶክስ ተዋህዶ ቤተ ክርስትያን 5ይ ፓትሪያርክ ኣቡነ ጳውሎስ ዘ ኢትዮጵያ፡ሊቀ ጳጳስ ኣኽሱም፡ዘ ወዕጨጌ ዘ መንበረ ተክለሃይማኖት ፕረሲደንት ዓለም ለኸ ኣብያተ ክርስትያናት ሊቀ መንበር ዓለም ለኸ ቤተ ምኽሪ ናይ ዓልም ለኸ ሃይማኖተኛታት ናይ ክብሪ ፕረሲደንት ንሰላም።ኣብ መበል76 ዓመቶም ካብዛ ዓለም ብ ሞት ምፍላዮም ካብቲ ኣብ ማዕከናት ዜና ዓለም ቀንዲ መዛረቢ ኣርእስቲ ኮይኑ ቀንዩ ዘሎ እዩ።

ኣብ ኢትዮጵያን ዓለምናን ዘለዎም ጽልዋ እንታይ ሳዕበን ከምጽእ ይኽእል፡ን ደምበ ኦርቶዶክስ ጎዳኢ ዶ ጠቃሚ ኣብ ዝብል ኣርእሲ ብዙሓት ወገናት ነናቶም ርእይቶ ክህቡ ጀሚሮም ኣለዉ።ብ ወገና ዘለና ርእይቶ ምስ ርእይቶ ዝበዝሑ ብምዝማድ ክንገልጽ ክንፍትን ደስ ይብለና።

ኣቡነ ጳውሎስ ብትምህርቶም ጸብለል ዝበሉ ሓይል ክኢላ፡ፈላጥ ከም ፍልጠቶም ዘይዛረቡ ሓያል ኣቦ እዮም ነሮም ይብሉ ተንተንቲ።ኣቡነ ጳውሎስ ዋላኳ ኣወንትኦም ዝዛይድ ተኾነ ከም ኩሉ ሰብ ግን ድኽመታት ኣይነበሮምን ማለት ኣይኮነን፡ካብቲ ዘስርሕዎ ሓወልቲ ኣትሒዝካ፡ክሳዕ መንበሪ ገዝኦምን፡እቲ ዝበዝሐስ ካብ ዝሓለፉ ፓትሪያርካት ኢትዮጵያ ፍልይ ዝበለ ሰፊሕ ምንቅሲቃስ ዝገበሩ ፡ተዓጽዮም ዝነበሩ ኮሎጃት ብምኽፋት ኮርሳት ብምሃብን ትምህርቲ ሰንበት ሓፍ ንኽብል ሓያል ጻዕሪ ካብ ዝገበሩ ኣቦታት እንኮ እዮም እውን ።

ኣቡነ ጳውሎስ ብፍላይ ድማ ነቶም ብሽም ሃይምናት ኣብ ምሽቃጥ መዋእሎም ዘባኽኑ ኣብ ምእካብ ገንዘብ ተዋፊሮም  ዘለዉ:: ካብ ወንጌል ዝወጹ፡ንእምነት ኦርቶዶክስ ብምትሕዊዋስ ካልእ ወንጌል ከእትዉ ህርድግ ዝብሉ ኣብ ኤረትራ ከይተረፈ ጽልዋ ዘለዎም።ብ ኢኮነሚ እውን ሓያላት ማህበረ ቅዱሳን ደው ኢሎም ብሕግን ስርዓትን ተማእዚዞም ክኸዱን፡ካብ ስርዓት ኣምልኾ ኦርቶዶክስ ተዋህዶ ንምውጻእ ዝገብሩዎ ዝነበሩ ብምቅዋምን ተፈላለዩ ክሽቅጥሎም ዝኽእሉ ኣፋፈት ብምዕጻውን፡ነታ ብ ማሕበረ ቅዱሳን ክትህወኽ ዝጸንሐት ኢትዮጵያ ናብ ምርጊጋእ ኣብ ምምራሕ ሓያል ታራ ነሩዎም እዩ።

ምፍላይ ኣቡነ ጳውሎስ ብ ሞት ን ቤተ ክርስትያን ኢትዮጵያ ናብ ምግምማዕን ፋሕፋሕን ክመርሓ ከም ዝኽእል ተዓዘብቲ ይዛረቡ።እቲ ክሳዕ ህጂ ኣብ መንጎ ትምህርቲ ሰንበትን ማሕበረ ቅዱሳንን፡ገለ ጳጳሳትን ማሕበረ ቅዱሳንን፡ከምኡ እውን ከም እኒ በጋሻው ዝበሉ  ድሮ ኣብ ልቢ ህዝቢ ዝኣተዉ ዉሩያት ሰበኽቲ ህላወኦም ኣብ መጻኢት ኢትዮጵያ ከመይ እዩ ክኸውን ንዝብል ኣስጋኢ ነገር እዩ።

ብ መሰረት ኣጀንዳ ማሕበረ ቅዱሳን ፡ቤተ ክርስትያን ነዞም በላሕትን ንፉዓትን ሰበኽትን ዘመርትን፡ ተውጊዛቶም ናይ ገዛእ ርእሶም ምንቅሲቃስ ክገብሩ እውን ከም ዝኽእሉን  ን ደሞክራሲ ኢትዮጵያ ተጠቂሞም ተዓዘብቲ ይዛረቡ።ኢትዮጵያ ነዚ ተገይራቶ ከምቲ ቤተ ክርስትያን ኤረትራ ልዕሊ 40.000 ሽሕ መንእሰያት በ ገዛእ ኢዳ ዝኸሰረት ክትከስር ትኽእል ዘይኮነስ ልዕለኡ ዕንወት እውን ከጓንፋ ይኽእል እዩ።፡ ዘሎ ጉድለታት ስለ ዝፈልጡ ተጠቂሞም ድማ  ከፍሪስዋ ከም ዝኽእል ንህልውና እታ ቤተ ክርስትያን ዝደልዩ ሰባት የተንብሁ።

ማሕበረ ቅዱሳንን ኣቡነ ጳውሎስን ብዙሕ ግዜ እዮም ክራጸሙ ተራእዮም።ማህበረ ቅዱሳን ን ቤተ ክርስትያን ካብ ሊቃውንትን ካብ ኣሕዋት ኦርየንታል ኣብያተ ክርስትያናት ጨውዮም ክወስዱዋን፡ኣቡነ ጳውሎስ ድማ ኣይፋልኩምን ደቀይ ካብ ጽርግያ ኣይትውጽኡ ከይትጸድፉ ክብሉን።ክሳዕ  ማሕበረ ቅዱሳን  ኣቡነ ጳውሎስ ምባል ገዲፎም <<መስፍን ጳውሎስ>> ኢሎም ክጽውዑ ገይሩዎም እዩ።ማሕበረ ቅዱሳን ከምቲ ኣብ ኤረትራ ምስ መንግስቲ ኤረትራ ብ ምትሕብባር ን ኣቡነ እንጠንዮስ ከውርድ ዝተጻወቶ ኣጻያፊ ስራሕ፡ኣብ ኣቡነ ጳውሎስ እውን ክትግብሮ ብዙሕ እዩ፡ጽዒሩ።ብ መገዲ ኣቡነ ኣብርሃም ዝበሃል ኣቡን ።ብዙሓት ተዓዘብቲ ከም ዝብልዎ ግን< እሮማይ ኢትዮጵያ ብ ሃይማኖት ኮነ ብ ፖሎቲካ ኣብቂዓ >እዮም ዝብሉና ዘለዉ፡ስለምንታይ ከም ኣቡነ ጳውሎስ ዝበሉ ክኢላታት ኢትዮጵያ ከምዘይብሎም ድሮ ካብ ንግሀኡ በለጭ ክብል ጀሚሩ ኣሎ።እዚ ከም ጭብጢ ክኸውን ዝኽእል ድማ ተቃያያሪ መግለጺ ሲኖዶስም እዩ።

ኢትዮጵያ እዚ ወርሒ እዚ ፓትሪያርካ ጥራሕ ዘይኮነስ  እንኮላይ እቲ ካብ ኣፍሪቃ ብሕይልነቱ ዝእመነሉ ኣብ ኢትዮጵያ ካብ ቅድመኡ ነበሩ መንግስታት ፍሉይ ለውጢ ዝገበረ፡ኣባይ ኣብ ረብሓ ኢትዮጵያውያን ክውዕል ዝሰርሐ ሓያል መራሒኣ ጣቅላይ ምንስተር መለስ ዜናዊ እውን ሲኢና ኣላ።እዚ ኣዝዩ  ዘተሓሳስብ (2) ክልተ ኣጋጣሚ ነታ ብ ኣስላም ትህወኽ ዘላ ኢትዮጵያ ናብ ካልእ ኣንፈት ክመርሓ ይኽእል እዩ ይብሉ ኣለዉ ተንተንቲ።ኣብ ፖሎቲካ ከይኣተና ግን ነቲ ክትንክፈና ዝኽእል ነገረ ሃይማኖት ዝትንክፍ እስከ ከነምጽእ።ማሕበረ ቅዱሳን መንግስቲ ኢዱ ከየእቱ ኣብ ከቢድ ሻቅሎት እዮም ዘለዉ።ስለምንታይ ነቲ ምርጫ ፓትሪያርክ ከም ድላዮም ክዝውሪዎ ንኽጥዕሞም።ስለምንታይ መንግስቲ ኢዱ ከየእቱ እንዳበሉ ንሶም ግን ኢዶም የእትዉ ኣለዉ ግን ን ተዓዛቢ ዘስደምም ኮይኑ ኣሎ።

ድሕሪ ቀብሪ ኣቡነ ጳውሎስ ምርጫ ፓትሪያርክ ከነካይድ ኢና ኢሉ ዝኣወጀ ሲኖዶስ ኢትዮጵያ ናይ ኣቡነ ፍሊጶስ ኣካይዳ ን ማሕበረ ቅዱሳን ስለ ዘይተዋሕጠሎም ምርጫ ንንግሀኡ ክግበር  ተገይሩ።http://www.awdemihret.blogspot.it/2012/08/blog-post_20.html እዚ ድማ ማሕበረ ቅዱሳን፡ እቶም ቀንዲ ልኡኹ ዝኾኑ ኣቡነ ፍሊጶስ ድሕሪ ሞት ኣቡነ ጳውሎስ ሰናይ ስርሕ ኣቡነ ጳውሎስ  ኣብ ምድናቅን ኣብ ምጽባቅን ስለ ተጸምዱ እዩ።

ብ ማሕበረ ቅዱሳን ዝፍተዉን ዝተኣምኑን በየ ኣዳራሹ እንዳ ኸዱ ዝባርኹን መዝሙር ማሕበረ ቅዱሳን ዝዝምሩን ነበሩ ኣቡነ ፍሊጶስ ን ሰብ ዘገልገለ ጉቡኡ ውርደት ምዃኑ ከይወግሐ ኣብ እዝኖም ተነጊሩዎም ኣሎ።ስለምንታይ ግን ክንዲ ሲኖዶስ ዝኸውን ኣብ ቅድሚ ማዕከናት ዜና ዓለም ወጺኡ ድሕሪ ቀብሩ ኣቡነ ጳውሎስ ዓቃበ መንበር ክንመርጽ ኢና ኢሉ ዝኣወጀ ሲኖዶስ ኢትዮጵያ ፡ኣብ ቅድመ ህዝቢ ዓለምን ህዝቢ ኢትዮጵያ እንታይ ረኸቦ ብ ቃል ሓንቲ ማሕበረ ቃሉ ዝቅይር!! ዘሕፍር እዩ።እዚ ጥራሕ ዘይኮነስ ኣቡነ ጳውሎስ ሓመድ ከይጸቀጦም ብ ዛዕባ ሽመት ጳጳሳት ኢትዮጵያ ድሮ ኣነ እየ ኣነ እባ ኣነ እባ ክንድዚ መጻሕፍቲ ኣሕቲመ ኣነ እባ ክብሉ  ይራኣዩ ኣለዉ፡ ጳጳሳት ዘ ኢትዮጵያ።ድሮ ካብቶም ኣብ ስልጣን ናይ ምምጻእ ድልየት ዘለዎምን ኣብ ሕልሚ ዘለዉን ጳጳሳት ኢትዮጵያ፡ኣቡነ ሉቃስ፡ኣቡነ ህዝቅኤል ከምኡ እውን ፡ኣቡነ ጢሞቴዎስ፡ ኣቡነ እስጢፋኖስ  ምኻኖም ካብ ላዕለዋይ ቤት ጽሕፈት መንበረ ፓትሪያርክ ኢትዮጵያ ዝተረኽቡ ሓበረታታት የርድኡ።

እዚ ከምዚ ኢሉ ከሎ እቲ ብ ገለ ወገናት ን ሲኖዶስ ኢትዮጵያ ማሕበረ ቅዱሳን እዩ ከም ዓረብያ ዝዝውሮ እንዳተባህለ ዝቀርብ ነበረ ክሲ በዚ ህጂ በጺሕናዮ ዘለና ጭብጥታት 100% ምሉእ  ሓቂ ኮይኑ ኣሎ።ካብዚ ንደሓር ሲኖዶስ ኢትዮጵያ ዝብል ተሪፉ ፡ሲኖዶስ ማህበረ ቅዱሳን ተባሂሉ ተተጸወዐ ዝሓሸ ኮይኑ ይስመዓና።ማሕበረ ቅዱሳን ተሓወሶ ምኽሪ ከኣ እንትርፎ ደም ካልእ ሰላም ከም ዘየምጽእ ኣቀዲምና ክንሕብር ባህ ይብለና።ምስ ኮነ ካብ ምዝራብ ከይኮነ ምንጋር ዝያዳ ይምረጽ።

ከም ቅንዕና ካብ መንበር ሓፍ ኢሉ ክዛረብ ዘይኽእል ሰብ ከመይ ገይሩ እዩ ቤተ ክርስትያን ክመርሕ።ንምዃኑ እዞም ተመሪጾም ዘለዉ ኣቡን ከ ዓቅሚ ኣለዎም ዲዩ ዓቃበ መንበር ክኾኑ ተልካ እቲ ብኹሉ ዝወሃብ መልሲ ሽንቶም ክደፍኡ እኳ እንዳ ኣጸገሞም እዩ ኢኻ ትሰምዕ።ኣቡነ ናትናኤል ስርሖም ነቲ ብ በዓል ኣቡነ ኣብርሃም ዝተዋህቦም ምፍራም ጥራሕ እዩ ስርሖም እዮም ዝብሉ በሃልቲ።
ሲኖዶስ ኢትዮጵያ ክሳዕ ህጂ ኩርኩር ማሕበረ ቅዱሳን ንምዃን ዝተማረኸ እዩ ዝመስል ።ኣብ ዝቅጽል ከ ኣብ ምርጫ ፓትሪያርክ ግደ ማሕበረ ቅዱሳን ከመይ እዩ ክኸውን ንዝብል ሕቶ ንብዙሓት ሰላም ቤተ ክርስትያን ኢትዮጵያ ዝደልዩ ወገናት የተሓሳስቦም እዩ ዘሎ።ስለዚ ሲኖዶስ ኢትዮጵያ ብሓደ ሓደ ከይተዓሸወ መንፈሳዊ ሓላፍነቱ ፈሊጡ ክሰርሕ ይግባእ።እንተኾነ ግን ኢትዮጵያውያን ንስልጣንን ፡ጸጽልወኦም ኣብቲ ቤተ ክርስትያን ንከሕድሩን ነታ ቤተ ክርስትያን ናብ ጸልማት ዝመርሑዋ እዮም ዝመስሉ ዘለዉ።

ማሕበረ ቅዱሳን እውን ህጅስ ተጋላጊልና ኢና ድሕሪ ደጊም ኢትዮጵያ ብ ሓደ ማህበር ክትዝወር እያ። ናብ ዝብል ስምዒት የምርሑ ከም ዘለዉ ተዓዘብቲ ካብ ተፈላለያ ኣብያተ ክርስትያናት ኢትዮጵያ ይዛረቡ።

ንኹሉ ንምርኣይ ምቅናይ ጥራሕ ኢና ንብል፡እስከ ንቀኒ።

 ካልእ እውን ስለምንታይ እዩ ኢትዮጵያ ምርጫ ፓትሪያርክ ዘድልያ ፓትሪያርክ ኣብ ደገ ከሎ ዝብሉ ብዙሓት ሰባት እውን ኣይተሳእኑን። ደጀ ብርሃን ዝብሃል ብሎግ ኣብ ዘውጽኦ ፓትሪያርክ መንቆሪዎስ ናብ መንበሮም ይመለሱ ዝብል ጽሑፍ http://dejebirhan.blogspot.it/2012/08/blog-post_1360.html° <ፓትሪያርክ ከሎ ኣንኳን  ፓትሪያርክ ክትመርጽሲ ክትሓስቦ እካ ኣይግባእን°> ክብል ጸብጺቡ ኣሎ።እንተበቲ እንተ በቲ ግን ኣብታ መንግስትን ሃይማኖትን ነቅነቅ ዝብለላ ዘሎ ኢትዮጵያ ድሒሩ ዝመጽእ እንታይ እዩ ቀስ ኢልካ ሞዕዛብ ከድልየና እዩ።

እዚ ከምዚ ኢሉ ከሎ ብዙሓት መራሕቲ ሃይማኖታት ብ ሞት ኣቡነ ጳውሎስ ዘለዎም ሓዘን ብምረት ይገልጹ ይርከቡ።ናይ ቫቲካን መራሒ http://www.radiovaticana.va/et2/Articolo.asp?c=614049 ብ ወገኖም ዝተሰመዖም ሓዘን ክገልጹ ከለዉ ተፈላለዩ መራሕቲ ሃይማኖታት ኣድናቆቶም ን ኣቡነ ጳውሎስ ይገልጹ ይርከቡ።

እግዚኣብሔር ነፍሲ ዝመቱ ፓትሪያርክ ኢትዮጵያን ቀዳማይ ሚኒስተር ኢትዮጵያን የዕርፍ! ኣሜን።

                              ሃይማኖተ ኣበው

                       haymanoteabow@gmail.com

hi holiness Abune paulos 5th Patriarch the etiopian orthodox passed away last night !!!.

hi holiness Abune paulos 5th Patriarch the etiopian orthodox  passed away last night !!!.

Addis Ababa: His Holiness Abune Paulos, Patriarch and Catholicos of the Ethiopian Orthodox Tewahedo Church, Archbishop of Axum and Ichege of the See of Saint Teklehaimanot passed away last night in Addis Ababa, Ethiopia. He was 76 years old.Official sources has confirmed the demise of the Patriarch .The Patriarch was seriously ill and was admitted to the Dejazmach Balcha Hospital in Addis Ababa.It has been reported that the Patriarch has been undergoing a medication for a long time.

May Lord have mercy upon the soul of His Holiness Patriarch Abune Paulose of Ethiopia.

Read More about the Patriarch in Wikipedia:

        haymanoteabewo@gmail.com

ብጹእ ወቅዱስ 5ይ ፓትሪያርክ ርእሰሊቃነ ጳጳሳት ዘእትዮጵያ ሎሚ ለይቲ ምዕራፎም ማዕከናት ዜና ኢትዮጵያ ይጽብጽባ ኣለዋ!!!.።

ብጹእ ወቅዱስ  5ይ ፓትሪያርክ ርእሰሊቃነ ጳጳሳት ዘእትዮጵያ ሎሚ ለይቲ ምዕራፎም ማዕከናት ዜና ኢትዮጵያ ይጽብጽባ ኣለዋ!!!.።

ብጹእ ወቅዱስ ኣቡነ ጳውሎስ 5ይ ፓትሪያርክ ርእሰ ሊቃነ ጳጳሳት ዘ ኢትዮጵያ  ብ ሕማም ካብዛ ዓለም ምፍላዮም ማዕከናት ዜማ ኢትዮጵያ ይጽብጽባ ኣለዋ።እዚ ወግዓዊ ዘይኮነ ዝመጽእ ዘሎ ሓበረታ ጸብጸብቲ ብሎጋት ማሕበረ ቅዱሳንን ገለ ናይ ግሊ ብሎጋትን እዮም:ዝብልዎ ዘለዉ። ኣቡነ ጳውሎስ ሕማም ክመላለሶም እኳ እንተ ጸንሐ ናብ ሞት ዘብጽሕ ሕማሞ እዩ ኢሉ ዝገመተ ሰብ ግን ኣይነበረን::ክሳዕ ኣብዛ ጾመ ፍልሰታ ዝሓለፈት ሰሙን ኣብ ቅዳሴ ከም ዝነበሩን፡ሎሚ ለይቲ ግን ከም ዝዓረፉን እዩ ዝወሃብ ዘሎ ሓበረታ።ኣቡነ ጳውሎስ ኣብዘን ዝሓለፋ ሳምንታት   ብዝያዳ  ብ ከቢድ ሕማም ተጠቂዖም ምንባሮምን ኣብ ዝሓለፈ ሰሙን ድማ  ምስ ሓመሙ ባልቻ ሆስፒታል ኣትዮም ጽዑቅ ናይ ሕክምና ክንክን እንዳ ተገበረሎም ከሎ እዮም፡ኣብ መበል 76 ዓ/ም ብ ሞት ካብዛ ዓለም ተፈልዮም ዝብላ ወብሳይታት ኢትዮጵያ።

ምኽንያት ሞቶም እኳ ተዘይ ተፈለጠ ምትሃተኛታት ኢትዮጵያ ግን ንሕና ኢና ን ቀዳማይ ምንስተርን ኢትዮጵያን ፡ፓትሪያርክ ዘ ኢትዮጵያ ኣቡነ ጳውሎስን ምኽንያት ሞትን ሕማምን ኢሎም፡ከም ፈጣሪ ሓላፍነት እንዳ ወሰዱ እዮም።ዘገርም እዩ ሰብ ይኹን ሰጣን ከ እንታይ ዓቅሚ ሃልዩዎ እዩ ዝቀትል እንተ ኾነ ኣብቲ ብ ደጀ ሰላም ዝፍለጥ ብሎግ ማሕበር ቅዱሳን ቅድሚ ሞት ኣብ ግዜ ሕማሞም ክዛረቡ ጸኒሖም ኣለዉ።

ኣቡነ ጳውሎስ ኣብዚ (20 )ዒስራ ዓመታት ስልጣኖም ን ቤተ ክርስትያን ናብ ዝሓሸ መገዲ ካብ ዝሞርሑዋ፡ ናይ ኢትዮጵያ ሊቅ እውን እዮም ነሮም።እዚ ኮይኑ እንዳ ሃለወ ግን  ሞት ኣቡነ ጳውሎስ ሓቂ ተኾይኑ ነታ ክትዓብን ክትንስእን ጀሚራ ዝነበረት ቤተ ክርስትያን ኢትዮጵያ ፡ኣብዚ ዘላቶ ናይ ሓጎጽ ጎጽን፡ ፈተናን ሰዓት ከመይ ክትከውን እያ።ዝብል ሕቶ ዓቢ ስግኣት ክኸውን ጀሚሩ ኣሎ።

ድሕሪ ኣቡነ ጳውሎስ ከ እንታይ ዓይነት ፓትሪያርክ እዩ፡ክመጽእ???።ዝብሉ ሕቶ ዘድልዮም እዩ።ዝያዳ ኣብ ካሊእ ሃገራት ኣብ ኢትዮጵያ ሓያል ፓትሪያርክ ከድሊ እዩ።እንተ በቲ እንተ በቲ ግን ወብሳይታት ማሕበረ ቅዱሳን ብ ሞቶም ናይ እንቋዕ ሓጎሰኩም ዝዓይነቱ መልእኽቲ ኣስሚዐናና ኣለዉ።ንሕና ግን ን ቤተ ክርስትያን ኢትዮጵያ ሕማቅ ኣጋጣሚ እዩ፡እሞ ኢትዮጵያውያን ኣሕዋትና ጽንዓት ይሃብኩም ንብል !!!።

      በዚ  ኣጋጣሚ ሃይማኖተ ኣበው ዝተሰመዖ ከቢድ ሓዘን  ይገልጽ!!!።

ወግዓዊ ሓበረታ ምስ ረኸብና ተወሳኺ ከነቅሪበልኩም ኢና።

                 ሃይማኖተ ኣበው

ምንጪ ዜና https://docs.google.com/file/d/0B5ikXekolDC4cVFOUW52a0IyWkU/view?pli=1&sle=true
http://andadirgen.blogspot.it/   http://awdemihret.wordpress.com/ ዝተወስደ እዩ።

ሕድሽ ናይ ግብጺ ፕረሲደንት እስልምና መንግስታዊ ሃይማኖት ምዃኑ ዝገልጽ ሕጊ ምጽዳቑ ክኹነን ኣለዎ!!!

ሕድሽ ናይ ግብጺ ፕረሲደንት እስልምና መንግስታዊ ሃይማኖት ምዃኑ  ዝገልጽ ሕጊ ምጽዳቑ ክኹነን ኣለዎ!!!

          ናይ ምስልምና ኣኽራርን ኣብ ግዜ ስልጣነ መንግስቲ ሙባርክ ኣብ ቤት ማእሰርቲ ዝነበረን  መሓመድ ሙርሲ ናብ ስልጣን መጽዩ ካብ ዝተባህለሉ  ግዜ ኣትሒዙ፡ ናይ ግብጺ ክርስትያናት ኣብ ከቢድ ፍርሕን ሸቀልቀልን ኣትዮም ይርከቡ።ናይ ግብጺ ኮፕቲክ ክርስትያናት ኦርቶዶክስ 18 ሚሊዮን ይበጽሑ። (2) ክልተ ሚልዮን ዝኣኽሉ ኣብ ወጻኢ ስደት ክርከቡ ከለዉ፡ እቶም ዝተረፉ ግን ኣብታ ብ ኣመንቲ ምስልምና ኩሉ ግዜ ደም ክርስትያናት እተፍስስ ግብጺ ይርከቡ።።

ግብጺ ክሳዕ 640 ዕ/ም 100% ኮፕቲክ (ተዋህዶ) ኦርቶዶክ ተኸተልቲ ዝነበሩዋ ጥንታዊት ክርስትያናዊት ሃገር ክትነብር ከላ፡ኣብ ግዜ ወራር እስላም ግን ብግዲ ናብ እስልምና ህዝባ ብሰይፍን ብ ተፈላለየ ግፍዕን ገለ ጸኒቱ ገለ ድማ ሞይቱ፡ዝተረፈ ኸኣ ሃይማኖቱ ቀይሩ፡እስላም ኣብ ሓንቲ ወቅቲ ጥራሕ (35,000) ሳላሳን ሓሙሽተን ሽሕ  ኦርቶዶክሳውያን ተዋህዶ ቀቲሎም።ካብኡ ድማ  ብዙሓት ሃይማኖቶም ቀይሮም!።ቁጽሪ ክርስትያናት እውን እንዳወሓደ መጺኡ ይርከብ።እዚ ኮይኑ ክቅጽል ድሕሪ ምጽናሕ ግን፡ ግብጺ ኣምላኽ ኣይገደፋን እቲ ግፍዒ ካብ ግዜ  ጀማል  ዘይሓይሽ እኳ እንተኾነ ኣብ ግዜ መግዛእቲ ሙባርክ ዝሓሸ ምዕባለ  ነይሩ። ፡ካብዚ ናይ ግብጺ ምንቅስቃስ ኣትሒዙ ዝመጽእ ጸረ ሞባርክ ግን ነገራት ይቃያየር ኣሎ።ኩሎም ክርስትያናት ኮፕቲክ ሶርያ ኦርቶዶክስ፡ግሪኽ ኦርቶዶክስ፡ሮማ ካቶሊክ፡ፕሮቴስታንት፡ ካልኦት ናእሽቱ ግሩብ ክርስትያናትን ኣብ ሓደገኛ ጉዳይ ወዲቆም ይርከቡ።

ነዚ መጻወድያ እዚ ኣብ ምርቃቅ ዝርከብ ሓድሽ ናይ ግብጺ   መንግስቲ  ዓንቀጽ2፡ እስልምና ናይ መንግስቲ ሕጊ ምዃኑ ኣብቲ ሕገ መንግስቲ ብምቕማጡ እዩ።እዚ ማለት ኣብ ግብጺ ብዘይካ ናይ እስልምና ናይ ካልእ ምንቅስቃስ ካልእ ኣይፍቀድን ማለት እዩ።ክርስትያን ፖስት ዝተባህለ ጋዜጣ ከም ዝመዝገቦ  ከምዝ ክብል ይገልፅ ።”ሕጊ ዝጸድቅ ብ እልምና ሃይማኖት ዝብሎ፡እዩ። ማለቶም እዩ። እታ ሃገር ብናይ ሸሪዓ ሕጊ ክትመሓደር ኣለዋ ማለት እዩ።ክርስትያናት እውን በዚ ናይ ሸሪዓ ሕጊ ብዝፈቅደሎም ክንቃሳቀሱ ኣለዎም ማለት እዩ።በዚ መጠን  ግብጻውያን ኦርቶዶክሳውያን ከም ዜይጋታት ዘይኮነ ከም  ባራዩ ኣብታ ቅድሚ እስልምና ዝተፈጠሩላ ሃገር በቶም ስደተኛታት ኮይኖም ዝመጹ እስላም ከም ባራዩ ክነብሩ እዮም ማለት እዩ”።ይብል ክርስትያን ፖስት።

መሓመድ ሙርሲ ዲሞክራሲያዊ መንግስቲ ክተክል እየ ኢሉ እዩ ቃል ኣትዩ ኣብ ስልጣን ደይቡ።እንተኾነ ነቲ ኣብ ግዜ ሙባርክ ነበረ መሰል ፍጹም ደምሲሱዎ ይርከብ።ዘሕዝን ፍጻመ ንዓና ን ኤረትራውያን ክርስትያናት እውን ሓደ ዓቢ መምሃሪ ኮይኑና ኣሎ፡”መለበምን ኣይኽላእካ መለበምን ከ ኣይግበርካ” ከም ዝበሃል ከምዚ እዩ።

ኣደናቒ ዝኾነ ኣማኒ ኣምላኽ ይጥቀመሉ እዩ ፡ኢልካ ዘይትሓስብ ሕጊ ሸሪዓ!፡ንዝሰረቀ ኢዱ ምቅራጽ፡ብዝሙት ንዝተረኽበ ብዳርባ እሞኒ ምቅታል፡ካብ እስልምና ናብ ክርስትና ንዝኣተወ  ድማ ኣይምለስን ተደኣ ኢሉ፡ ምሕራድ፡ምጉሱቋል፡ እዩ ዝብል።ሰላፍን ዋላኳ “ክርስትያናት ናብ እስልምና ክኣትዉ ኢዮም” ኢሎም ፡እምነት ተዘይብሎም ፡ክርስትያናት ነታ  ሃገር ገዲፎም ናብ ካልእ ንኽስደዱ ተጽዕኖን  ጸቅጥን ምፍሪራሕን ይገብሩ ኣለዉ ።

ግብጻውያን “ግብጺ ትኣክል ዓባይ ዓረባዊት ሃገር ኣብ ውሽታ ክርስትያናት ከንብሩ ከመይ ገይሩ ይኸውን” ዝብል ስነ ሓሳብ እዩ ዘለዎም።ኣሕመድ ዲዳት ዝተባህለ ናይ እስልምና ቀንዲ ሰባኺ ኣብ ሓደ ወቅቲ ኣብ ዝሃቦ ትምህርቲ ፡”ናይ (ዓረብ ሊግ)ማሕበር ሃገራት ዓረብ ዋና ሓያል ዝኾነት ግብጺ ኣብ ውሽጣ ሚልዮናት  ክርስትያናት ምህላዎም ናይ ሞስሊማዊ ዓለም ስንፍና ውጽኢት እዩ” ብምባል ብቁጠዐ ይዛረብ።

ኣብ ሊባኖስ ሒዝቦላ፡ኣብ ፍሊስጠም ሓማስ፡ኣብ ግብጺ ሞስሊም፡ብራዘርስ፡ኣብ ኢትዮጵያ ሰላፍን፡ኣብ ኤረትራ እውን ናይ መጃሂዱን ምንቅሲቃሳትን፡ከም እኒ ኣልናህዳ ዝበሉን ኩሉ ዝተኣሳሰረ ፖሎቲካዊን ሃይማኖታውን ርክብ ከም ዘለዎም ዝፍለጥ እዩ።ኣብዚ ናይ ማእከላ ምብራቅ ኣከባቢ፡ ኣብታ ዓንድን መበቆል ተዋህዶን ዝኾነት ግብጺ ሞርሲ ምቅማጡ ጽባሕ ንግሆ ንክርስትያናት ዓቢ ስግኣት እዩ።ብጣዕሚ እዩ ጾምን ጸሎትን ዘድሊ።

እዚ  ታሪኻዊ ፍጻመ እዚ ንዓና ን ኤረትራውያን፡ዓቢ መለበሚ እዩ።”ጎረበትካ ጭሕሙ ክላጸስ፡ጭሕምኻ ማይ ልኸ” ከም ዝበሃል።ዋላኻ መንግስቲ ኤረትራ ደው ኢልና ተተቃወምናዮ፡ከቢድ ግፍዒ ኣብ ልዕሌና ይፍጽም ተሎን፡ ክንጥንቀቅ እዩ ዘሎና።ኣተሓሕዛ ኦርቶዶክሳውያን ኣብዚ ጉዳይ ብጣዕሚ እዩ ጥንቓቀ ዘድልዮ!።ገለ ሰባት ን መንግስቲ ኤረትራ እንዳ ተቃወምና ን ተቃወምቲ ኤረትራ ከነተባብዕ ጸኒሕና ኣለና።ግን  ተቃወምቲ ኤረትራኸ ንዝብል፡ ህድእ ኢልካን ኣስተውዒልካን መልሲ ዘድልዮ እዩ።ን ኦርቶዶክስ ብጣዕሚ እዩ ስግኣት ዘለና ዝገደዱ እውን ክኾኑ ይኽእሉ እዮም።ኣብ ሞንጎ ተቃወምቲ ኤረትራ  ኣኽረርቲ እስላም ኣለዉ። ኤረትራ ብሸሪዓ ክትመሓደር ኣለዋ፡ ኤረትራ ዓረብ እያ፡እስላማዊት ሃገር እያ ዝብሉ ምህላዎም።መጻኢት ኤረትራ ክሳዕ ክንደይ እያ ፡ን ክርስትያናት ብፍላይ ድማ ን ኦርቶዶክስ ውሕስቲ ትኸውን ዝብል ካብ መዓልቲ ናብ መዓልቲ ከነስተውዕል፡ ናበይ ንጓዓዝ ኣለና ክንፈልጥን የድሊ።

እቶም ትማሊ” እስላምን ክርስትያንን ሓደ ኢና” ዝብሉ ነበሩ ሰልፈኛታት ጎደና ኣልታሕሪር ሎሚ ናበይ ኣበሉ።ኣብ ግብጺ “ክልተ ሃይማኖት እየን ዘለዋ” ኢሎም ይጭርሑ ነሮም ሎሚ ኸ እንታይ ኮይኖም ዘይወጹ??።መንግስቲ ኤረትራ ን ቤተ ክርስትያና መሰላ ይገፍፍ ፡ፓትሪያርክ ዘለዎም ክንደይ ሓያላት ሙሁራን ካህናትን፡ ሞነኮሳትን፡ከምኡ እውን ብዙሓት ክርስትያናት ኣሕዋትናን ኣሲሩ ኣሎ።ኮይኑ ግን ዝመጽእ ከ ምናልባሽ ንኹልና  ዝኣስር ይኸውን??።

ስለዚ መንግስተ ኤረትራ መሰል ሃይማኖት፡ መሰል ሰባት፡ ከኽብር ጥራሕ ኢዩ ጸቅጢ ዘድልዮ።፡እንተ ፖሎቲከኛታት ኤረትራ ግን ኩሎም ውሽጦም ሪኢናዮምን ፈቲንዮምን ኢና።ኣምላኽ ተዘይ ረዲኡና ካብ ረምጽ ናብ ጓህሪ ክኸውን እዩ!!።ክሳዕ ህጂ ኣብ ልዕሊ መንግስተ ኤረትራ ከነቃልዕን ክንቃወምን ጸኒሕና። ተቃወምቲ ኤረትራ እውን ተሪኢኻዮም ዝገደዱ ሓደገኛታት ኣብ ልዕሊ ክርስትና እዮም።ስልጣኖም እንበር ጉዳይ ሃገርን ህዝብን ኣይዕጅቦምን።

ብፍላይ ኣብ ልዕሊ ኦርቶዶክስ ጽልኢ ኣለዎም።ካብ መንግስተ ኤረትራ ብዘይንእስ፡ተቃወምቲ ኤረትራ ኣብቲ ዝገብሩዎ ሰለማዊ ሰልፊ ተኣሰሩ ሸኻትን ፖሎቲካውያን እሱራትን ሒዞም ሰልፊ ክገብሩ ነቶም ተኣሰሩ ካህናትናን ሞነኮሳትናን ግን ዘኪሮሞም ኣይፈልጡን።እተን ማዕከናት ዜይናኦም እውን ተንከረስ ኢለን ዝኹሉ እንዳፈተሻ እንዳ ኣቃለሓን ነቲ ኣብ ግብጺ ኣብ ልዕሊ ቤተ ክርስትያን ተዋህዶ ተገብረ ዓለም ዝኾነነቶ ከም መንግስተ ኤረትራ ኣየምጽእኦን።”ተቃወምቲ ግብጺ እዚ ገበሩ” ክብላ ግን ኣጽሚመናና ነይረን ።ናይ ዓለም ምሉእ ማዕከናት ዜና ክዛረባ ከለዋ ነቶም ኣብ ቤተ ክርስትያን ብ ቦምባ ዝጠፍኡ  ሰማእታት ኦርቶዶክሳውያን ኣልዒለንኦም ኣይፈልጣን፡ኣብዚ ኣብ ሶርያ ዝግበር ዘሎ ድማ ነዚ ኹሉ ዝዓኑን ፡ዝቅተልን፡ ዘሎ ኣምጺአንኦ ኣይፈልጣ፡ብተወሳኺ ድማ  ዝነዱ ዘለዉ ደብሪታትን ፡ዝቅተሉ ዘለዉ፡ ካህናትን ኣቃሊዐን ኣይፈልጣን።እዚ ካብቲ ኣብ ልዕሊ ክርስትና ዘለዎም ጽልኢ ኢዩ።

ዋላኻ ክትሓቅፎም ተበልካ ንሶም ግን መሊሾም ዘንጋሕጥጡ፡ጠውዮም ጠዋውዮም መሳርሒ ፖሎቲካኦም ክገብሩኻ ዝጽዕሩ፡ካልእ ድሕሪ ባይታ ዘለዎም እዮም።ተቃወምቲ ኤረትራ ክሳዕ ብ ማስምድያኦ ናይ ሃይማኖት ሰባት ክንከውን ኣይንደልን ኢና ዝብሉ፡ ስምዒታውያን እዮም።ነቲ ክንደይ ካህናት ዝገብሩዎ ዘለዉ።ስለ መሰልን ፍትሕን ክንዲ ዝርእዩ ድማ ኦርቶዶክሳውያን ኣቅሽቲ እዚ ገበሩ እንዳበሉ ጽባሕ ን ኦርቶዶክስ ንምቅጻዕ።ከምቲ ህግደፍ ኣብ በረኻ ኸሎ፡ ኦርቶዶክስ ጸረ ናጽነት ኤረትራ እዩ፡ዝብል ነበረ ንሶም እውን ነዚ እዮም ዝደግሙ ዘለዉ።ገሊኦም ከኣ ምስተን “ኤረትራ ብሸሪዓ ክትመሓደር ኣለዋ”። ኢለን ዝውዝቃ እስላማውያን ውዱባት ኪዳን ዝኣተዉ እውን እዮም።

ነዚ ቤተ ክርስትያን ስቅ ኢላ ክትርኢ ኣይግባእን ህዝባ ከተረድእ ኣለዋ።ደስ ከም ዝበሎም መታን ከጣፋፍኡን ክሰርቁን፡ንጽባሕ ድማ ክበልዑናን ስለ ዝምነዩ ድማ እዮም ኣብ ፖሎቲካ ሃይማኖታዊ ሰብ ክዛረብ የብሉን ዝብሉ ዘለዉ።ተቃወምቶም ይኹኑ ዋላ ህግደፎም ኣብ ልዕሊ ክርስትና (ኦርቶዶክስ )ሓደ ዓይነት ኣረኣእያ እዩ ዘለዎም።፡ስለዚ ንሕና ፓርቲ ከነቅውም ምስኦም ኣብ ፖሎቲካ ክንውዕል ዋላኳ ተዘይ ተገበአ፡ ንህዝብና እንታይ ይመጾ ኣሎ ክንሕብር ግን ሓላፍነታውነትና እዩ።ተበለጽቲ ፖሎቲከኛታት ነዚ ብጣዕሚ እዮም ዝብለጽሉ።ስለዚ ህዝቢ ኤረትራ ትጽቢቱ ኣብ ኣምላኽ ጥራሕ ክኸውን ኣለዎ።ናብ ኣምላኽ ልዕሊ ዝኾነ ይኹን ግዜ ሎሚ ክጽሊ ክኽእል ኣለዎ።ስቅ ተዘይ ኢሉ ግን ማሕረዲ ኣገልገልቱ ክርኢ ኢዩ።ምብራስን ምጥፋእን እምነቱ ክርኢ ኢዩ።

ኣብዚ ሰዓት እዚ ኢትዮጵያ ብ ሰላፍን ትህወኽ ኣላ፡ ንዓና ኸ ጽባሕ ዝብል ክንፈልጥ ኣሎና።ንዓና መን ነገሰ ኣይኮነን ሕማምና ሃይማኖትና ብኸመይ ትነብር ጥራሕ እዩ።ስለዚ ምምጻእ መሓመድ ሙርሲ ናብ ስልጣን ን ምብራቅ ኣፍሪቃን ከምኡ ኸኣ ን ማእከላይ ምብራቅ ሓድሽ ኣብ የእምሮ ኩሉ ሰብ ዘይተሓስበ ሽግር ከምጽኣሉ እዩ።ግብጺ ኣብ ዞባና ዘለዋ ሓይሊ ከቢድ ምዃኑ ክንዝንግዖ የብላናን ግብጺ ክሳዕ ዘላ ስገኣት ኣሎ።ስግኣት ክሳዕ ዘሎ ኸኣ ጾሎት ከድሊ እዩ ።ድሕሪኡ ድማ መስቀልካ ምልዓል ን መስቀልካ ምስካም ድሉው ምዃን ከድሊ እዩ።።

ስለዚ ዋላ ኣብቲ ብ ሰንኪ መንግስተ ኤረትራ መጺኡና ዘሎ ሽግር እውን ነገርና ምስ ኣሕዋትና ባዕልና ደኣ እንበር ቤተ ክርስትያን መጺኦም ዘይፈልጡ ፖሎቲከኛታት ክፈትሑልናን ክኣትዉናን ከነፍቅደሎም የብልናን።መንግስተ ኤረትራ ከዛራሪበና ተደልዩ እውን ድሉዉነትና ብምርኣይ ነገርና ባዕልና ክንዛረበሉ ኣሎ።

ካብቲ ዘገርም ሓደ ናይ ቀደም ኣብ ሓንቲ ሃገር ናይ ተቃወምቲ መንግስተ ኤረትራ ነበረ ቤተ ክርስትያን፡ በቲ ተቃወምቲ ኢና እንዳበሉ፡ በቲ ኸኣ ነቲ ብዘይ ሕጊ ናብ ስልጣን ን ኦርቶዶክስ ንምህዋኽ ዝመጸ ኣርተፍሻል ናይ ሓሶት ፓትሪያርክ ከም ወግዓዊ ምቅባሎም ኢዩ።ነዚ ዘርእየካ ተቃወምቲ ኤረትራ ብዘይካ ስልጣንን ሰብ ከመይ ገርካ ትሕዝን ካልእ ፍጹም ሓሳብ ከምዘይብሎም እዩ።ስለዚ ዋላ ናይ ተቃወምቲ ኤረትራ ዕላመኦም እዚ ኢልካ ኣይፍለጥን።ምስ ናይዚ ኹሉ ከም ክርስትያናት ቤተ ክርስትያናት መጺኦም ዘይፈልጡ፡ብዛዕባ ቤተ ክርስትያን ይዛረቡ እዚ ህዝቢ ንምድህላልን ንምስራቅን ደኣ እንበር ፡ብዛዕባ ሃይማኖትና ሽጊሩዎም ኣይኮነን።እንተ እቶም እስላማውያን ተቃወምቲ ግን ኣብ ግዜ ስግዳኖም ኣብ መስጊድ ኢኻ ትረኽቦም።ስለዚ ኦርቶዶክስ ረዲኤታ ኣምላኽ  ጥራሕ እዩ።ነዞም ተቃወምቲ ክንኣምን የብልና ን መንግስተ ኤረትራ ክንኣምን የብልና።ን ኣምላኽና ኣሚና ናብኡ ጥራሕ ንጸሊ።

 እንተ ግብጺ “እስላማዊ ሃገር እያ” እንዳበለት ዳግማይ ንብዓት ክርስትያናት ከተፍስስ ትህንደድ  ኣላ፡ ጽባሕ ከ??። ኣምላኽና ዝታኸስ ኣምላኽ ኣይኮነ።(ኢሳ5፡27)(መዝ 12፡3)(መዝ 121፡4)።ንኹሉ ንምርኣይ ምቅናይ።ግን ቃል ኣምላኽ ንኽፍጸም እዩ ህዝቢ ኣብ ልዕሊ ህዝቢ መንግስቲ ኣብ ልዕሊ መንግስቲ ዝበሎከ ናበይ ክተርፍ።(ሉቃ21፡12)።ወይ እውን ነብይ ኢሳይያስ ዝበሎ ምዕራፍ 19 ደኾን ክፍጸም ኮይኑ ክርስቶስ ነቶም ደቁ ቅድም መከራ ብስደት ኣምሲሉ ከውጽኦም ደልዩ??።እታ መልሲ  ኣላ ኣምላኽ ጥራሕ እዩ  ኸዓ ዝፈልጦ።

             ወለቱ ስብሃት

             ዘ-ማርቆስ

 ምንጩ ካብ ብሎግ  ድምጺ ኦርቶዶክስ ዝተወስደ http://dmstiorthodox.blogspot.it/2012/08/blog-post_15.html 

               haymanoteabewo@gmail.com

2ይ ክፋል ስለምንታይ ክልተ ግዜ ጥምቀት!!??.,።

      ካብ ብሎግ http://etiqalsgakone.blogspot.it/2012/08/2.html  ዝተወስደ.

2ይ ክፋል ስለምንታይ ክልተ ግዜ ጥምቀት!!??.,።

                     ብ ቀሺ ሙሴ ሽሻይ

ቀዳሞት ሃወርያት ነዚ ስልጣን እዚ ብምንባር የእዳውን ብእስትንፋስ መንፈስ ቅዱስን ናባና ኣሕለፉዎ፡እታ ብምንባር የእዳው እትወሃብ ስልጣነ ክህነት ንማንም ሰብ ኣይትወሃብን ከምቲ ቅዱስ ጳውሎስ ን ተመሃርዩ 2ይጢሞ2፡2 ብዝበሎ ትወሃብ፡በዛ ምገዲ እዚኣ ዘይመጸ ግን ክህነቱ ኣይንሓስባን ኢና።ስለምንታይ ብዙሓት ሰባት ብስጋ ተላዒሎም ከም ስምኦን ን መንፈስ ቅዱስ ዝፈታተን ስራሕ ክሰርሑ ስለ ዝክእሉ!።

 ጥምቀት ብ ማንም ሰብ ትወሃብ ኢያ፡ ኢልና እውን ኣይንኣምንን፡እዚ ኣተሓሳስባ እዚ ኣብቶም ቀዳሞት ክርስትያናት እውን ነሩ እዩ፡ዝኾነ ምቅባል መንፈስ ቅዱስ ብዘይ ምንባር የእዳዊ እቶም ሃወርያት ከም ዘይመሓላለፍ  ስምኦን ንባዕሉ ከም ዘስተውዓለ ኣብ ግሃ 8፡18-19 ንርኢ።ንሱ ተሪኢና ነቲ ብምንባር የእዳው ዝርከብ መንፈስ ቅዱስ መታን ክረክብ ብገንዘብ ክገዝኦ እዩ፡ሓሊኑ፡ኣይኮነሉን፡ስለዚ ዝኾነ ነገር መንፈስ ቅዱስ ክሓብሮ ተኾይኑ ግድን ናይ ሃወርያት ወይ ድማ ናይቶም ብምንባር የእዳው ሃወርያት ዝተሸሙ (ዝተመዘዙ)ሕጋውያን ካህናት እዩ ክህልዎ ዘለዎ።ናይ ሎሚ ግን ነቲ ብምንባር የእዳዊ ዝርከብ ሃወርያውነት ብ ቀይደበተኽ ማንም ሰብ ኢዱ ከይነብረሎም ኣብ ኣዳራሻት ጓሶት ኢና ኢሎም ክእውጁን ን ሰባት ናይ ሓሶት ቃል ኪዳንን ናይ ሓሶት ጥምቀትን ክህቡ ይርኣዩ በዚ ይገርመና ! ዘሕዝን ኣጋጣሚ እዩ።

ካልእ ንሕና ንጥምቀት ካብተን ሸውዓተ ምስጢራት ቤተ ክርስትያን ገይርና ኢና ንኣምን፡እዚ ኸኣ እቲ ካህን ክጽሊ ከሎ፡ እቲ ታራ ማይ በእምሮ ሰብ ብዘይ ይብጻሕ መገዲ፡ ናብ ኣመናዊ ማይ ክቅየር ስለዘይንሪኦን ዘይንበጽሖን እዩ።ከምኡ እውን፡ ስለ ዝቅየር እዩ።ከምኡ እውን ንሕና በእምሮ ስጋ ክንገልጾ ዘይንኽእል ነቲ ሰብ ከነጠምቆ ከለና፡ ብቅጽበት ንሕና ብዘይንርእዮ እቲ ሰብ ካብ ኣብራኽ መንፈስ ቅዱስ ይውለድ ኢልና ኢና ንኣምን፡መንፈስ ቅዱስ ይወርዶ ፡ኣብ ካልእ ግን ከምኣ ኣይኮነትን።

ንሕና ንጥምቀት ከም ቃል ኣምላኽ መሰረት ብምጥላቅ ኢና ንፍጽማ።

ንህጻናት ድማ ኣብ እምነት ወለዶም ተሞርኲስና ነጥምቖም፡ስለምንታይ ኢና ነጠምቆም ንዝብል ድማ ማንም ሰብ ክውለድ ከሎ ሒዝዎ ዝውለድ ነፍሳውን ስጋውን ሞት ኣሎ፡ ኣደማዊ ውርሻ ሓጢኣት ድማ ይበሃል ፡ማንም ሰብ ሓጢኣት ይግበር ኣይግበር ግድን ኣደማዊ ውርሻ ሓጢኣት ኣለዎ ።ሮሜ5፡14 “ሞት ግና ካብ ኣዳም ጀሚሩ ክሳዕ ሙሴ ኣብቶም ማዕረ እቲ ኣበሳ ኣዳም ሓጢኣት ዘይገበሩ’ውን ሰልጠነ፡”,,።

እታ ካብ ኣዳም ዘተመሓላለፈት መርገም፡ማለት( ዘፍ2፡17)” ካብታ ጽቡቕን ክፉእን እተፍልጥ ኦም ግና ካብኣ ምስ እትበልዕ መዓልትስ ብርግጽ ሞት ክትመውት ኢኻ እሞ፡ካብኣ ኣይትብላዕ” ኢሉ ዝተኣዘዛ እሞ ፡ኣዳም ግን ብምጥሓስ ዝፈጸማ ምርጫ ሞት፡ናብ ኩሎም ደቂ ኣዳም እያ እትሓልፍ ።ኹሉም ድማ ግድነት ይኸውን ክመቱ ህጻናት ይኹኑ ዓበይቲ  ካብ መንፈስ ቅዱስ ተዘይ ተወሊዶም በታ ብሰንኪ ኣዳም ዝመጸት ሞት።ይቅጽል,,,,,,,

                  haymanoteabow@gmail.com

1ይ ክፋል ስለምንታይ ክልተ ግዜ ጥምቀት!?።

         1ይ ክፋል

ስለምንታይ ክልተ ግዜ       ጥምቀት!?።

           ብ ቀሺ ሙሴ ሽሻይ

ቃል ኣምላኽ ኩቡር እዩ እንተኾነ ኣብዚ ሰዓት እዚ በቶም ዘይኣመንትን ዘይፈልጡን ንነፍሶም ከም ሓጢኣተኛታት ዝሓስቡዋ ዘይኮነስ በቶም ንነፍሶም ጻድቃን ዝሰምዩዋ ንኻልእ ግን ብሓጥያት ዝሓምዩን ዝፈርዱን ናይ ዘበና መማህራን ከቢድ ግፍዕን ምግሃስን ኣብ ቃል ኣምላኽ ይካየድ ኣሎ !።

ሓንቲ ካብኣተን እዛ ጥቅሲ እዚኣ ኣብ ልዕለኣ ዝግበር ግህሰትን ንዓኣ ንምጥዋይ ዝግበር ጥበባትን እዚ ኢልካ ኣይቁጸርን ግን ን ቃል ኣምላኽ መን ይምክቶ ከቶ ዘይምከት ዘይምለኽ ንኹሉ ደኣ ዝመልኽ ሓያል ናይቲ ሓያል ዝኾነ ቃል ቃል ኣምላኽና።(ኤፈ4፡5)

እዚ ዝህቦ ርእይቶይ ን ኣምላኽ ንምሕጋስ ደኣ እንበር ነዚ ናተይ ቤተ ክርስትያን ሓቀኛ ገርካ  ንምቅራብ ሓሊነ ከምዘይኮንኩ ኩሉ ክርድኣኒ ብትሕትና ይሓትት!፡እንታይ ደኣ ሰብ እንዳ ጠፍአ ስቅ ኢልካ ክትርኢ ከለኻ ኣብ ቅድሚ ኣምላኽ ተሓታትነት ስለ ዘምጸአልና እንበር ።

ህዝቅኤል3፡18 ኣነ ነቲ ረሲኣ፡ሞት ክትመውት ኢኻ፡ምስ በልኩዋ፡እንተ ዘይመዓድካዮ፡ካብ መገዲ ረሲእነቱ ተመሊሱ ነፍሱ ኽትድሕን ፡እንተ ዘይተዛሪብካዮን፡እንተ ዘይመዓድካዮንሲ ፡እቲ ረሲእ ብ ሓጢኣቱ ኺመውት እዩ፡ደሙ ግና ካብ ኢድካ ኽደልዮ እየ፡ዝብል ኣምላክ ሓታቲ ስለ ዘሎና!።

ጥምቀት ሓንቲ ካብተን ሰብ ንኽድሕን ክፍጽመን ዘለዎ  ኣገደስቲ ስርዓታት ኣምላኽ እያ።ሎሚ እውን ብዛዕባ እቲ ሰፊሕ ምስጢረ ጥምቀት ኣይኮንኩን ክዛረብ ደልየ ከምኡ ተኾይኑ ን በይኑ መጽሓፍ እዩ ከድልየኒ ፡ግን ናይ ሎሚ ናብታ መሪጸያ ዘለኹ ስለምንታይ (2) ክልተ ግዜ ጥምቀት የድልየኒ!!?? ዝብል ቃል ኣርእስቲ ብምግባር እንበር ክዛረብ፡መሪጸ ኣለኹ።

ኣብዚ ግዜ እዚ ብዙሓት መንእሰያት ክልተ ግዜ ይጥመቁ ኣለዉ።ስለምንታይ ግን ቃል ኣምላኽ  ሓደ ጎይታ ሓንቲ እምነት ሓንቲ ጥምቀት እንዳ በለ !?።

 ካብቲ ዝቀርብ ሕቶ ድማ” ስለምንታይ ኢኹም ንህጻናት ኦርቶዶክስ ኣቅሽቲ ተጠምቁ” ዝብል እዩ።ብዙሕ ግዜ ብዙሓት ሰባት ሓቲቶም ንዝሓተቱና ብዛዕባ እምነትና ክንገልጽ ባህ እዩ ዝብለና።መልሰይ ነቶም ዝሓቱኒ ወይ ኩሉ ግዜ ብግሊ ረኺብኩም ጸሓፈልና ዝበልኩምኒ ከምዚ እዩ ። ንሕና መጀመርታ ጥምቀት ኣብ ቤተ ክርስትያና እግዚኣብሔር ይመስገን ብ ማንም ሰብ ኣይትወሃብን እያ!፡ ኣብ ጥምቀት ኮነ ካልእ ዕዮ ኣምላኽ ንኹሉ ብፍርሓት ኣምላኽ ኢና ነካይዶ፡ንሱ ድማ ዝኾነ ሰብ ኣብ ቤተ ክርስትያና ሰብ ኣየጠምቅን እዩ።ጥምቀት ኣባና ብ ሕጋዊ በቲ ብምስግጋር ብምንባር የእዳው  ሃዋርያት ተባሪኹ ዝመጸ ካህን እያ ትወሃብ።ይቅጽል,,,,,።

haymanoteabew@gmail.com

      ካብ ብሎግhttp://etiqalsgakone.blogspot.it/2012/08/1.html ዝተወስደ።