ስብከት ብ ድያቆን ዮውሃንስ ገብረሂወት።

ድምጺ ኣምላኽ ።

ስብከት ብ ኣቦና ቀሺ ሃብቶም ፍትዊ።

ስብከት ብ ኣቦና  ቀሺ ሃብቶም  ፍትዊደብረ ታቦር ።

ልኡኻት ሃገረ ስብከት ሰሜን ኣመሪካ ምስ ናይ ኦርየንታል ኣብያተ ክርስትያን መራሕትን ምስ ናይ ቢዛንታይንን ካቶሊክ ኣብያተ ክርስትያናት ተወከልትን ርክብ ከም ዝገበሩ ተዋህዶ.ኦርግ ሓቢራ።

ልኡኻት ሃገረ ስብከት ሰሜን ኣመሪካ ምስ ናይ ኦርየንታል ኣብያተ ክርስትያን መራሕትን ምስ ናይ ቢዛንታይንን ካቶሊክ ኣብያተ ክርስትያናት ተወከልትን ርክብ ከም ዝገበሩ ተዋህዶ.ኦርግ ሓቢራ።

እቲ ብብጹእ ኣቡነ መቃርዮስ ዝተመርሐ ጉጅለ፡ኣብ ምርጫ ፓትሪያርክ ቅዱስ ማርቆስ እስክንድርያ፡ንክሳተፍ ኢዩ፡ኣብቲ ምርጫ ክሳተፍ ምስ ከደ ምስዞም ኩሎም ወኪላት ተረኺቡ።ኣብቲ ዝተገብረ ርክብ፡ብዛዕባ ህሉው ኩነታት ቤተ ክርስትያን ተዋህዶ ኣብ ኤረትራን ፓትሪያርካ ቀደማዊ እንጥንዮስን ኢዮም ተዛራሪቦም።ሓሳብ ንሓሳብ ድማ ተላዋዊጦም።
እቲ ጉጅለ ምስ ሓድሽ ፖፕ ናይ መንበረ ቅዱስ ማርቆስ ምስ ዝኾኑ ኣቡነ ቲዎድሮስ 2ይ ኣብ ዝገበርዎ ርክብ።ነዚ መዓርግ እንቋዕ ኣብቀዐኩም ድሕሪ ምባል፡ብዛዕባ ህልዉ ኩነታት ቤተ ክርስትያንን ወሪዱዋ ዘሎ ከቢድ ኣደራዕን ስፍሕ ዝበለ መግለጺ ድህሪ፡ምሃቦም።ዕረፍቲ ኣቡነ ሽኖዳ 3ይ ን ቤተ ክርስትያንና ኣዝዩ ዓቢይ ክሳራ ኢዩ።እንተኾነ ብናይ ኣምላኽ ረድአት ንስኹም መጺእኩም።እዚ ን ኦርቶዶክስ ተዋህዶ ዓቢይ ብስራት ኢዩ ኢሎም።ብፍላይ ድማ ኣብ ናይ ኤርትራ ኦርቶዶክስ ተዋህዶ ቤተ ክርስትያን ብ ፖፕ ሽኖዳ ዝጸንሀ ኣካይዳ ብዘለዎ ናህሪ ክቕጽል፡ጸሎትኩምን ምትሕብባርኩምን ነታኣ ቤተ ክርስትያን ከይፍለያ ብምባል መግለጺ ድሕሪ ምሃቦም። ፖፕ ቴዎድሮስ ካልኣይ ብ ወገኖም ኣብ ናይ ኤረትራ ኦርቶዶክስ ቤተ ክርስትያን ወሪዱ ዘሎ ከቢድ ኣደራዕ፡ኣብ ርእሲ ቅዱስ ፓትሪያርክ ኣቡነ እንጦንዮስ ተፈጺሙ ዘሎ ግህሰትን ኣዝዩ ከም ዘሕዝኖም ከም ዘግህዮምን፡ኣብ ጸሎቶም ድማ ኩሉ ግዜ ከም ዝዝክርዎምን ብጓሂ ገሊጾም።እቲ ኣብ ልዕሊ ኣቡነ እንጠንዮስ ዝተወሰደ  ሓደገኛ ፍጻሜን ምግሃስን ሕጊ ቤተ ክርስትያን ብ ፖፕ ሽኖዳን ብ ኣይን ዘይኮነስ፡ብምሉኣት ጉባኤ ቅዱስ ሲኖዶስ እስክንድርያ ዉጉዝን ኹኑንን ምዃኑ፡ብጀካ ፓትሪያርክ ቅዱስ እንጦንዮስ ድማ ዝኾነ ፓትሪያርክ ናይ ኤረትራ ኣፍልጦ ከምዘይህልዎን፡ተቃባሊነት ከም ዘይብሉን ቅድስነቶም ብምግላጽ፡ኣብ መላእ ዓለም ዝርከባ ናይ ግብጺ ኣብያተ ክርስትያናት ድማ ኩሉ ግዜ ኣብ ጸሎተን ክዝክረኦም ምኳነን ገሊጾም።

ልኡኽ ሃገረ ስብከት ሰሜን ኣመሪካ  ካብኡ ቀጽጺሉ ድማ ምስ ናይ ሶርያ ፓትሪያርክ ቅዱስ ማር ኣግናጥዮስ ዘካ(his holiness moran mor ignatius zakka i iwas)ኣብ ዝገበሮ ርክብ፡ብዛዕባ ህሉው ኩነታት ኦርቶዶክሳውዊት ተዋህዶ ቤተ ክርስትያን ኤረትራ ።መግለጺ ድሕሪ ምቕራቦም፡ናይ ሶርያ ኦርቶዶክስ ቤተ ክርስትያን ኣብ ርእሲ ሓውታ ዝኾነት ናይ ኤረትራ ቤተ ክርስትያን ወሪዱ ዘሎ ምግሃስ ሕግን፡ምእሳር ፓትሪያርክ፡ኣቡነ እንጠንዮስን፡ኣዝዩ ከም ዘሕዘኖም፡ድሕሪ ምግላጽ፡ነቶም ቀኖና ቤተ ክርስትያን ጥሒሶም ሃዋርያዊ ሕጊ ሰጊሮም፡ ብሓይሊ ጎነጽ  ኣብ ስልጣን ዘለዉ ዘይሕጋዊ  ሰብ ኣፍልጦ ከምዘይብሎምን፡ብ ጀካ ፓትሪያርክ ቅዱስ እንጦዮስ ካልእ ከምዘይቅበሉን፡ምስቲ ብብጹእ ኣቡነ መቃርዮስ ዝምራሕ ምምሕዳር  ሃገረ ስብከት ሰሜን ኣመሪካን ኣውረጳን ማእከላይ ምብራቅን ብቀረባ ክዓዩ ምዃኖም ተረዳዲም  ክሳዕ ጸብጻብ ን ንጽሕፈልኩም ።ንሙሉእ ሓበረታ ኣብዚ ጠውቁ http://tewahdo.org/Pdf/EgyptReport112712.pdf
           haymanoteabow@gmail.com

ለካ ልቢ ስለዘይብልኩም ኢኹም ንሕድሕድኩም ትበላልዑ::

ለካ ልቢ ስለዘይብልኩም ኢኹም ንሕድሕድኩም ትበላልዑ::

ዘረባ ህበይ እዩ። “መሲለ ዝነግሮስ ክመስሎ ኢለ” ከምዝበሃል ግን፡ ኣብዚ ዘለናዮ፡ ዘመን መሳልሶ፡-- ሓው ንሓው ኣሕሊፉ ዝወሃሃበሉ ዘሎ ህጹጽ ዘመን፡-- ንሕጻናት ደቀይ ከንበብሎም ዘለኒ መጽሓፍ ጽውጽዋይ እናንበብኩ፡ "ዘረባ ሰብ ምስማዕ ዝኣበና ኢና ንመስል እሞ፡ ዘረባ ህበይ እንተተረድኣና ኸ መን ይፈልጥ" ዝብል ሓሳብ ኣብ ቀልበይ ጸብለል በለ’ሞ፡ ንምጽሓፉ ኸኣ ድሕር ክብል ኣይደለኹን፡ ኣይበልኩን ድማ፡ እንሆ እኳ ተንብብዎ ኣለኹም።

“ሽዑ ብዙሓት ክዕንቀፉ፡ ንሓድሕዶም ኣሕሊፎም ክወሃሃቡ፡ ንሓድሕዶም’ውን ክጸላልኡ እዮም፡” (ማቴ24፡10)ዝብል ህያው ቃል ጐይታና፡ ካብ ሎሚ ንላዕሊ ዝተፈጸመሉ እዋን ኔሩ ትብሉ እንተኾንኩም እንድዒ!! ሓደው እቲ ንካህን ኣጽኒሑ ንዘረባ ምእመን ክሰምዕ ሓርዩ ዘሎ ወለዶ ይመስክር፡ ወይ’ውን እቲ ነቶም ኣብ እምነቶም ጸኒዖም “ሓዋርያዊ ሰንሰለት ኣይበተኽ” ንዝብሉ ኩሎም ሊቃውንት፡ ዘይስሞም ከልብስ ህርድግ ዝብል ሃይማኖተኛ’የ በሃሊ ይዛረብ። ወይ ከኣ ይንገሩና፡ እቶም ንሊቃውንት ቤተክርስቲያን ከውግዙ፡ ክዝልፉን ከጸልሙን፡ እከለ ተወጊዙ፡ እከለ መናፍቕ፡ እከለ ተሓድሶ፡ ክብሉ ወጊሓ ትዓርቦም ዘላ፡….  ምብልላዕ ዶ ጀሚርና ሓቀይ… ከይተወዳዳእና ከለና ግዳ ናብ ዘረባ ህበይ ንመለስ። ህበይ፡ ነቲ ከታልላ ኢሉ ዝሓሰበ እሞ ተመሊሳ ዘታለለቶ ዓሳ እያ ነዚ ዘረባ እዚ እተዛረበቶ። ከምዚ እዩ እቲ ታሪኽ፡-

ሓደ እዋን፡ ዓሳ ያኢ ኣዲኡ ሓሚመንኦስ ፈውሰን ድማ ልቢ ህበይ ኮይና ስለዝተረኽበት፡ ወትሩ እትቕተል ህበይ እንተተረኽበት  ብምባል የናዲ ነበረ። ብኸመይ ንዝብል ሕቶ ድማ፡ ምሂዙ ምሂዙ ተዋጽእ’ያ ዝበላ ሓንቲ ጥበብ ረኺቡ ነበረ።

“ዎ ህበይ ምሕንባስ ከላምደክስ ንዒ እንዶ ውረዲ” ብምባል ተማሕጺንዋ፡ ነታ ኣብ ገረብ ሓዂራ ምሕንባሱ ተቋምት ዝነበረት መስክነይቲ ህበይ። ሓቂ መሲልዋ ሰሚዓቶ። ዓሳ ኣብ ዝባኑ ሓንጊሩ እናሓምበሰ ናብ ማእከል ብዝበጽሑ ግን፡ ሓቲትዋ ንህበይ፡ መስተንክራዊ ሕቶ። “… ጉዕዞና ተረዲኡኪ ዶ’ሎ ህበይ?” ምናልባትውን “ህበይኖ” ኢሉ ኣቀባጢሩላ ክኸውን ይኽእል'ዩ። እቶም ኣሕሊፎም ወሃብቲ፡ ከም ይሁዳ እናሰዓሙ ዶ ኣይኮኑን ናብ ጥፍኣት ኣሕሊፎም ዝህቡና ዘለዉ…. ዝኾነ ኮይኑ፡ “ኣይተረድኣንን፡” ኢላቶ እታ ገርሂ ልባ፡ ድንግርግር እናበላ። “ምሕንባስ ዶ ኣይኮንካን ተላምደኒ ዘለኻ?” ብምባል ድማ ተወከሰቶ።

ዓሳ ሆየ፡ “እንታይ ምልምማዱ ደኣ፡ ኣደይ ስለዝሓመመት እምበር ነታ ልብኺ መድሃኒት ክትኮና ክንህባ!” ብምባል “ኣበይ ከይትበጽሕ” ግዲ ኢሉ፡ ካን ኣንቁር ኣቢሉ መርድእ ሞታ ነገራ። ኣይሰንበደትን ህበይ፡ “እንታይ ደኣ ኣቐዲምካ ዘይትነግረኒ ወደይ፡ እታ ልበይ ደኣ’ሞ ኣብታ ገረብ እንድየ ገዲፈያ ዘለኹ” ዝብል ቅጽበታዊ መልሲ ምስ ሃበቶ ድማ እቲ ዓሳ ተደናገረ፥ ንህበይ ድማ ኣመና። ድሕርዚ ልቢ ህበይ ንምርካብ፡ ጉዕዞ ንድሕሪት ኮነ… ተስፋ ዝሰነቐት ህበይ ከኣ “በል ቀልጥፍ ደኣ ካልኦት ከይወስድዋ” እናበለት፡ ቀልቡ ከይተመልሰ ከሎ ክትዕወተሉ ተተስፈወት። ዓሳ ብፍጥነት ሓምቢሱ ናብ ደንደስ ብምጻሕ ኣፋነዋ እሞ፡ “በሊ ተቐላጢፍኪ ልብኺ ሒዝክያ ምጺ” ብምባል ድማ ኣፋነዋ። ህበይ ሆየ ነጢራ ናብ ገረባ ብምሕኳር ኣላጋጭ ሰሓቐትሉ፡ “ኣንታ ዓሻ! ልበይሲ ኩሉ ሳዕ ምሳይ እያ፡ ንስኻ ኢኻ እምበር ልቢ ዘይብልካ፡ ለካ ንሓድሕድኩም እትበላልዑስ ልቢ ስለዘይብልኩም'ዩ ብምባል ድማ ተረካብ ዘረባ ሓደገትሉ።

ኣብታ ሓንቲ ኦርቶዶክሳዊት ቤተክርስቲያን ነንሓድሕድና ክንናቘትን ክንጣፋእን እንውዕል ዘለናስ፡ ብሱሩ ካብዚ ህበይ ትብሎ ዘላ ብምንታይ እዩ ክፍለ?! እቲ ኹሉ ዝከኣሎ ኣምላኽ ዘስተውዕል ልቢ ክህበና ቅዱስ ፍቓዱ ይኹን!

 "ማለት ኲሉ እቲ ሕጊ፡ ብጻይካ ኸም ነፍስኻ ኣፍቅር፡ ብትብል ሓንቲ ቓል ይፍጸም እዩ።  ንሓድሕድኩም እንተ ተናኸስኩምን ተበላዕኩምን ግና፡ ንሓድሕድኩም ከይትጣፍኡ ተጠንቀቑ፡" ገላ5፡14-15 

ምንጪ ወብሳይት keshiyonas

haymanoteabow@gmail.com

ኢትዮጵያ፡ ሻድሻይ ፓትርያርክ ዶ ትምረጽ፡ ወይስ እቶም ብህይወት ዘለዉ ራብዓይ ፓትርያርክ ናብ መንበር ይመለሱ?!

ኢትዮጵያ፡ ሻድሻይ ፓትርያርክ ዶ ትምረጽ፡ ወይስ እቶም ብህይወት ዘለዉ ራብዓይ ፓትርያርክ ናብ መንበር ይመለሱ?!።

                                                               ብ ቀሺ ዮናስ ወልደ ሩፋኤል

ግብጻዊት ኦርቶዶክሳዊት ቤተክርስቲያን ኣዝዩ ማራኺ ብዝኾነን ፍጹም መንፈሳዊ ኣገባብ ዝዓሰሎ መስርሕ ብምኽታልን ሓድሽ መራሒኣ ንብጹዕ ወቅዱስ ኣቡነ ቴዎድሮስ ቀቢኣ ኣብ መንበረ ማርቆስ ኣቐሚጣቶም ኣላ። እተን ውላዳ ዝኾነ ናይ ኤርትራን ኢትዮጵያን ኣብያተክርስቲያን ግን ካብታ ወላዲተን ዝኾነት ግብጻዊት ቤተክርስቲያን ብዙሕ ክመሃራ’ኳ ዝኽእላ እንተነበራ፡ ዛጊት ግን ኣብ ፍጹም ሓሸውየ፡ ገና ኣብ ሸንኰለል ከምዘለዋ ካብ ማንም ኣይተሰወረን ዘሎ። ኤርትራዊ ኣቡነ እንጦንዮስ ኣብ ዘቤታዊ ቀይዲ፡ ኢትዮጵያዊ ኣቡነ መርቆርዮስ ድማ ኣብ ስደት!

ጠንቂ ድኻም ናይ ሓበሻ ቤተክርስቲያን እንታይ እዩ ኢለ ሓሲበስ፡ ኣእዳወይ ዘየወጣወጥኩሉ ዳርጋ ኣየነበረን። ኣብ ኩለን ኦርቶድክሳውያን ዘሎ ዘይምእኩልን ዘይጥሙርን ምሕደራ ሓደ ካብቲ ቀንዲ ጠንቂ ኮይኑ ተሰሚዑኒ፡ ምትእትታው መንግስቲ’ውን ጐሊሑ ተራእዩኒ፡ ድኹም ደረጃ ፍልጠት ኣሉ ክብሎ ክሳዕ ዘይክእል ብግሁድ ኣእሚኑኒ፡ ወዘተ… እቲ ጠንቂ፡ ደቂቕ መጽናዕቲ የድልዮ ይኸውን፡ ሓደ ርኡይ ነገር ኣሎ፥- ኣንፈት ጉዕዞ ሓበሻዊት ቤተክርስቲያን ኣብዚ እዋን እዚ ኣብ ኣዝዩ ዘሰክፍ ደረጃ እዩ ዘሎ። ጉዕዞ ሓበሻዊት ቤተክርስቲያን ናበይ ገጹ እዩ?!

ዜና ክርስትና ኣብ ሃገርናን ከባቢናን ካብ ዝኣተወሉ ኣትሒዙ ክሳዕ ብጻዕሪ ሃጸይ ኃይለሥላሴ ቤተክርስቲያን ሓበሻ ናይ ባዕላ መሪሕነት ክህልዋ ክሳዕ ዝግበር… ሓበሻዊት ኦርቶዶክሳዊት ቤተክርስቲያን ኣብ ትሕቲ ግብጻውያን ጳጳሳት እያ ትመሓደር ዝነበረት። 21 ሰነ 1951 ግን ቤተክርስቲያን ሓበሻ ንመጀመርታ ግዜ ኣብ ታሪኻ፡ ርእሳ ክኢላ ክትመሓደር ተፈቕደላ’ሞ፡ ናይ መጀመርታ ሓበሻዊ ጳጳስ ኣቡነ ባስልዮስ ድማ ፓትርያርክ ዘሃገረ ኢትዮጵያ (ንኤርትራውን ዘጠቓለለ) ኮይኖም ተቐብኡ።

ንኣቡነ ባስልዮስ ተኪኦም ዝተቐብኡ ጳጳስ ኣቡነ ቴዎፍሎስ ድማ፡ በቲ ህልውና እግዚኣብሔር ክሒዱ ኮሚኒስታዊ ስነሓሳብ ዝሰዓበ ስርዓት ደርግ ተኣስሩ። ገና ብህይወቶም ከለዉ ኸኣ ደርግ ካልእ ፓትርያርክ ክትክእ ደለየ’ሞ፡ ግብጻዊት ቤተክርስቲያን ግን ሕጊ ቤተክርስቲያን ኣይጥሕስን እየ ኢላ ንደርግ ምስማዕ ስለዝኣበየቶ፡ ዝምድና ክልቲኤን ኣሓት ቤተክርስቲያን ሓሽከረ። ዝኾነ ኮይኑ ኣቡነ ባስልዮስ ኣብ ቤት ማሕቡስ ብሰማእትነት ሓለፉ።

ሳልሳይ ፓትርያርክ ኮይኖም ዝተቐብኡ፡ ኣቡነ ተክለሃይማኖት’ዮም። ብዘይኣፍልጦ ግብጻዊት ቤተክርስቲያን ዝተኻየደ ስለዝነበረ፡ ናይ ኣቡነ ተክለሃይማኖት ፕትርክና ብግብጻዊት ቤተክርስቲያን ኣፍልጦ ኣይነበሮን። ዝኾነ ኮይኑ ግን ኣቡነ ተክለሃይማኖት፡ ብብዝሒ ጾም ከይሞቱ ዝስግኣሎም፡ ነዛ ሳእኒ ንምውዳይ’ኳ ብዙሕ ዝልመኑ ዝነበሩ፡ ፍጹም መናኒ ከምዝነበሩ፡ ብዙሓት ይምስክሩሎም።

ራብዓይ ፓትርያርክ ኮይኖም ዝተቐብኡ ድማ፡ ኣቡነ መርቆርዮስ እዮም። ንሶም ምስ ምውዳቕ ስርዓት ደርግ ናብ ስደት ዘምርሑን ክሳዕ ሕጂ ድማ ኣብ ኣሜሪካ ኣብ ስደት ዘለዉን’ዮም። ብጸቕጢ እዚ ኣብ ኢትዮጵያ መንግስቲ ዝመርሕ ዘሎ ስርዓት፡ ተገዲደ’የ ተሰዲደ ዘለኹ ዝብሉ’ኳ እንተኾኑ፡ ነቲ ክመጽእ ዝኽእል ኩሉ ሰማዕትነት’ውን እንተኾነ ኣብ መንበሮም ኮይኖም ክቕበልዎ ስለምንታይ ዘይመረጹ ዝብል ኣዋጣሪ ሕቶ ግን ንሶም ጥራይ ክምልስዎ ዝኽእሉ ዝተንጠልጠለ ሕቶ ኮይኑ፡ ንብዙሓት ኣሸጊሩ’ሎ። ዝኾነ ኮይኑ ናይ ኣቡነ መርቆሬዎስ ፓትርያርክነትውን ብግብጻዊት ቤተክርስቲያን ኣፍልጦ ዘይነበሮ ምንባሩ ምፍላጥ ኣገዳሲ እዩ።

ኣብ ታሪኽ ኦርቶዶክሳዊት ተዋሕዶ ቤተክርስትያን ኢትዮጵያ ንመጀመርታ ግዜ ዝበዝሐ ዓመታት ኣብ መንበረ ፓትርያርክ ተቐሚጦም ንኽመርሑ ዕድል ዝረኸቡ ፓትርያርክ ወርእሰ ሊቃነጳጳሳት ዘኢትዮጵያ፡ ቅዱስ ኣቡነ ጳውሎስ ነበሩ። ሕጋውነት መንበሮም ብብዙሓት ኣከራኻሪ ኮይኑ እናሃለወ፡ ን20 ዓመታት ንቤተክርስቲያን ኣብ ዝመርሑላ እዋን ግን እቲ ምስ ግብጻዊት ኦርቶዶክሳዊት ቤተክርስቲያን ሓሽኪሩ ዝነበረ ዝምድና ናብ ንቡር መሊሶም ፓትርያርክነቶም እውን ሕጋውነት ከምዝህልዎ ዝገበሩ ኣቦ ድማ እዮም።

ኣብ ዘመን ኣቡነ መርቆሬዎስ ወ ኣቡነ ጳውሎስ ቤተክርስቲያን ኣብ ክልተ ተመቕለት። ኣብ ሓንቲ ሃገር ክልተ ፓትርያርክ፡ ኣነባ! ኣነባ! ተበሃሃሉ። እቶም ኣባላት ሲኖዶስ፡ ናይ ውሽጥን ናይ ደገን ተሰምዮም ያኢ ተፈላለዩ። እቶም ናይ ደገ፡ ብቅዱስ ኣቡነ መርቆሬዎስ ዝምራሕ ሲኖዶስ ኣቚሞም፡ ንገዛእ ርእሱ ሕጋዊ ሲኖዶስ ኢሉ ዝሰሚ ሲኖዶስ ወነኑ። እቶም ኣብ ውሽጢ ዘለዉ ድማ ብ ቕዱስ ኣቡነ ጳውሎስ ዝምራሕ ሲኖዶስ ኣቚሞም፡ ገዛእ ርእሱ ቅዱስ ሲኖዶስ ኢሉ ዝሰሚ ሲኖዶስ ወነኑ። በዚ ከምዚ ልዕሊ 21 ዓመታት ሓሊፉ ክነሱ፡ እቲ ምክፍፋል ግን ከብቅዕ ኣይተራእየን። ኣቡነ ጳውሎስ ሞይቶም ምስ ተባህለ ግን እቲ ሕቶ ዝፍታሕ መሲሉና ነበረ። መራሒ እታ ሃገር ሞይቱ ብምንባሩ ድማ እታ ፖለቲካዊት ኢድ ሓሳባ ትቕይር ትኸውን ብምባል ትጽቢታትና ሰማይ ንኽዓርግ ግዜ ኣይወሰደሉን።

ይኹን እምበር፡ እቲ ብ1991 ብምኽንያት ህድማ ዶ ንበሎ ስደት ናይ ኣቡነ መርቆሬዎስ ዘጋጠመ ምፍልላይ ሕጂ’ውን እንተኾነ ምስቲ ኣብ ውሽጢ ዘሎ ሲኖዶስ ኣንፈት ዕርቂ ኣየርእን እዩ ዘሎ እንተተባህለ ምግናን ኣይኮነን። እቲ ሕጋዊ’የ ዝብል ኣብ ስደት ዝርከብ ሲኖዶስ ይኹን እቲ ኣብ ውሽጢ ዓዲ ዝርከብ ሲኖዶስ በብመዳዮም ኣብ ዘውጽእዎ መግለጺ፡ ኣብ ጉዳይ ምትካእ ወይስ ምምላስ መንበር ዘፓትርያርክ ዘሰማምዕ ናይ ሓባር ዛዕባ ከምዘይብሎም ዳርጋ ኣነጺሮም ኣለዉ።

እቲ ናይ ደገ ከምዝስዕብ ዝብል መግለጺ ኣውጺኡ’ሎ፡-  

“ኣብ ኣዲስ ኣበባ ዘለዉ ኣቦታት ንቕዱስ ፓትርያርክ ናብ መንበሮም ንኽምለሱ እንተተሰማሚዖም፡ እቲ ቅዱስ ሲኖዶስ ሓደ፡ እቲ ጓሳ ሓደ፡ እታ ቤተክርስቲያን’ውን ሓንቲ ክትከውን’ያ ኢሉ ስለዝኣምን፡ ቅዱስ ፓትርያርክ ናብ መንበሮም ተመሊሶም  ቤተክርስቲያን ዝሃበቶም ሓላፍነት ክሳዕ ፍጻሜ ህይወቶም ንኸገልግሉ ድልው ምዃኖም ኣረጋጊጾም ኣለዉ፡” ድሕሪ ምባል፡ እዚ ንልዕሊ 21 ዓመታት ምእመናን ካብ ምእመናን፡ ካህናት ካብ ካህናት፡ ኣቦታት ካብ ኣቦታት፡ ዝፈለላየ ንብዙሓት ደቂ ቤተክርስቲያን ዘጕሃየ ፍጻሜ ግን ሕጂ ልቢ ምእመናን ብዘዕግብ ኣገባብ ክዛዘም ይግብኦ ኢሉ’ሎ።

እቲ ኣብ ውሽጢ ዓዲ ዘሎ ሲኖዶስ ድማ ሓምሻይ ፓትርያርክ ኢልካ ሻድሻይ ትብል እምበር ናብ ራብዓይ ፓትርያርክ ከመይ ጌርካ ትምለስ ዝብል ከቢድ መዋጥር ሕቶ’ዩ ዘልዕል ዘሎ። ድሕሪ 21 ዓመታት፡ ተመሊስና ሕጂ ናይ ኣቡነ መርቆሬዎስ ፓትርያርክነት ምቕባል ማለት ብኻልእ ኣዘራርባ ናይ ኣቡነ ጳውሎስ ማዕርግ ሕጋውነት ምኽላእ ማለት’ውን ስለዝኾነ፡ ኣብዚ እዋን እዚ ክኸውን ዘይክእል’ዩ ዝብል ስክፍታ ብምልዓል ድማ እዩ መበል ሻድሻይ ፓትርያርክ ኮይኖም ዘገልግሉ ፓትርያርክ ንምምራጽ ምርጫ ንምክያድ ዝሸባሸብ ዘሎ።

“ላም ሓዊ ወሊዳ፡ ከይትልሕሶ ኣንደዳ፡ ከይትሓድጎ ወሊዳ” ኮይኑ’ሎ ነገራቱ። እዚ ከምዚ ዝኣመሰለ ፈተና ድማ ብዘይ ጾምን ጸሎትን ካልእ ፍታሕ ክርከበሉ ይኽእል’ዩ ኢልካ ክትዛረብ ኣጸጋሚ እዩ። እግዚኣብሄር ይደግፍ!

መጽሓፍ ቅዱሳዊ ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን ኣኽብሮትን 9ይ ክፋል ይቅጽል::

መጽሓፍ ቅዱሳዊ  ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን ኣኽብሮትን  9ይ ክፋል ይቅጽል::
ቅድስተ ድንግል ማርያም ቦኽሪ ጻድቃን ኢያ።ቤተ ክርስትያን ነዚ እያ ትምህር።ንሳ ብእምነት ነቲ ጎይትኣ ዝበላ ብእምነት ተቀበለት።ቀዳመይቲ ድሕነት ወዲ ሰብ ዘስተማቀረት ኣደ ኢያ።ገለ ሰባት ምስታ ኣብ ኤረምያስ ዜላ ጥቅሲ ብምትእሲሳር ዝብልዎ ግን ቤተ ክርስትያን ከምኡ ኣይትምህርን እታ ጥቅሲ(ኤርምያስ44፡18-25 )ኣንብብ”ግናኸ ንንግስቲ ሰማይ ዕጣንን መስዋእትን መስተ ንእኣን ምኽዓዉን ምስ ሓደግና ኩሉ ነገር ጨነቀና፡ብሰይፍን ብጥሜትን ድማ ተወዳእና።ንንግስቲ ሰማይ እናዓጠናን መስዋእቲ መስተ እናኸዓናላን፡ነቲ ብምስላ ጌርና ዝሰንከትናላ እንጌራ ነቲ ዘቕረብናላ መስዋእቲ መስተን ብዘይ ፍቓድ ሰብኡትናዶ ኢና ዝገበርናዮ።”(ኤርምያስ7፡18)ን ኣይ ምእንቲ ኼግህዩስ ደቂ ኣዕጫው ይእክቡ፡ኣቦታት ሓዊ ይኣግዱ፡ኣንስቲ ኸኣ ንንግስቲ ሰማይ ዚኸውን ቅጫ ኪስንክታ ብሑቅ የቖምጥዓ ፡መስዋእቲ መስተዉን ንኻልኦት ኣማልኽቲ ይውፍያ።”

ንሕና ን ኣደና ቅድስተ ድንግል ማርያም ንግስቲ ንብላ ክርስቶስ ንጉስ ስለ ዝወለደትልና ኢና።ንዓኣ ነቅርቦ ዕጣን እውን የለን።ኣደ ንጉስ ንግስቲ ስለዝኾነት።ኣብ (45፡9)እታ ንግስቲ ብወርቂ ኦፈር ተሰሊማ፡ኣብ የማንካ ትቐውም ኣላ ስለ ዝበላ ዳዊት ኢና ከምኡ ንብል።ን ኣደና ቅድስቲ ድንግል ማርያም ኢልካ ዝቀርብ መስዋእቲ ግን፡ የለን።ንሕና መስዋእቲ ን ማንም ቅዱስ ኣይንገብርን፡መስዋእና ክርስቶስ ኮይኑ፡ ንዕኡ ን ኢየሱስ ኢና ንገብር።ንዓኣ ንገብሮ ዝኾነ ይኹን ምስ ስልጣን ኣምላኽ ዝቃናቀን የለን።ኢየሱስ ክርስቶስ ንጉስ ተኾይኑ ግን ንሳ ንግስቲ ዘይትኾነሉ ነገር የለን።ኣሽንኳንዶ ኣደናሲ ንሕና እካ ክርስቶስ ምስ መጸ ምስኡ ክንነግስ ኢና።(ራእ9፡10) (ራእ20፡6) (ራእ22፡5)

ንሕና ኣብቲ ንክርስቶስ ከነቅርብ ከለና መስዋእቲ ግን ፡ንዓኣ ብቀዳምነት ንዝክራ፡ጸልይልና ንብላ፡ጸልይልና ክንብል ከለና፡ ኣድሕንና ማለት ኣይኮነን።ጸልየለይ ትብል ግን እዞም ነዚ ዘይቅበሉ ኣሕዋትና እውን ነንሕድሕዶም ጸልየለይ ይበሃሃሉ ኢዮም።መጽሓፍ ቅዱሳዊ ድማ ኢዩ።(ኤፌ6፡19)(ያዕ5፡16)እሞኸ ነታ ጻድቅ ኣደና ማርያም ጽድቃ ብ መላእኽታት ዝተመስከረላ ጸልይልና ምባል እንታይ ሓጢኣት ኣለዎ።

ብዙሓት ኣሕዋት እውን ማርያም ሞይታ ኢያ ይብሉ፡ስለዚ ስለዝሞተት ንምንታይ ጸልይልና ትብሉ ይብሉና፡ነገር ግን ከምኡ ኣይኮነን።ንሕና ኣደና ማርያም ኮነ ኩሎም እቶም ንክርስቶስ ኣሚኖም ካብዛ ዓለም ዝገዓዙ ከምዘይ ሞቱ ኢና ንፈልጥ።ቃል ኣምላኽ እቲ ብኣይ ዝኣምን እንተሞተኳ ብሂወት ክነብር ኢዩ ስለዝብል።(ዮሓ11፡25)ስለዚ ብ ሂወት ክነብር ኢዩ፡እንዳበለ ሞይቱ ምባል ኣይንውዕሎን ኢና።ጻድቃን ንህላወና ይፈልጥዎ ኢዮም።ምሳና መጺኦም ክዛራረቡን ክሰምዑናን ድማ ይኽእሉ ኢዮም፡(ሉቃ9፡30)ኣብዚ እቶ ምብስባስ ዝረኣየ ሙሴ መጺኡ ምስ ኤልያስ ኮይኑ ምስ የሱስ ተዛራረበ።እሞኸ ኣማኒት ክርስቶስ ኣደና ማርያም ንበይና ኣይግብኣን ክትብል ባዕልኻ ምዘኖ።ነዚ ስለ ዝተሓዋወሶም ኢዩ ድማ ፡ተዋህዶ ናብ ማርያም ይጽልዩ ዝብሉና እዚ ግን ሓቅነት የብሉን፡

ናብ ኣደና ቅድስቲ ድንግል ማርያም ንጽሊ ዲና።

እዚኣ ፖፕ ሽኖዳ ኣብታ መጽሓፍ ምንጽጻር ስነ ሃይማኖት ጽቡቅ ገይሮም ኣብሪሆማ ኣለዉ።ንሕና ናብ ቅድስቲ ድንግል ማርያም ኣይንጽልን ኢና።ግን ኣብ ግዜ ጸሎትና ንዛረባ፡ንኽትልምነልና ንዉከሳ።ንሕና ምስ ኣድስቲ ድንግል ማርያም ጥራሕ ኣይኮናን ኣብ ጸሎትና ንዛረብ፡ምስ መላኽትን ምስ ባህርያትን ምስ ሰባትን ምስ ነፍስናን ምስ ሰይጣን ከይተረፈ ‘ውን ንዛረብ ኢና።

እዚ ኩሉ ኸኣ ኣምላኻዊ ምግላጽ ኣብ ጥቕስታት መጽሓፍ ቅዱስ ዝጸደቀ ኢዩ።እዚ ዝርርብ እዚ ከም ጸሎት ኣይቁጸርን ኢዩ,,,።ስለምንታይ ደኣ ብፍላይ እኳ ን ኣደና ማርያም ዘይንዛረባ?።

ንሕና ኣብ ጸሎትና ምስ መላእኽቲ ከምዚ ዝስዕብ እናበልና “ኣቱም መላእኽቱ፡ድምጺ ቃሉ እትእዘዙ ንቓሉ እትፍጽሙ ሓያላትን ስልጡናትን፡ንእግዚኣብሔር ባርኽዋ፡ኣቱም ሰራዊቱ ኩሉኹም፡ኣቱም ንፍቓዱ ትእዘዙ ኣገልገልቱ ንእግዚኣብሔር ባርኽዎ።”(መዝ103፡20-21)”ሃሌሉያ ንእግዚኣብሄር ኣመስግንዎ።”(መዝ148፡1-2)።እዚ ምጽላይ ድዩ ናብኦም።ከምኡ ግን ዳዊት በለ።

ኣብ ጸሎትና ዋላ ንባህርያት ኢና ንዛረቦም።(መዝ148፡3-9) ውላ ንከታማ ንጽውዓ ንዛረባ፡(መዝ87፡3) ዋላ ምስ ኣህዛብ ንዛረብ፡መዝ47፡1) (መዝ፡103፡22)(መዝ28፡1-2)(መዝ113፡1) ከምኡ ዝብሉ ጥቅሲታት ካብዞም ነንቢቦም ዘለና ኢዮም።እሞኸ ልቢ ኣምላክ ዝኾነ ዳዊት ዶ ተጋጊዩ ኢዩ።

ዋላ ንሰጣውንቲ ግልጽ ኢልና ንዛረቦም።ኣቱም ገበርቲ እከይ ካባይ ርሓቁ ንብሎም ኣብ ግዜ ጸሎትና።(መዝ6፡8-9) ሰጣን ካባይ ርሓቅ ንብል።ሰጣን ኣባይ ስልጣን የብልካን ንብሎ።እሞኸ ናብ ሰጣን ንጽሊ ኣሎና ማለት ድዩ??።ኣይኮነን እዝስ ኣይንውዕሎን ኢና።ከምኡ ኸኣ ነደና ጸልይልና ንብላ።ብዙሓት ሰባት ነዛ ነገር እዚ ምስታ ኣማላድነት እትብል ነገር የተሓሕዝዋ እዮም።

በዚ ድማ ን ማርያም ኣማልድልና ይብልዋ ኢየሱስ ከሎ ኣማላዳይ ዝብሉ ክስምዑ ከለዉ ገለ ኸኣ ኢየሱስ ኣማላዲ ኣይኮነን ዝብሉ ኣለዉ ነዚ ከም ፍቃድ ኣምላኽ ንርኣዮ።ኣብ ዝቅጽል መደብና ይቅጽል,,,።

ካብ  ብሎግ http://etiqalsgakone.blogspot.it/2012/11/9.html ዝተወስደ
haymanoteabow@gmail.com

2ይ ክፋል ኣይረሳዕናዮምን!!!..።

2ይ ክፋል ኣይረሳዕናዮምን!!!..።

                                         

                          ብ ቀሺ ሙሴ ሽሻይ

እዚ ጽሑፍ እዚ ነቶም ኣብ ዕለት 19/11/2012 ዝተኣስሩ (3)ሰለስተ ካህናት ኦርቶዶክስ ተዋህዶ  ፡ቀሺ ገብረመድህን ገብረገርግሽ፡ዝተኣስሩሉ ዕለት መዘከርታ ብምግባር ኣይረሳዕናዮምን ኣብ ትሕቲ ዝብል ኣርእስቲ ዝተዳለወ  ጽሑፍ ኢዩ።

ናይ ኤረትራ ጳጳሳት ኣቦኦም ን መንግስቲ ብምሃብ ኢዮም ነቲ ጉዕዞ ቀጺሎሞ፡ዋላኳ ክምክትዎ ተፈተኑ ካብ መውቀስቲ ሕልና ግን ከምዘየዕርፉ ጥርጥር የብልናን።እንሆ ድማ ህያው ኣብነት፡ብጹእ ኣቡነ ማቴዎስ ስቓይ ንምዕራፍ ኢዮም።መውቀስቲ ሕልና በዚሕዎም፡ገዝኦም ዓጽዩም ካብ ማይን መግብን ተከልኪሎም ፡ሞት ብምምራጽ ነዛ ዓለም ተሰናበቱዋ።ክንዲ ከም ወዮ  ካብ ምምታትሲ ምፍታት ዝተባህለ፡ክንዲ ነቲ ዘይቅዱስ ሲኖዶስ ፈቲሕካ ፡ምስ ቅዱስ ኣቦና ኣብ ቤት ማእሰርቲ ምሕላፍ ነዚ ተመሪጹ።እዚ እውን ዘይጽላእ ምርጫ ኢዩ።ህጂ እውን ንዝተረፉ ንብሎም  ተልዩ፡ ህጂ እውን ግዜ እንሆ ደው ኢልኩም ተቃወሙ ኢዩ።ተዘየለ ንጹህ ደም ኣሕሊፍካ ሂብካ ዝግበር ጾምን ጸሎትን ኣበይ ከይበጽሕ። ንሪኦ ኸኣ ኣለና።ውጺኢቱ።

ንክርስትያናት ን ሞት ኣሕሊፋ እትህብ።ኣቦኣ ሸይጣ ትነብር ቤተ ክርስትያን።ከም ወዮ በዓለገሲ ኣቡኡ ጸሪፉ ይድረር ተባህለ ኣቦኦ እንዳ ኣኽፍአት ምጽወታ ፈርዖን እትጽበ ቤተ ክርስትያን።እንበር ከ ነዚኦም ስዒብካስ ብሓቂ መንግስተ ኣምላኽ ክትኣቱ ትኽእል ማለት ዲዩ፡ንጹህ ደም ኣሕሊፎም ዝህቡ።ዩሁዳ እኳ ብዝገበሮ ዝተጣዕሰ ንሶም ግን ክሳዕ ህጂ ንሓጥያቶም የዕፍሩዎ ኣለዉ።

ቁሩብሲ ካብ ሕሉፍ ገይጋታቶም ኣይመሃሩን ዶ??!!።ሰብ ሎምስ ፈሊጡና ኢዩ ኸ፡ ኣይብሉን ዶ??።ዶ ዋላስ ከምቲ ቀደም ሰብ ብዓሽኡ ዝተጠቀምሉ፡እዮም ክስቶ እዚ ኢዩ ክስቶ ከምዚ ኢዩ ኢሎም ስለ ዘጸለሙ ጥራሕ ህዝቢ ዝስዕቦም መሲልዎም ኢዩ።ናይ በዓል ቡልጋርያ እሞ ካልኦት ኦርቶዶክሳውያን ዘጓፈን ምምቃል ቤተ ክርስትያን ኣብ ክልተ ኸ ምኽንያት መምጺኢኡ ፡ካብዚ ናቶም ዝንእስ ተመሳሳሊ ምኻኑ ይፈልጡ ዶ።እቶም ካህናት ኮነ ድያቆናት ኢና ዝብሉኸ ከምዚ እንዳገበሩ መን ክስዕቦም ኢዩ፡ዝሓስቡ።ወሸለለ እዚ ስርዓት ገለ ተዝኸውን ኩሉ ምኾስ ገይሩ ከም ዝሃድኖም ንፈልጥ ኢና።

ሰብ ስለ ዘጸለምካ ኣይኮነን ትዕወት ክርስቶስ ምስ እትሕዝ ጥራሕ ኢዩ።ክርስቶስ ከኣ ዓርኪ ዓማጽያን ከም ዘይኮነ ምስ መንበር መላገጽቲ ሕብረት ከምዘይብሉ ንፈልጥ ኢና።(መዝ94፡20)(1ይ ዮሓ1፡6) (1ይቆሮ10፡6)እሞኸ ክሳዕ መዓስ ኢዩኸ ክቅጽል ሓሶት !!??።

እንበኣር ተሓቢኡ ዝሕባእ ገበን ከምዘየለ ክንሕብሮም ንደሊ፡ከምቲ ታሪኽ ነፍሰ ገዳይ ዘርዓ ያዕቆብ ድሕሪ (600 )ሽዱሽተ ሚኢቲ ዓመታት ተላዒሉ ።ነቶም ንጹህ ደም ዘሕለፉ ነቅ ነቅ ኣቢልዎም ዘሎ፡ናይ ሎሚ ፍጻመ ኸኣ ይስነድ ስለ ዘሎ፡ይሃልዉ ኣይሃልዉ እዞም ሰባት ገበርቲ እከይ ኣብ ሰማይን ኣብ ምድሪ ዕረፍቲ የብሎምን ኢዮም።ድሮ እኳ ከም መልክዕ መጽሓፍ ብ ኣባ ተወልደብርሃን ዓምደ መስቀል ንሓደ ካህን ዝሃቡዎ ሕድሪ ይጽሓፍ ብምህላዉ ፡ን ኤልዛቤል ብ ፍኒስቲራ ዘጽድፍ ወለዶ ይመጽእ ከም ዘሎ ክፈልጡ ይግባእ።

ሎሚ ዓንቲ ደቂ ቀሺ ገብረመድህን ገብረ ገርግሽ፡ደቂ ዶግተር ፍጹም ገብረ ንጉስ፡ደቂ ዘወገ ምሁራን ይትባረክ በርሀ፡ብዘይ ወለዶም ነዛ መዓልቲ እዚኣ ክዝክሩዋ ኢዮም።ንዕኦም ቀሊል፡ ከም ዘይኮነ ንፈልጥ ኢና። ወላዲ ክሳዕ ክንደይ ኣገዳሲ ምኻኑ ስለ ንፈልጥ።ከምኦም ዝበሉ ወለዶም ሒዞምዎም ክኸዱ ከለዉ። ከም ዝስምዖም ንፈልጥ ኢና፡ግን ክርስትያን ምዃን እዚ ስለ ዝኾነ ብ መከራ ከም ዘይስንብዱ ተስፋ ንገብር።እዞም ብእርጋን ኣብ ኣፍ ሞት ዝርከቡ ኮኑ እዞም ሰብ ንምትላል ላዕልን ታሕትን ዝብሉ ፡ሰበስልጣን መንግስተ ኤረትራ ኹኑ፡ስማውያን ካህናትን፡ ፖሎቲከኛታት ግን ደቂ እዞም ክቡራት ኣቦይ ኣበይ ኣሎ?።ኢሎም ተሓቲቶምኹም ኣብ መጻኢት ኤረትራስ እንታይ ኮን ክትምልሱ ኢኹም።ዶ ዋላስ ክሳዕ ሬሳ ትኾኑ ኣብ ስደት ክትነብሩ ኢኹም።

እዞም መስቀል ኣቐሚጥኩም ብረት ሓዙ ኢልኩሞም ዘለኹም፡ከ ዶቆም  ኣበይ ኣለዉ ኢሎም ተሓቲቶምኹም እንታይ ኢልኩም ኢኹም ኮን ክትምለሱ??!!።እንበር ገለ ጳጳሳትን ካህናትን ድያቆናትን። ዓለማውያን ፖሎቲከኛትት ጸረ ኦርቶዶክስ ዝበልኹም ነገር ክትገብሩ ክትብሉ ኣብ ከመይ ዝበለ፡ደም ትኣትዉ ከም ዘለኹም ክትፈልጡ ይግባእ።ኣብ ከመይ ዝበለ ታኸላ ትኣትዉ ከም ዘለኹም ክስቆረኩም ይግባእ።

ናይ ኤረትራ ቤተ ክርስትያን ቅዱስ ኣቡነ እንጥንዮስ ካብ ዝእሰሩ ጥራሕ፡ ኣስታት (1800)ዝኾኑ ካህናትን ድያቆናትን ካብ መንፈሳዊ ኣገልጊለቶም ብሰንኪ እቲ መንግስቲ ኤረትራ ብ መገዲ ይፍታሀ ዲመጥሮስ  ገይሩ ዝገብሮ ዘሎ፡ምብትታን ምንባር ስለ ዝኸልኦም፡ ናብ ስደት ፋሕ ኢሎም ኣለዉ።ካብኦም ዕስራን ኣርባዕተን (24) ዝኾኑ ካህናት፡(18) ድያቆናት፡ ብጽኑዕ ቀጽሪ ቤተ ክርስትያን ከይረግጹ ዝተኸልከሉ ፡ክኾኑ ከለዉ፡(7) ሸውዓተ መነኮሳት ድማ ካብ ኣስመራ ከይወጹ ተኣጊዶም ኣለዉ።ካብኦም ብሰንኪ እቲ ግፍዒ መንግስቲ ኤረትራ ዝገበሮ፡ ዝኸበዶም፡(50) ሓሙሳ ሰራሕተኛታት ዝለዓለ መንብረ ፓትሪያርክ፡(5) ሓሙሽተ ሰረሕተኛታት ሃገረ ስብከት፡(10) ዓሰርተ ሰራሕተኛታት ንኡስ ሃገረ ስብከት።(36)ሳላሳን ሽድሽተን ዝኾኑ ገደማውያን ኣቦታት፡መነኮሳት(ፈለስቲ) (7) ሸውዓተ ዝኾና ደናግል መነኮሳት፡ብጠቅለላ 1715 ዝኾኑ ኦርቶዶክሳውያን ኣገልገልቲ።ብ ሰንኪ መንግስቲ ኤረትራ ፈቐዶ ሃገራት ዓልም ብስደት ፋሕ ክብሉ ከለዉ፡ሓደ ካህን ኣብ ሲና ሂወቱ ክሓልፍ ከሎ፡ኣብ ማእከላይ ባሕሪ ድማ ሓሙሽተ ዲያቆናትን ሓደ ካህንን  ሂወቶም ሲኢኖም ኣለዉ።ኣስታት (1400 )ሽሕን ኣርባዕተ ሚኢትን ዝኾኑ ድማ መስቀሎም ተሓዲጎም ብግደታ ኣንጻር መዓርጎም ብረት ክዓጥቁ ወተሃደራት ገይሩዎም ይርከብ።ብጠቅለላ እንበኣር ልዕሊ (3415) ዝኾኑ ኣብ ወትሃደራዊ መዓስከራትን ፋሕ ብትን ኢሎም ይርከቡ።

ተዋህዶ ንሱ ጥራሕ ዘይኮነ፡ቅርሲታታን ይውረስ፡ኣድባራታ ይድፈር፡ሃብታን ንብረታን ይዝመት፡ሊቃውንታ ይእሰሩን ይንጋላትዑን፡ ኣለዉ ዘሕዝን ግን እዚ ኩይኑ እንዳ ሃለወ ።ገለ ብረብሓ ሕልናኦም ዝሸጡ ሰባት፡ኤረትራ ጽቡቅ ኣላ፡ኣብ ኤረትራ ሽግር የለን።መንግስተ ኤረትራ ጽቡቅ ይመርሓና ኣሎ ዝብሉ ሰባት ክትሰምዕ ክሳዕ ክንደይ ሰብ ሰይጡኑ ፡ከም ዘሎ ዘርኢ ኣረሜናዊ ኣተሓሳስባ ኢዩ።እንተ እዞም ቅዱሳን ኣቦታትና ግን ከምቲ ዓለምን ሰጣንን ዝሓስቡዎ፡ዘይኮኑ ካብ ኣገልጊሎቶም ደው ኢሎም ኢዮም ዘለዉ፡ከይተኣሰሩ ብስብከት ከገልጊሉ ከለዉ፡ምስ ተኣሰሩ ድማ፡ ኣብኡ ብጸሎት የገልግሉና ኣለዉ።

ንቅድመና ንዝህቢ ኤረትራ ንብሎ ተሎ ግን ፡ነዚ ዝግበር ዘሎ ኤረትራ ናብ መቃብር ኩሉ ናይ ምግባር መስርሕ ብ ጸሎትን ብዘለዎ ዓቅሚ ናብ ኣምላኽ እንዳ ቀረበ ክቃወሞ ኣለዎ።ከምኡ እውን ህዝቢ ኤረትራ ን መንግስተ ኤረትራ እሱራት ክፈትሕ ክጽውዖ ኣለዎ።መንግስተ ኤረትራ ተኣሰሩ ቅዱስ ፓትሪያርክን፡ካህናትን ፡ከምኡ እውን ኩሎም እሱራት፡ክፈትሕ ክጽውዕ ይግባእ።ስቅ ተልና ግን ንዕኦም ረድአት ካብ ኣምላኽ ክመጾም ኢዩ ንሕና እዞም ከይንዛረብ ፡ዕራ ኣባና ኣይበጽሐን ኢልና ስቅ ኢልና ዘለና ግን ክንጠፍእ ኢና።(ኣስተር4፡14) ኣምላኽ ማእሰርቶም  ይብተኽ።ሞቆሖም ድማ ይስበር።እግዚኣብሄር ንእሱራት ይፈትሖም፡(መዝ146፡7) ኣሜን።

መን ኢዩ ኣብዩ !!!??።

                    መን ኢዩ ኣብዩ !!!??።

                                                 

መን ኢዩ ኣብዩ ንሕና ዲና ፈጣሪ

ዝኹሉ ዝወርደና ዘሎ ኩሉ ነውሪ

ረሳና ኣብ በረኻ ተደርብዩ ብዘይ ቀብሪ

ንሕና ዲና ኣቢና ንጻዋዒት ፈጣሪ

መን ኢዩ ዝኣቢ ዘሎ መን ኣሎ ሓባሪ

ንጸሎት ገርናዮ ነውሪ

መን ኢዩ ኣብዩ

መን ኢዩ ኣብዩ ካብ ኩሉ ተሪፍና

ብሃይማኖት ብሃገር ጥዕይ መራሒ ስኢና

ሓጥያት ድዩ መርገም እዚ ኹሉ በጺሑና

ኣነ እኮ ገሪሙኒ ዝነገርና

ፍቅሪና ሃዲሙ በሪሱ ሓድነትና

ገሊእና ንቅልድ ገሊእና እንዳ ተሳቀና

ክርክር ኢልና ንስሕቅ እንዳ በኸየ ሓውና

ንሱ ድዩ ኣብዩ ዋላ ንሕና ልቢ ከሊኡና

መን ኢዩ ኣብዩ

ሓቂ ካብ የእምሮና ርሒቁ

ዝረኣየና ምንባርና ዘይፈቱ ስሒቁ

የእምሮና ካብ ን ኣምላኽ ድምጺ ፖሎቲካ ናፊቁ

ቤት ጸሎት ሪኢናዮ ናይ ዝሓመቁ

መንፈስ ኣምላኽ ካብ ዙርያ ኤረትራዊ ርሒቁ

ቤት ኣምላኽ ተገዲፉ ኣምላኽ ተናዒቁ

ምጻእ ጸሊ ተበልካዮም ክርክር ኢሎም ዝስሕቁ

መንፈስ ርኹስ ዝሰረሮም ሲኦል ዝናፈቁ

መን ኢዩ ኣብዩ ዝሓስብ ዶ ተሳኢኒ ኣዳቂቁ

መን ኢዩ ኣብዩ

ንሕና ዲና እዚ ፈጣሪ ኩሉ ዓለም

ገንዘብ ገርናዮ ኣምላኽ መሪጽና ንጸላም

እኳ ኣይንመሃርን ህጂኸ እንታይ ኢና ክንደግም

ኲናት ኮይኑ ታሪኽና   ከም ማይ ዛርዩ ደም

ከም ሰብ ኣርሆ ናብ ታሕቲ ክሳዕ ንሰጥም

ብዘይ ኣምላኽሲ እሞ የኽትም ዲዩ እዚ ጸገም

ኣስተውዕል መን እሰይ ኣብ ባዶ ኣይትሕለም

ኣምላኽ ዘይብሉ ዓወትሲ ፍለጥ ምዃኑ ደኣ ጸላም

ታሪኽ እንዳወቀስካ ረሳሕ ታሪኽ ኣይትድገም

 ቅድመ ኩሉ ፈጣሪኻ ኣቀድም

ግን መን ኢዩ ኣብዩ ንሕና ከይንልብም

መን ኢዩ ኣብዩ

መን ኢዩ ኣብዩ ሰንበት ናብ ቤት ኣምላኽ ገዲፍናዮ

ብዘይ ሓገዝ ኣምላኽሲ መን እዩ እሞ ዝኣልዮ

ምስ ኣረግኩ እየ ዝመጸካ ህጂ ኣይደልየካን ኢልናዮ

ቤት ኣምላኽ ምምጻእ ናይ ኣረጊት ገርናዮ

ብ መጠን መጽሓፍ ቅዱስ እስከ ሂወትና ንርኣዮ

ብዘይ ሓገዝ ኣምላኽሲ እሞ ንኽእል ኢና ክንኣልዮ

ኣየ ካብ ኣምላኽ ወጻኢ ዝመጽእ ለውጥስ ዓይነይ ኣይርኣዮ

ዳግማይ ስቅያት ሰጣን ዘሰነዮ

መን ኢዩ ግን ኣብዩ

መን ኢዩ ኣብዩ ልቢ ከሊኡና

ካብ ናብ ቤት ኣምላኽ ናብ ኣኼባ ከንግሃ ኣዴታትና

ካብ ናብ ቤት ጸሎት ናብ ፖሎቲካ ከቀድሙ ኣጓብዝና

ክብሉ ትልሂት ካብ ቤት ኣምላኽ ይሕሸና

ከመይ ገይሮም ኢዮም ዝሓስቡ ግን ምሕረት ክመጸና

ፈጣሪ እንዳ ተቀየመ በካይዳና

መባእን ዕሽርን ሰሪቅና እንዳ ኸድና

ንፈልጥ ዶ ንኸውን ን ኣምላኽ ነቀይሞ ከምዘለና

መን ኢዩ ግን ኣብዩ ክሳዕ ክንድዚ ዓሺና !

መን ኢዩ ኣብዩ

መን ኢዩ ኣብዩ ንሕና ዲና ኣምላኽ

መን ኢዩ ዝሰርሕ ዘሎ ዘሕንኽ

ጽድቂ ኣብዩ ንሓጥያት ዝሓይኽ

ብ ዘይ ኣምላኽ ክዕወት ኢየ ኢሉ ኮንቱ ዝሃልኽ

እንዳ ባር ዝመረጸ ዝመስሎ ቤት ኣምላኽ ዘሕንኽ

ዝጽበዮ ዘሎ ኣብ ሰማይ ብሓዊ ክመክኽ

ኩሉ ንገብሮ ካብ ኣምላኽ ሸፊትና

ዋላ ተዘመድና ዋላ ተወለድና

ዋላ ተሃብተምና እንተ  ሓዝና

ንፍለጥ ከምዘይ ንልእኽ ወሊድና

ነስተውዕል ከም ዘይንበልዕ ሩፍ ኢልና

ዓቢ ቤተ ትምህርቲ ኢዩ ነስተውዕል ወለድና

ወሊዶም ይበልዑ ዶ ኣለዉ ልገዐና

ንዓና ኸኣ ይመጽእ ኢዩ ዘሎ ዝገደደ ስቃይና

ግን መን ኢዩ ኣብዩ ክንድዚ ዓሽና

ብዘይ ቅዱስ ቁርባን ክንነብር ተኾኒና

     ሰንበት ክንዲ ጸሎተ ቅዳሴ ክስመዕ ደርፊ እዝኒና

ን ቃል ኪዳን መሸቀጢ ገርናዮ

ን ገንዘብ ኣምላኽ ሰሪዕናዮ

ንመጽሓፍ ቅዱስ ሓራም ቆጺርናዮ

ንሰንበት መዓልቲ መስተ ቆጽርናዮ

ከመይ ገርና ኢና ንሓስብ ንምሕረት ክንርእዮ

ኣየ ነዚ መጻኢናስ ኣይንርኣዮ

ፈጣሪ ግን ኣይኮነን ንሕና ኢና ኣቢናዮ

ኣይንጽልን ዓቅሚ የብልካን ኢኻ ኢልናዮ

ከምዛ ሓይሊ ዘለና ነገርና ነዕርዮ

ኣምላኽ ግን ኣይኮነን ኣብዩ ንሕና ኢና ኣቢናዮ

ቤትካ ምኻድ ናይ ሰነፋት ኢዩ ኢልናዮ

ከመይ ክኽውን ኢዩ መጻኢና ግን ደሓን ሓቢርና ንርእዮ

ክንደይ ጽቡቅ ከይኸውን ኣምላኽ ዝተፈልዮ

       ቀሺ/ ሙሴ ሽሻይ

 haymanoteabow@gmailcom

                              

ኣቡነ ማክሲም ዓሪፎም፡ ሽግር እታ ቤተክርስቲያን ከ ይዓርፍ ዶ ይኸውን??

ብ ቀሺ ዮናስ ወልደሩፋኤል

ኣቡነ ማክሲም ዓሪፎም፡ ሽግር እታ ቤተክርስቲያን ከ ይዓርፍ ዶ ይኸውን??

ፓትርያርክ ዘሃገረ ቡልጋርያ ቅዱስ ኣቡነ ማክሲም ኣብ መበል ንሚእትስ ክልተ ጐደል ዓመት ዕድሚኦም፡ ማለት ኣብ መበል 98 ዓመት ዕድሚኦም ዓሪፎም።

ብ1989 ድሕሪ ዘጋጠመ ውድቀተ ኮሚንስታዊ ስርዓት፡ ኣብ ሃገረ ቡልጋርያ ዝተመርጸ ሓድሽ መንግስቲ፡ ንኹሎም እቶም ኣብ ዘመነ ኮሚኒዝም ዝነበሩ መራሕቲ እንኮላይ ነቶም ቅዱስ ኣቦ ካብ ስልጣን ንምውራድ ዝገበሮ ፈተነ ነታ ቤተክርስቲያን ኣብ ክልተ መቒልዋ ነበረ። ከምውጽኢቱ ድማ እታ ቤተክርስቲያን፡ ደገፍቲ ሃዋርያዊ ሰንሰለት ብዝኾኑ ደገፍቲ ኣቡነ ማክሲምን፡ ደገፍቲ መንግስቲ ብዝኾኑ መንግስትና ዝሃበና በሃልትን፡ ኣብ ክልተ ተመቒላ ምንባራ ይፍለጥ። ከቢድ ውጥረትን ዕርግርግር ዝሰፈና ቤተክርስቲያንን ኮይና ከምዝነበረትውን ይዝንቶ።

እታ ናብ ክልተ ዝተመቕለት ቤተክርስቲያን ንልዕሊ 10 ዓመታት ኣብ ክልተ ሲኖዶስ ተመቒላ፡ እቲ ኣብ ልዕሊ ኣቡነ ማክሲም ዝዓመጸ ጉጅለ ቤተክህነት ልዕሊ 30% ሰዓብቲ ምእመናንን ልዕሊ 1000 ዝኾኑ ቤተክህነትን ክነብርዎ ከለዉ፡ እቲ ዝበዝሐ ምእመንን ቤተክህነትን ግን ኣብ ትሕቲ መሪሕነት ቅዱስ ኣቡነ ማክሲም ኮይኑ ሃዋርያዊ ማዕርግ ከይደፈረን ከይበተኸን እምነቱ ቀጸለ።  

እንተኾነ እዚ ጽዩፍ ምፍልላይ እዚ ብ2010 ኣብቂዑ፡ እቲ ተነጻሊ ኮይኑ ዝነበረ ጉጅለ ድማ ሲኖዶሱ ኣፍሪሱ ኣብቲ ሃዋርያዊ መስርዕ ከምዝሰመረ ገለጸ። እታ ናይ ዕርቂ ዝቖመት ኮሚተ፡ ኣቡነ ማክሲም ምስ ኮሚንስታዊ ስርዓት ዝኾነ ምትሕብባር ከምዘይነበሮም፡ ይኹን እምበር 15 ጳጳሳት ግን ምስቲ ዝነበረ ኮሚንስታዊ ስርዓት ምትሕብባር ከምዝነበሮም ድሕሪ ምርግጋጽ ካብ ስልጣኖም ከምዝስጐጉ ድሕሪ ምግባር እዩ፡ ኣቦነት ናይ ቅዱስ ኣቡነ ማክሲም ብፓትርያርክነት ክቕጽል ዝተወሰነ።

እቶም ሃይማኖታዊ መራሒ፡ ምንም እኳ ዝለዓለ ጽልዋ ዝነበሮ ስልጣን እንተነበሮም፡ ኣብ ፖለቲካዊ ጉዳይ ግን ኢድ ከምዘይጸንሖም እዩ ዝፍለጥ። ኦርቶዶክሳዊ እምነት ኣብ ሃገረ ቡልጋርያ እቲ ዝዓበየ እምነት ኮይኑ፡ ካብቶም ክንዲ ዕጽፊ ብዝሒ ህዝቢ ኤርትራ ዝምብዝሖም ህዝቢ፡ (7.4 ሚልዮን ህዝቢ) እቶም 80 ሚእታዊት ኣመንቲ ኦርቶዶክስ ምዃኖም ድማ እዩ ዝፍለጥ።

ካብ ዕለት 4 ሓምለ 1971 ኣትሒዞም  ዛጊት ን42 ዓመታት ንኦርቶዶክሳዊት ቤተክርስቲያን ቡልጋርያ ዝመርሑ ቅዱስ ኣቡነ ማክሲም፡ ካብ ቅድሚ ገለ ኣዋርሕ ኣትሒዙ ን24 ሰዓታት ሕክምናዊ ረድኤት እናተገብረሎም እዮም ክነብሩ ጸኒሖም።

ኣይረሳዕናዮምን!!!..።

ኣይረሳዕናዮምን!!!..።

                                ብ ቀሺ ሙሴ ሽሻይ  

ሰብ ብባሕርያቱ ረሳዓይ ስለ ዝኾነ፡ኣብ ብዙሕ ኣጋጣሚታት ሰባት ዝበሉዎን ዝተመባጽዕዎን ክርስዑ ንርኢ ኢና።ኩሉ ነገር ይርሳዕ’ዩ ማለት ግን ኣይኮነን።ከመይሲ ዘይርሳዕ’ውን ኣሎ።ብዝኾነ ንሕና።ውን ከም ህዝቢ ተዋህዶ መጠን፡ነቲ ኣብ ልዕሊ ብጹእ ወቅዱስ ኣቡነ እንጠንዮስ ኣቦናን ኣቦታትና ቀሺ ገብረመድህን ገብረገርግሽ፡ቀሾ ዶግተር ተኽልኣብ፡ቀሺ ዶግተር ፍጹም ዘወገ ምሁራን መሪጌታ ይትባረክ በርሀን ካልኦት ብቀጻልን እንዳቀጸለን ዝበጽሕ ዘሎ ዘስቅቅ ፍጻመ በፍጹም ክንርስዖ ኣይኮነልናን ኢዩ።

ቤተ ክርስትያን መቀጸልታ እቲ ቀስ ብቀስ ኣብ ልዕሊ ቤተ ክህነት ትረኽቦ ነበረት ክሳራ ዕለት 19 እውን ደጊማቶ ኢያ።እቶም ግደፉ ዉሑጅን መንእሰይን በጋባብ ተሓዝካዮ ኢዩ ዝሓይሽ፡መንእሰያት ኣይንስጎጎም ዝበሉ (3)ሰለስተ ካህናት  ኦርቶዶክስ ኣቀድም ኣቢልና ዝጠቀስናዮም።ንስድራኦም ከይተላበዉ፡ኣብዚ ከምዚ ዝበለ ንብረት ኣሎ ከይበሎ።ንስራሕ ኢሎም ምስ ከዱ ከካብ ዘለዉዎ።ብ ናይ ኤረትራ መንግስቲ ብ መካይን ተጨውዮም  ምስ ተወስዱ እንሆ ካብ 2004 ዓ/ም ክሳዕ ህጂ ደሃዮም የለን።ስድራኦም ብዛዕባኦም ዝፈልጥዎ ዋላ ሓደ የለን።
ኣምላኽ ግን ኣበይ ከም ዘለዎ ጥራሕ ይፈልጥ።እንታይ ገይሮም ተተባሂሉ ወንጌል ምሂሮም ጥራሕ ኢዩ እቲ መልሲ ወይ ድማ እንድዒ ዝብል ኢዩ ።ኤረትራ ቆልዑ መቀረት ወለዲ ከይፈለጡ ዝዓብዩላ ጸረ ደቂ ሰብ ኢያ ተበልካ ዝጋነን ኣይኮነ።ነዚኦም ደኣ ጠቂስና እንበር ፖሎቲከኛታት ኤረትራ ኣብ ቤተ ማእሰርቲ ዘለዉ ቁጽሪ የብሎምን።30 ዓመት ምሉእ ጸሓይ ዘይረኣዩ ቁጽሪ የብሎምን።ኤረትራ 300 ዝከውን ቤተ ማእሰርቲ ዘለዋ ከም ዕንቅርቢት ደቃ ትበልዕ ሃገር ስለ ዝኾነት ኢዮም ከኣ ደኣ ካብኣ ክሃድሙ ፈቀዶ ሰሃራን ገለን ክሳዕ ኮላሊቶም ብ ነጋዶ ዝሽየጥ ዘሎ።ኣስመራ መርገም ውጹዓት ኣይ ኣቅሰናን ዘሎ።ከመይ ገይራ ኸ ክትቀስን ክንደይ ወለዲ ኢዮም እንበር ዋይ ወደይ እንዳበሉ መዓንጥኦም ተሓሊቡ ዝሞቱ ዘለዉ።ናይ ኤረትራ ፍሉይ ኢዩ፡ኤረትራ ንበይና ፓትሪያርክ ኣሲራ ተሳቂ ሃገር ኮይና ኣላ።ኤረትራ ክርስትያናት ኣገልገልቲ ኣሲራ ተሳቅን ኣስታት 3000 ዝኾኑ መጽሃፍ ቅዱስ ጥራሕ ስለ ዘንበቡ ፡ኣሲራ ተሳቂ እትርከብ ሃገር ኢያ ኮይና ዘላ።ኤረትራ እንኮ ኣብ ኣፍሪቃ መጽሓፍ ቅዱስ ዝተቃጸለላ ሃገር ኢያ፡ኣምላኽ ምሕረት ይግበረላ።

                      

እዞም ኣምላኽ ዘፍቅሩ እሞ ከም ዘፍቅሩዎ ብግልጺ ዘመስከሩ ወርቃውያን ኣቦታትና ህጂ ድምጺ ደቆም ምስማዕ ረሲዖሞ ኢዮም ።ድምጺ ኢየሱስ ድምጺ እቲ ስለኡ ዝተኣሰሩሉ ኣምላኽ እዮም ዝሰምዑ ዘለዉ።ምስ ደቆም ዘረባ ካብ ዘቋርጽዎ፡ብዙሕ ኢዩ ኮይኑ።ገጽ ደቆም ካብ ዘይሪኦ ነዊሕ ኮይኑ ኣሎ፡ግን ኣይስልችዎምን ኢዩ። ስለምንታይ ንሕና ክንሪኦ ዘይከኣልና ምስጢርን ዒበትን ኣምላኽ ኣብኡ ይሪኢዎ ስለ ዘለዉ።ብዘሎ ምስጢር ኣብኡ ተሰዊሩዎ ዘሎ ክርስቶስ  ገጽ ንገጽ የጻናንዖም ስለ ዘሎ።
ንሱ ድማ ኢዩ ክሳዕ ህጂ ኣብ መትከሎም ኣጽኒዑ ደው ኣቢልዎም ዘሎ።ልቦም ዕጉብ ኢዩ ስለምንታይ ን ቃል ኣምላኽ እሙናት ኮይኖም ብምጽንሖም(ማቴ10፡17-18)" ምእንቲ ክርስቶስ ክብሉ ስሞም ጸሊሙ ክፋእ ይዛረብሎም ስለ ዘሎ።(ማቴ5፡11)ምእንታይ ክብል ቤት፡ ወይ ኣሕዋት፡ወይ ኣሓት ወይ ኣቦ፡ወይ ኣደ፡ወይ ሰበይቲ ወይ ዉሉድ ወይ ገርሁ ዝሓደገ ዘበለ ሚኢቲ ካዕበት ኪረክብ፡ናይ ዘለኣለም ህይወትውን ኪወርስ ኢዩ ዝብል ስለ ዘኽበሩዎ(ማር10፡29-30)(ማቴ19፡20) ዝበሎ ንሶም ኩሉ ገይሮሞ እዮም እዚ ኹሉ ኣለዎም ስለ ክርስቶስ ግን በቃ ወፊዮሞ ፍቅሪ ኣምላኽ ይዓቢ ኢሎም።
ብ ኢየሱስ ኣቢሎም ደሃይ ደቆምን ስድራኦም ከም ዝረኽቡ ኣይንዝንግዕን ኢና ፡ስለምንታይ ንሱ ቀረባ  ወገን ንዕኦም ስለ ዝኾነ።ናብዚ ብስጋ ዘሕዝን ብ መንፈስ ግን ባህ ዘብል ማእሰርቲ ንኽኣትዉ ዝጸዓታ የእዳውን ዝተጓየያ ነፍሳትን ግን ኣምላኽ ክንደይ ኮን ጸሊኡለን ኢዩ።እወ ወይልኦም ደኣ(ኢሳ5፡18) (ኢሳ5፡20) (ኢሳ10፡1-2)።

                            

መእሰርቶም እቶም መነኮሳት ኢና ዝብሉ ግን ከ ግብሪ ምንኩስና ዘይብሎም ገለ ገለ ዝተሓለሉ  ጳጳሳት ዝሃቡዎ ድምር ጸብጻብን ሓሶትን ምዃኑ ኣረጋጊጽናዮ ኢና።ናይዚ ተሓታቲ ድማ ይፍታሀን ሲኖዶስ ኤረትራን፡ገለ ገለ ከም እኒ ቀሺ ነበር ኣቶ ሃብቶምን፡ ምዃኖም ዕዉር ዘንብቦ ናይ ጎደና ምስጢር ኢዩ።ካብዚ ተሓታትነት እዚ ከምዘይ ይወጹ ኸኣ ክሳዕ ኣብ ምድሪ ዘለና ደጊምና ከነተንብሃሎም ንደሊ።

ኣቦታትና መማህራና፡ኩሉ ግዜ ኣብ ልብና ኢዮም።እዞም ሰብ ክሕየር ኣሕሊፉም ዝሃቡ ገለ ጳጳሳትን ካህናትን ጸርፍን ጸለመን ሓሶትን ክምህሩና ከለዉ ።ካብዞም  ኣርባዕተ ኣቦታት እዚኦም ግን ፍቅሪ ክርስቶስ ኣብ ክርስቶስ ምንባር ጥራሕ ኢና ተማሂርና፡ነቲ ንሶም ዝነብሩዎ ነበሩ ቅዱስ ሂወት ምንባር ስለ ዝሰኣኑዎ ኢዮም፡ ከኣ ገለ ካህናት መዓጹ ኣፍ ደገ ሃገራዊ ድሕነት ክኽሕኩሑ ዝጀመሩ።ነዞም ኢየሱስ መን ኢዩ፡ዘፍለጡና፡ ዘበሰሩና እንበኣር ኣይንርስዖምን ።ከመይ ገርና ኸ ክንርስዖም መገዲ ሂወት እዮም እንበር ኣሪኦምና።ንሶም ዝገብሩዎ ነበሩ ኣገልግሎት ከኣ ክሳዕ ኣምላኽ ጴጥሮስ ሞቆሖም ዝሰብር ክንቅጽሎ ኢና 

።ይቅጽል,,,

                haymanoteabow@gmail.com

ኣብ ክርስቶስ ዶ ኣለኻ ኢኻ ??::

ኣብ ክርስቶስ ዶ ኣለኻ ኢኻ ??::

ኣብ ዓለም ልዕሊ 2 ቢሎን ዝኾኑ ክርስትያናት ኢና ይብሉ።ኩሎም ክርስትያናት ይጽዉዑ ዛጊት ኣሸሓት ኣብያተ ክርስትያናት እውን ኣለዋ፡ጥንታውያን ይኹና ዋላ ሓደሽቲ ካብአን ግን ነዚ መረት ንበረኸት ዝኾኑላ ኣብ ኢየሱስ ክርስቶስ ዝነብሩ ዉሑዳት ኢዮም።ንስኻ ኸ ሓደ ካብኦም ዶኾን ትኸውን??።ኣብ ኣምላኽ ይትስፎ ኣነን ንስኻን ካብቶም ኣብ ኢየሱስ ዝነብሩ ክንከውን፡ስለምንታይ ኣብኡ ምንባር ማለት ምስኡ ምቅማጥ፡ምስኡ ምስቃይ ፡ምስኡ ድሕሪ መከራ ምንጋስ ማለት ኢዩ።

ኣብ ኢየሱስ ኣለኻ ዲኻ የለኻን??፡ንሂወትካ ባዕልካ ክትፈልጣ ይከኣለካ ኢዩ።ኣብ ኢየሱስ ዘሎ ሰብ ኩሉ ግዜ፡ ብዛዕባ ኢየሱስ ኢዩ ዝዛረብ፡ነቲ ኣብ ላዕሊ ዘሎ ኢዩ ዝሓስብ፡ንስኻ ኣብ ኢየሱስ ክርስቶስ እንድሕሪ ሃሊኻ፡ ንስኻ ዘይኮነስ ኢየሱስ ፡ኣባኻ ስለዝነብር ዘሎ፡ እቲ ኣብ ኢየሱስ ክርስቶስ ዝነበረ ሓሳብ ኢዩ ኣባኻ ዝነብር።ስለዚ ኢዩ ኸኣ ቅዱስ ጳውሎስ ንሰብ ፍሊጲ እቲ ኣብ ኢየሱስ ክርስቶስ ዝነበረ ኣተሓሳስባ ኣባኹም ይሃሉ” ዝበሎም።(ፍሊጲ2፡5)

ሓንቲ ናይ ክርስቶስ ኢየ፡ ትብል ቤተ ክርስትያን ወይ ድማ ጉባኤ ምእመናን ከምቲ ናይ ኢየሱስ ክርስቶስ ገይራ ሓደ ሓሳብ ኢያ ትሓስብ።(ሮሜ15፡5-6)ንሳ ኣይትፋናጨልን እያ፡ ንሳ ኣይትዋናጀልን ኢያ፡ ንሳ ከመይ ገይራ ንክርስቶስ ተዕብዮ ደኣያ ትሓስብ ፡ንክርስቶስ ዘየኽብር ነገር ቦታ ኣይትህቦን፡ዕዮኣ ዕላማኣ ክርስቶስ ስለዝኾነ።ንክርስቶስ ንዘኽብሩ ኣብ ምኽሳስ ኣይትውዕልን ኢያ።ቅድም እንበኣር ከም ብግልና ናይ ግሊ ሂወትና መራሕቲ ወይ ድማ ሓላፍነት ንወስድ ከም ምኻና መጠን ኣብ ኢየሱስ ኣለና ዶ??፡እቲ ኣብ ኢየሱስ ዝነበረ ሓሳብ ኣባይ ኣሎዶ ኢልና እስከ ንሕሰብ።(ቆሎሴ3።1)

እቲ ኣብ ክርስቶስ ዝነብር፡መንፈስ ቅዱስ ዘለዎ ሰብ፡ከም ቅዱስ ጳውሎስ ከምቲ ንሱ ናይ ኢየሱስ ክርስቶስ ዝኾነ፡ ካሊእ እውን ናይ ኢየሱስ ክርስቶስ ከም ዝኾነ ከም ብሓድሽ ርእሱ እዩ ዘስተብህል።እንበር ን ስም ኢየሱስ ዝጸውዐ ክዝልፍን ክረግምን ኣይውዕልን ኢዩ።(2ይ ቆሮ10-7)።ስለምንታይ ኢየሱስ ክርስቶስ መርቁ እንበር ኣይትርገሙ ኢሉና ክንስና ንሰባት ንረግሞም ተኾይና በደል ኣብ ርእስና ምፍጻም ኢዩ።ብዙሓት ሰባት ጸርፊ፡ነዚ ዓለማውያን ኢና ኢልና ንኣምነሎም፡ዝብልዎ ጥራሕ ኢዩ ነስተብህል፡ንሱ ጥራሕ ጸርፊ ኮይኑ ይስመዓና፡ ተኾነ ከምኡ ኣይኮነን።(ሮሜ12፡14) (ሉቃ6።28) (ማቴ5፡44-45) (1ይጴጥ3፡9) (ያዕ፡5፡9)

ሓደ ግዜ ሓደ ክርስትያን ኣገልጋሊ፡ጸርፊ ሓጢኣት፡ ገይጋ ኢዩ ኢሉ፡ ይምህር ነበረ፡ምስ ወድአ ኣብ መገዲ ፡ኣብ ሞንጎ ሓደ ይሓልፍ እሞ። ትፈልጦ ዶ እዚ እኮ መናፍቅ ኢዩ፡ካብቶም ከሓድቲ ኢዩ።ገሪሙኒ ካብ መናፍቅ ዝዓቢ ጸርፊ፡ካብ ከሓዲ ዝዓቢ ጸርፊ እንታይ ዘይተጠቀመ ደልዩ ገሪሙኒ።ከይተረድኦስ ክልተ ሓጢኣት ፈጺሙ።ይጸርፍን ይፈርድን ነበረ።(ዮሐ7፡24) (ሉቃ6፡37)(ማቴ5፡22) ኣብ (1ይቆሮ4፡5) እንድሕሪ ኣንቢብና እቲ ኣብ ክርስቶስ ዝነብር ዝነበረ ቅዱስ ጳውሎስ።ነቶም ኣብ ክርስቶስ ክነብሩ ዝደልዮም ነበረ ሰብ ቆሮንቶስ። ከምዚ በሎም፡”ስለዚ እቲ ኣብ ጸልማት እተሓብኤ ናብ ብርሃን ዜምጽእ፡ሓሳባት ልቢ ኸኣ ዚገልጽ ጎይታ ኽሳዕ ዝመጽእ፡ቅድሚኡ ንጊዜኡ ሓንቲ እኳ ኣይትፍረዱ።ሽዑ ድማ ነፍሲ ወከፍ ነንእዳኡ ኻብ ኣምላኽ ኪቕበል ኢዩ።”እወ ኣብ ክርስቶስ እተደኣ ሃሊኻ ፡ሓሳብ ቅዱሳን ኣባኻ ይህሉ፡ነዚ ኢና እንበኣር ተጸዊዕና።ንክርስቶስ ክንመስል።(1ይ ቆሮ11፡1)

ክርስቶስ ኢየሱስ ምስ ጸረፉዎ ኣይጸረፈን፡መከራ ምስ ኣጽገቡዎ ኸኣ፡ነቲ ብቕንዕና ዚፈርድ ደኣ ነገሩ ኣሕሊፉ ሃበ እምበር ኣየፈራርሐን (1ይጴጥ2፡23) ዘሕዝን ግን እዚ ጥቅሲ እዚ ይብል ገሊእና ግን ኣብ ክርስቶስ ኣለና እንዳበልና፡ ከምዘየለና ዘመላኽት መከራ ከጽግቡና ዘይኮነስ ፡ብ ጸለመ፡ብጸርፉ፡ብሓሶት፡እንታይ እሞ መከራ ዘጽገብናዮም ምንባር ክሳዕ ዝጸልኡ ዝገበርናዮም ክንደይ ኮን ይኾኑ፡ብሓቂ ነዚ ዓቢ ሓባራዊ ንስሓ የድልዮ።ኣብ ኢየሱስ ዘይትነብር ነፍሲ ብዛዕባ ኢየሱስ ዘይኮነትሲ ብዛዕባ ሰባት ኢያ ከተውሪ ትውዕል፡መውጽኢ ኣፋ ኢየሱስ ይኸውን፡መዝሙራ ንሱ ኢዩ።ኣብ መን ንነብር ኣለና መስትያትና ቃል ኣምላኽ ኢዩ፡እሞ እስከ ን ሂወትና ንፈትሻ ኣሜን እግዚኣብሄር ይደግፈና።ይቅጽልልል,,,,,,,

ሓውኻ ቀሺ ሙሴ

            ካብ ብሎግ ቃል ዝተወስደ http://etiqalsgakone.blogspot.it/2012/11/blog-post_11.html

                     haymanoteabow@gmail.com

ዜና

ኣብ ካርቱም ሓደ መነኮስ ከስተምህሩ ከለዉ፡ገለ ኣባላት መንግስቲ ክሃርሙዎም ከም ዝተላዕሉ ተገሊጹ።

             

ብ ዕለት 6ሕዳር2012 ኣብ ካርቱም ኣብ ሓደ ናይ ኤረትራውያን ናይ ሓዘን ዳስ ክልተ ዕሱባት ህግደፍ ንሓደ ኤረትራዊ መነኮስ ክሃርሙ ኣብ ዝፈተንሉ እዋን ዕግርግር ከም ዝተፈጥረ ረድዮ ኣሰና ምንጭታታ ብምጥቃስ ሓቢራ። እቶም ፈላሲ ነቲ ክሳብ 100 ዝበጽሕ ተኣኪቡ ነበረ ሰብ ኣጋጣሚ ምብግባር ን ኣመንቲ ተዋህዶ ትምህርቲ ክህቡ ከለዉ፡ ክልተ ሰብ መጺኦም ”ህዝብና ድልዱል ሓድነት ኢዩ ዘለዎ።ንስኻ ንህዝብና ምፍልላይ ኢዩ ዕላማኻ” ብምባል ክሳብ ሰብ ኣብ ሞንጎ ኣትዩ ዝገላግሎም ክሃርምዎም ክዋጠጡ ከም ዝተራእዩ እቲ ዝተረኽበ ሓበረታ ኣረዲኡ ትብል ኣሰና።

እቶም ፈላሲ ኣብ ቤተ ክርስትያን ቅዱስ ሚካኤል(ኤረትራውያን ዘዘውትሩዎ ቤተ ክርስትያን)ከይዶም ከስተምህሩ ኣብ ዝሓተትሉ እዋን፡ካብ ኤረትራ ወረቀት ከምጽኡ ከምዝተኣበሮም”ኣየናይ ቀሺ ኢዩ ካብ ኤረትራ ወረቐት ከምጽእ ዝተሓተተ ?ኩላትና ኣብዚ ዘለና ኣቕሽቲ ስደተኛታትን ኢና።ወረቐት ከምጽእ ክሕተት ግቡእ ኣይኮነን”ዝብል መልሲ ብምሃብ እቲ ትምህርቲ ናይ ምሃብ ስጉምቲ ናብ ካልእ ቦታ ክቅጽልዎ  ብምውሳኖም ኣብ ዝገለጹሉ እዋን ፡እቶም ናይ መንግስቲ ልኡኻት ክወዓዋዕ ዘይደለይዎ ሓበረታ ብምውጻኡ ነብሶም ምቁጽጻር ክሳብ ዝስእኑ ምንዳሮም እቶም ናይ ዓይኒ መሰኻኽር ኣገንዚቦም።

መንግስተ ኤረትራ ንዓመታት ዝኣክል ኣብ እንዳ ሚካኤል ብ ኣውራጃን ዓድን ብምፍልላይ ሕንፍሽፍሽ ከእትወሎም ከምዝጸንሐን፡ን ሓደ ሰለስተ ዓመት ዝገበሩ ቀሺ ገብረሃንስ ዝተባህሉ ኣቦ፡ኣገልጋሊ ቅዱስ ሚካኤል ድምጺ ኣልቦ ሽጉጥ ተጠቒሞም ተኪሶም ከም ዝወግእዎም ዝዝከር ኢዩ።

ብዙሓት ተዓዘብቲ ከም ዝብልዎ፡መንግስቲ ኤረትራ ዝኹሉ ግፍዕን በደል ኣብ ልዕሊ መራሕቲ ኦርቶዶክስ ጥራሕ እንዳገበረ።ስለምንታይ ገለ ኦርቶዶክሳውያን ኣብ ኤረትራ ጸገም የለን፡መንግስትና ጥዑይ ኢዩ ኢሎም ይሕለቁ ዝብል ካብቲ ኣስደሚሙ ዘሎ ነገር ኢዩ ይብሉ።።ብ ተወሳኺ ህዝቢ ኦርቶዶክስ ንምድሓን ሃይማኖቱ ዘለዎ ኩሉ ግዝያዊ ፍልልያትን ሽግራትን ንጸገም  ገዲፉ ነታ ሃይማኖት ንምድሓን ተዘይ ተላዒሉ መንግስተ ኤረትራ ነታ ቤተ ክርስትያን እንዳ ኣባልዐ ከዕንዋ ከም ዝኽእል ምስቲ መንግስቲ ቅርበት ዘለዎም ተንተንቲ ይዛረቡ።

              haymanoteabow@gmail.com

ዜና

እቶም ን ቤተ ክርስትያን ሰሜን ኣመሪካ ንምፍራስ ብመንግስተ ኤረትራ ዝተላእኩ ኣቡነ ሽኖዳ ምስ መንግስቲ ብ ምብኣሶም ፡ናብ ኤረትራ ክምለሱ ህጹጽ ጻዊዒት ቀሪብሎም።

                                   

እቶም ኣብ ሰሜን ኣመሪካ ንህዝቢ ክመርሑ ብ መንግስተ ኤረትራን ይፍታሀን ዝተላእኩ ኣቡነ ሽኖዳ ብህዝቢ ተቃባልነቶም ኣብ ርእሲ ምስኣኖም፡ ምስቲ ኣቦኦም ሸይጦም ዝተዓራረኹዎ መንግስተ ኤረትራ ኣብ ከቢድ ምስሕሓብ ኣትዮም ከም ዘለዉ ምንጭታት ካብ ሰሜን ኣመሪካ ሓቢሮም።

እቶም ብ ኣቡነ እንጥንዮስ መዓርገ ጵጵስና ዝተዋህቡ ኣብ ዓዲ ጥልያን ብዓድን ወገን ህዝቢ ብምፍንጫልን ዝፍለጡ፡ (ኣባ ምሕጹን )ተባሂሎም ዝጽውዑ ነበሩ  ኣቡነ ሽኖዳ ካብቲ ብ ይፍታሀ ዝምራሕ ሲኖዶስ ኣስመራ ምስ ናይ ህጂ ኣስታት ሸውዓተ(7) ግዜ ደብዳበታት ናብ ኤረትራ ክምለሱ ጻውዒት ከም ዝቀረበሎምን ተኾነ ነዚ ጸማም እዝኒ ብምሃብ እኳ ክሳዕ ህጂ ተጸነሑ፡ህጂ ግን ምምሕዳር ይፍታሀ ኾነ ምምሕዳር ፕረሲደንት ኢሳይያስ ዓቅሎም ዝወድኡ ኢዮም ዝመስሉ ይብሉ ናይ ቀረባ ተዓዘብቲ ቤት ጽሕፈት ፕረሲደንት።

ኣቡነ ሽኖዳን ምምሕዳር ይፍታሀን ቅድም ኢሎም ኢዮም፡ ክሰሓሓቡ ጸኒሖም።ተኾነ ምስቲ ምስ ቤተ ክርስትያን ኣመሪካ ብ ጉዳይ ኣቡነ እንጥንዮስ ኣጋንፍዎ ዘሎ ተቃዉሞን ክሳራን ዓይኑ ተዓሚቱ ብናይ ደብዳበ ቃላት ጥራሕ ፡ጉዶም ናብ ደገ ከይወጸ ክዛራረብ ጸኒሖም፡ ይፍታሀ ኣብ ኢታሊ ኣብ ዝመጸሉ ኣብ ከተማ ቦሎኛ ብግልጺ እዚ ጳጳስ እዚ ካልኣይ ሕማም ኮይኑና ኣብዚኣ ከይንድርቢዮ።መፍቶት ሊቀ ካህናት ቀሺ ገብረሚካኤል ከይንከውን ፈሪሕና እንበር ክብል ተሰሚዑ ኢዩ።

ኣቡነ ሽኖዳ  ከም ኩሎም ጳጳሳት ኤረትራ ነቶም ዝባረኹዎም ኣቦኦም ኣቡነ እንጠንዮስ ኣሕሊፎም ዝሃቡ፡ክኾነ ከለዉ፡ጳጳስ ኢዮም ክትብሎም ክሳዕ ዘጸግም ኣብ ናይ ዓለማዊ ነገር ብምስታፍ ክሳዕ ግሪን ካርድ ብምሓዝ ፡ካብ ስርዓትን ሕግን ቤተ ክርስትያን ብምሽፋት፡ስርዓትን ሕግን ቤተ ክርስትያን ኣብ ምጥሓስ ኢዮም ተዋፊሮም ጸኒሖም።

                                          

ከም ቀኖና ቤተ ክርስትያን መሰረት ጳጳሳት ኣብ ክልተ ግዜ እንዳ ተኣከቡ  ጉዳይ ጉስነቶም ኢሂን ምሂን ክበሃሉ ኢዩ ዝግባእ ነይሩ፡ኮይኑ ግን ኣቡነ ሽኖዳ ጻውዒት ነቲ ቅኑዕ ኢዩ፡ ኢሎም ዝኣመንሉ ሲኖዶስ ብምጥሓስ፡ ጻዊዒት ሲኖዶስ ብምርጋጽ ኣይ ምስ ቅዱስ ኣቦኦም ወጊኖም ኣይ ኣብቲ፡ ሞንጎ ፡ሞንጎ ቤተ ክርስትያን ፋሕ ፋሕ ኣብ ምባል ተጸሚዶም ይርከቡ።ኣቡነ ሽኖዳ ናብ ኣስመራ ዘይመኸዲኦም ነቲ ብይፍታሀ ተጻዊዱሎም ዘሎ መጻወድያ ስለ ዝፈልትዎ ኢዮም፡ይብሉ ናይ ቀረባ መዛርብቶም፡ተኾነ ናይ ሎሚ ጻውዒት ፍሉይ ዝገብሮ ብ ኣዋጅ ኢዩ ተዋሂቡዎም ዘሎ።

ኣቡነ ሽኖዳ  ብሕጊ ኢምግረሽን ኣመሪካ መሰረት ብሓይሊ ክመልሶም ዝኽእል ሓይሊ የለን።ስለምንታይ ግሪን ካርድ መንበሪ ኣለዎም።እቲ ዘይፍወስ ዓቢ ሕማም ንመንግስቲ ኤረትራ ኮይኑዎም ዘሎ ድማ ፡ኢመግረሽን ኣመሪካ ሓሲሙኩም ጥዒሙኩም ኣይንፍልጠኩምን ኢና ዝብል መልሲ ንመንግስተ ኤረትራ ስለ ዝሃቦ ኢዩ።በዚ ዝሰንበደ መንግስተ ኤረትራ እንታይ ክብል ኢዩ ዝብል ካብቲ ኩሉ ዝጽበዮ ዘሎ ጉዳይ ኢዩ።

እታ ብ ይፍታሀ ኣብ ትሕቲ መንግስተ ኤረትራ ተጨውያ ብ ሕልና ዘይብሎም ንኸብዶም ጥራሕ ዝሓስቡ እትመሓደር ዘላ እተጨውየት ቤተ ክርስትያን ኣስመራ ኣብዚ ሰዓት እዚ ብኹሉ ጽፍዒት የጋንፋ ኣሎ።ኣብዚ ዝሓለፈ ዉሑዳት መዓልታት  ይፍታሀ ዲመጥሮስን ገለ ዝተታለሉ ካህናትን መርጫ መተካእታ ኣቡነ ሽኖዳ ፓትሪያርክ ግብጺ ንኽሳተፉ ዘይፈሓሩዎን ዘይፈንቀልዎን እምኒ እኳ ተዘይ ነበረ፡ኣይንፈልጠኩምን ኢና።ብምባል፡ ነቲ ብ ኣቡነ መቃርዮስ ዝምራሕ ሊቀ ካህናት ገብረሚካኤል ዘማሕድሩዎ ዝጸንሑ ሃገረ ስብከት ሰሜን ኣመሪካ ፡ከም ዝተዋህበን ሃገረ ስብከት ሰሜን ኣመሪካን ኣብ ትሕተኡ ዝምሕደራ ሃገረ ስብከታትን ከም ዝተሳተፋን ቅድም ክንብል ገሊጽና ምንባርና ዝፍለጥ ኢዩ።

እዛ ተጨውያ ዘላ ቤተ ክርስትያን ኣብዚ ሰዓት እዚ ብሓንቲ ዘይፈልጡ ቆልዑን ምእመናን ተረጊጻ፡ካብ ወንጌል ሸፊታ፡መሳርሒ ፖሎቲካ ብምካን ን ሊቃውንቲ ቤተ ክርስትያን ተሓድሶ መናፍቅ ኢሎም ብዝጽውዑ ቆልዑ ግዳይ ብምኻን፡ ምንጪ ኣታዊ ገንዘብ መንግስተ ኤረትራ ብምካን ናብ ሓንቲ ናይ ብዝነስ ቦታ ተቀይራ ከም ዘላ ናይ ዓይኒ መሳኻኽር ይዛረቡ።
ቤተ ክርስትያን ኤረትራ ሊቃውንቲ ዝጠፍኡላ፡ኣብዳን ዘውደኽዱኹላ ቤተ ክርስትያን ኮይና ክሳዕ መዓስ ኢያ  ክትቅጽል ኢያ ዝብል ኣርእስቲ ግን ካብቲ ኣዛራራቢ  ኮይኑ ዘሎ ነገር ኢዩ።

                      ሃይማኖተ ኣቦው

ዜና

  ኣብ ሞንጎ ዓቃበ መንበር ኦርቶዶክሳዊት ተዋህዶ ቤተ ክርስትያን ኣቡነ ናትናኤልን ኣብ ሞንጎ G8 ኢልካ ዝጽውዑ ጳጳስትን  ዘይምስምማዕ ከም ዝተፈጥረ ማዕከናት ዜና ኢትዮጵያ ሓቢረን።

                              

ብጹእ ወቅዱስ ኣቡነ ጳውሎስ ብ ሞት ካብ ዝሓልፉ ንደሓር ኣብ ኢትዮጵያ ክሳዕ ህጂ ፓትሪያርክ ዝበሃል ኣይመረጸትን ዘሎ።ንግዝየኡ ግን ከም ሕጊ ኦርቶዶክስ ብ ዓቃበ መንበር ኣቡነ ናትናኤል ትምራሕ ኣላ።

እቶም ን ቤተ ክርስትያን ኢትዮጵያ ክሳዕ ፓትሪያርክ ዝምረጽ ክመርሑ ሕጊ ቤተ ክርስትያን  ዘፍቅደሎም ኣቡነ ናትናኤል ግን ኣብዚ ወቅቲ እዚ በቶም ብምስጢር ብ G8 ተባሂሎም ዝቆሙ ገለ ጉጅለ ጳጳሳት ዘይምስምማዕ ካብ ምፍጣር ሓሊፉ ናብ ካልእ ግጭት ኣምሪሑ ኣሎ።በዚ ድማ ዓቀበ መንበር ዘ ኢትዮጵያ ናይ ፓትሪያርክ ስራሕ እንታይ ኢዩ?፡”ዝብል ሕቶ ናብ መጋቤ ኣሰፋ ስዩም ብምቅራብ ስልጣኖም ብዝፈቅደሎም መሰረት ክሰርሑ ኣብ ዝደለይሉ።”ብዘይ ፍቃድና ሓንቲ ነገር ክትገብር ኣይትኽእልን”ዝብል መጠንቀቅታ በጺሕዎም ኣሎ።

በዚ ዝተሳናበዱ ኣቡነ ናትናኤል ድማ “ሓንቲ ነገር ዘይገብር ተኾይነ ደኣ ኣብ ትገብሩዎ ኣኼባ ኣይሳተፍን” ናብ ዝምልከቶ ኣካል ቤተ መንግስቲ ሓሊፈ ኣለኹ”፡ብምባል  ናብ ቤተ መንግስቲ ክጠርዑ ይዳለዉ ከም ዘለዉ ምንጭታትን ማዕከናት ዜና ኢትዮጵያን ሓቢረን ኣለዋ። ከም ዝፍለጥ ከም ሕጎ ኦርቶዶክስ ዓቃበ መንበር ክሳዕ ፓትሪያርክ ዝምረጽ ብምሉኡ ስራሕ ፓትሪያርክ ከም ዘካይዶ ዝፍለጥ ኢዩ።

ኣቀድም ኣቢሉ ኣብ ሕጊ ኦርቶዶክስ ዘየለ፡እዞም  G8 ተባሂሎም ተጸዊዖም ዘለዉ ጳጳሳት ንርእሶም ዓቃበ መንበር ገይሮም ብምቅራብ ኢዮም።ክሰርሑ ጸኒሖም።በዚ ድማ እቲ ግርጭት ናብ ካልእ ብምምራሕ ዓቃበ መንበር ክትሰርሕ ኣይትኽእልን ኢኻ ብምባል ደው ኣቢሎሞም ይርከቡ።እዚ ነገር እዚ ነታ ፓትሪያርክ ዘይብላ ኢትዮጵያ ናብ ካልእ ኣንፈት ከይተምርሕ ይፍራሕ።ኣብ ቤተ ክርስትያን ኤረትራን ኢትዮጵያን መን ፓትሪያርክ ይኹን ኣብ ዝብል ሕቶ፡ስልጣን ንምጭባጥ ዝርአ ዘይክርስትያናዊ ስነ ምግባር ነቲ ሃይማኖት ዘዋርድ ነገራትን ባህርያትን ምስራሕ ዝተለምደ ኮይኑ ኢዩ መጺኡ።

                        ሃይማኖተ ኣበው

መጽሓፍ ቅዱሳዊ ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን እምነትን 8ይ ክፋል::

 ኣሕዋት ጎይታ ዝተባህሉ እንመን እዮም?፡

ጎይታ ንዓዱ ምስ ተመልሰ ብእኡ ከምዚ ዝስዕብ እናበሉ ተገረሙ፡” እዝስ ወዲ እቲ ጸራቢ ደ ኣይኮነን? ኣዲኡስ ማርያም እትበሃል ዶ ኣይኮነትን ?ኣሕዋቱስ ያዕቆብ፡ዮሴፍ፡ስምዖን>ይሁዳ ዶ ኣይኮኑን?ኣሓቱስ ኩላተንሲ ምሳናዶ ኣየለዋን?,,”(ማቴ13፡54/56)፡ (ማር6፡1-3)።

ቅዱስ ሓዋርያ ጳውሎስ ን ያዕቆብ ሓዉ ጎይታና”ከም ዝረኣዮ ይጠቅስ(ገላ1፡19)።ካብ ያዕቆብ ወዲ ዘበዴዎስ ንኽፈልይዎ (ማር15፡40)።እዚ ያዕቆብ እዚ እቲ ንእሽቶ ያዕቆብ ኢሎም ይሰምይዎ።ከምኡ’ውን ያዕቆብ ወዲ እልፍዮስ ይስመ )ማቴ10፡3)ከምቲ ኣብ (ገላ1፡19) ዝተጻሕፈ ኸኣ ሓደ ካብ ሓዋርያት ነበረ።

ሓዋርያ ቅዱስ ማቴዎስ፡ኣብ ስቕለት ጎይታ ከምዚ ዝስዕብ ኢሉ ይጠቅስ፡ኣብኡ ብዙሓት ኣንስቲ ርሕቅ ኢለን ይርእያ ነበራ።ንሳተን ን ኢየሱስ ከገልግለኦ ካብ ገሊላ ዝሳዓባኦ ኢየን።ካብኣተን ኸኣ ማርያም በዓልቲ መግደላን ማርያም ኣደ ያዕቆብን ዮሴፍን፡ኣደ ደቂ ዘብዴዎስን’ውን ነበራ።”(ማቴ27፡55-56)

መን እዛ ማርያም ኣደ ያቅዕቆብን ዮሴፍን ቅድስተ ድንግል ማርያም ዲያ??፡ ንሳኸ ነዞም ኩሎም ኣወዳትን ኣዋልድን ክትወልድ ክኸውን ይኽእል ዲዩ??።

ንሳ ማርያም ሰበይቲ እልፍዮስ ወይ ቀልዮጳ ኢያ ዝነበረት፡እታ ብዛዕባኣ ሓዋርያ ዮሓንስ ከምዚ ዝስዕብ ዝበለ፡”ኣብ ጥቃ መስቀል ኢየሱስ ከኣ ኣዲኡን ሓትኖኡ ማርያም ሰበይቲ ቀልዮጳን ማርያም መግደላዊትን ደው ኢለን ነበራ።”(ዮሓ19፡25)ምስ( ማቴ27፡55-56)፡ኣነጻጽሮ

ማርያም ኣደ ያዕቆብን ዮሴፍን ማርያም መግደላዊትን ኣብ ግዜ ስቕለት ብ ሓደ ነበራ፡(ማቴ 27፡55-56)።ንሳተን ንባዕለን ማርያም መግደላን ማርያም ኣደ ያዕቆብን ዮሴፍን ኣብ ግዜ ቀብሪ ደው ኢለን ነበራ።”,, ኣበይ ከም ዘንብርዎ ይርእያ ነበራ።” (ማር15፡47)።ከምኡ’ውን ቀደም ምስ ሓላፈት ቅብኣት ዘዳልዋ ንሳተን ኢየን (ማር15፡47)።ከምኡ እውን ቀደም ምስ ሓለፈት ቅበኣት ዘዳለዋ ንሳተን ኢየን ዝነበራ።(ማር16፡1)።ምስ ማርያም ኣዲኡ’ውን ኣብ መስቀል ቆይመን ነበራ።ሓዋርያ ዮሓንስ ከምዚ ዝስዕብ ዝበለ’ውን ነዚአን ኢዩ፡ኣብ “ጥቃ መስቀል ኢየሱስ ከኣ ኣዲኡን ሕትኖኡን ማርያም ሰበይቲ ቀልዮጳን ማርያም መግደላዊትን ደው ኢለን ነበራ”።

እምበኣርከስ ኣሕዋት ኢየሱስ ክርስቶስ ማለት ደቂ ሓትኖኡ ማርያም ሰበይቲ ቀልዮጳ ወይ እልፍዮስ ተባሂላ ተጸዊዓ ዘላ ኣደ ያዕቆብን ዮሴፍን ኢያ።

እንተ እቲ ብዛዕባ ቀልዮጳን እልፍዮስን ናይ ኣስማት ፍልልይ ኢዩ፡ፍልልዩ ግን ኣብ ኣበሃህላን ከምቲ ቅዱስ ኣርሳንዮስ፡”ኩሉ ሰብ ልዕሊ ሓደ ስም ክህልዎ ልምዲ መጽሓፍ ቅዱስ ኢዩ”።ዝበሎ ‘ውን ይኸውን ።ምኽንያቱ ራጉኤል ሓሚ ሙሴ(ዘጽ2፡18)የትሮ እውን ይስመ ነበረ።(መሳ6፡32) ጴጥሮስ እውን ስምዖንን ኬፋን ተሰምዩ ኢዩ።

እቲ ሓደ ይሁዳ ከኣ ታዴዎስ ልብድዮስን ተባሂሉ ይስመ(ማቴ10፡3)።እዚ እምበኣር ማርያም ኣደ ያዕቆብን ዮሴፍን እታ ቅድስቲ ድንግል ማርያም ከም ዘይኮነት የብርሃልና፡መጽሓፍ ቅዱስ ከኣ በዚ ስም እዚ ኣይጸወዓን።

ኣስተውዕል

1ይ,ካብቲ ክኸውን ዘይክእል ፡ማርያም እዞም ኩሎም ደቂ ኣዋልድን ኣወዳትን እንከለዉዋ ጎይታና ኣብ መስቀል እንከሎ ን ተማሃራዩ ዮሓንስ ብሓደራ ኣይምሃባን ፡በቲ ይኹን በቲ በፍጹም ዘውህብ የለን።ደቂ እንተ ዝህልዉዋ ነይሮም፡ብ ቐዳምነት ንዕኦም ኢያ ክትወሃብ ዝግባእ..ከምኡ እውን ዮሴፍ በዓል ቤታ ተዝኸውን,,።ኣነ ከለኹ ሓወይ ክመውውት ከሎ ነደይ ንጓና እንሆት ኣደኻ ስደ ኢሉ ብሕድሪ ኣይህቦን ኢዩ።ንዓይ ኢዩ ነደይ ሓደራ ዝብለኒ።ዉሉድ ዘይብላ ተኾይና ግን ነቲ ዝፈትዎ ዓርኩ ሕድሪ ኢሉዎ ይሓልፍ ማለት ኢዩ።

2ይ, ኣብቲ ዮሴፍ ንግብጺ ዝኸደሉን ዝተመልሰሉን ጽሑፋት ብዘይካ”ኢየሱስ”ካልእ ኣስማት ኣይጠቐሰን(ማቴ፡2፡14-21)።ኣብቲ ናብ ኢየሩሳሌም ዝገሹሉ እዋን ከኣ ንሱ ወዲ ዓሠርተው ክልተ ዓመት ኢዩ ነይሩ (ሉቃ2፡42)።ናበይ ደኣ ከይዶም ደቂ ማርያም ተነይሮም።ስለምንታይከ ን ኢየሱስ ጥራሕ ሒዘሞ ከይዶም።

3ይ, እቲ ገሊኦም (ኣሕዋት ኢየሱስ)”ደቂ ዮሴፍ ኮይኖም ግን ካብ ካልእ ሰበይቲ ዝወለዶም እሞ ዘዕብዮም ዝነብረ ኢዮም” ዝብልዎ ዘይቅኑዕ ኢዩ፡ነበራያ ነበረ ተበልናዮ ክሓይሽ ኢዩ።ገሊኦም ከኣ ዮሴፍ ካብ ካልእ ሰበይቲ ዝወለዶም እዮም ኣዲኦም ምውቲ ኢያ ኢሎም ቃል ይህቡ።ተኾነ እዚ ኹሉ ገይጋ ኢዩ።

ምኽንያቱ መጽሓፍ ቅዱስ ኣደ ዮሴፍን ያዕቆብን ኣብ ግዜ ስቕለት ደው ኢላ ከም ዝነበረት ይሕብር ፡(ማር15፡47)።ስለዚ መጽሃፍ ቅዱሳዊ ትምህርቲ ኣብ ሃቂ ዝተመስረተ ደኣ መሃሩ ንብሎም ፡ኣይኮነን ግን ዝስዕበና ኣይክህሉን ኢዩ።

4ይ,፡-ንቐጻልነት ድንግልና ማርያም ዝሕብር ኣብ መጽሓፍ ነብዪ ህዝቅኤል ኣሎ።ነብዪ ህዝቅኤል”፡ኣብ ምብራቕ ዝተዓጽወ ኣፍደገ ረኣኹ”ይብል፡እግዚኣብሔር ድማ በለኒ።እዛ ደገ እዚኣ ዕጽውቲ ትኹን፡ኣይትከፈት ፡ሰብ’ውን ኣይእተዋ።እግዚኣብሔር ኣምላኽ እስራኤል ኣትዩላ ኢዩ እሞ።ስለዚ ብዕጽውታ ትንበር።”(ህዝ44፡2) እዚ እቲ ጎይታ ዝኣተዋ ማኅጸን ቅድስቲ ድንግል ማርያም ኢዩ።ካልእ ዉላድ ሰብ ከይኣትዎ ብዕጽዉ ተረፈ።ይቅጽል,,,,,።
         ካብ ብሎግ ቃል ስጋ ኮነ ዝተወስደ http://etiqalsgakone.blogspot.it/2012/11/8.html

          haymanoteabow@gmail.com

መጽሓፍ ቅዱሳዊ ኣረኣእያ ኣብ ልዕሊ ቅድስቲ ድንግል ማርያም።

መጽሓፍ ቅዱሳዊ  ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን እምነትን 7ይ ክፋል

                                            

ከምዚ ዝኣመሰለ ኣብነታት ኣዝዩ ብዙሕ ኢዩ።እምበኣር ከስ እታ “ክሳብ እትብል ቃል ነቲ ብድሕሪኣ ዘሎ ኣይኮነትን እተመልክት።

ዮሴፍ ን ማርያም ክሳብ ቦኽሪ ወዳ እትወልድ ኣይፈለጣን፡ከምኡ’ውን ብድሕሪ ምዉላዳ’ውን ኣይፈለጣን።ምኽንያቱ ቅድሚ ልደት ጎይታ ንኽቐርባ እኳ ዝሓነኸ፡ጎይታ ምስ ወለደትን ብድሕሪ እቲ መላእኽትን ተኣምራትን ሰብ ጥበብን ምስ ረኣየን፡ትንቢት ክፍጽሙን ካብ መንፈስ ቅዱስ ከም ዝጠነሰት ምስ ተነግሮ፡ንሱ ወዲ ልዑል ከም ዝጽዋዕ፡ንሱ ኣማኑኤል መድሓን ከም ዝኾነን ፡ምስ ፈለጠን ደኣ ክንደይ ኣዝዩ ዘይሓንኽ።

ንሱ ኢዩ እቲ ትንቢት ኢሳይያስ ኣብኡ ዝተፈጸመ፡ከምዚ ዝስዕብ ይብል፡”እንሆ ድንግል ክትጠንስ ወዲ ኸኣ ክትወልድ ኢያ፡ስሙ’ውን፡ ህጻን ተወሊዱልና፡ወዲ ተዋሂቡና ኢዩ እሞ፡እቲ ግዝኣቱ ከኣ ኣብ መንክቡ ኢዩ፡ስሙ’ውን ግሩም፡መካር፡ብርቱዕ ኣምላኽ፡ኣቦ ዘለኣለም፡መስፍን ሰላም ክስመ ኢዩ።ብፍርድን ብጽድቅን ካብ ህጂ ክሳዕ ዘለኣለም ምእንቲ ክጽንዓን ከቑማንሲ፡ኣብ ዝፋን ዳዊትን ኣብ መንግስቱን ዕብየት ግዝኣቱን ሰላሙን መወዳእታ የብሉን።ቅንኣት እግዚኣብሔር ጎይታ ሰራዊት ነዚ ክገብር ኢዩ።”(ኢሳ9፡6-7)።ምናልባት እቲ መልኣኽ ኣብ(ሉቃ1፡31-32) ዝተዛረቡ ካብዚ ናይ መወዳእታ ጥቕሲ ኢዩ ዝከውን።

ገለ ገለ ሰባት ድንግልና ኣደና ማርያም ኢየሱስ ምስ ተወልደ ፈሪሱ ኢሎም ይኣምኑ።ድንግል ድንግልናኣ ከይፈረሰ ከመይ ገይራ ክትወልድ ትኽእል ኢሎም ከኣ ብዓይነ ስጋ ይሓስቡ ግን፡ኣብዚ ዝብል ነገር ካብ ተበጽሐ ግን ሰበይቲ ብዘይ ሰብኣይ ከ ከመይ ገይራ ድቂ ትሕዝ ወይ ድማ ትጠንስ ኢና ንብሎም።ነዚ ግን ኣምላኽ ብትምርቱ ገበሮ።ንሕና ክርስቶስ ክውለድ ከሎ ድንግልናኣ ከየርሓወ ካብኣ ተወልደ ኢና ንብል።

ኣሕዋቱ ዝብል ቃል ከ መልስና እንታይ ኢዩ።

ኣብ ኣይሁድ እቲ ሓው ዝብል ቃል ንኣዝዩ ቀረባ ዝምድናን ን ሓው ወዲ ኣቦን እኖና  ዘመልክት ኢዩ።ነዚ ዘመልክት ብዙሕ ኣብነታት ኣሎ።

1,ብዛዕባ ያዕቆብን ኣኮኡ ላባንን፡ኣሕዋት ተባሂሎም ምስማዮም’

መጽሓፍ ቅዱስ ብዛዕባ ምርኻብ ያዕቆብን ራሄልን፡ኣቦኣ ን ያዕቆብ ኣኮኡ ክንሱ ከምዚ ዝስዕብ ይብል፡”ኮነ ኸኣ፡ያዕቆብ ን ራሄል ጓል ላባን ኣኮኡን ነባጊዕ ኣኮኡ ለባንን ምስ ረኣየ ቀሪቡ ነቲ እምኒ ካብ ኣፍ እቲ ዒላ ገልበጦ፡ነባጊዕ ኣኮኡ ላባን ድማ ኣስተየን ።ያዕቆብ ከኣ ን ራሄል ሰዓማ፡ቃሉ ዓው ኣቢሉ’ውን በኸየ ነገራ።”(ዘፍ29፡10-12) ኣስተውዕል ያዕቆብ ድማ ን ራሄል፡ንሱ ሓው ኣቦኣ ወዲ ርብቃ ምዃኑ ነገራ።” “ሓው ኣቦኣ ምኻኑ ነገራ”ያዕቆብ ግን ሓው ርብቃ ደኣ እዩ፡ክኸውን ዝግብኦ እታ ኣሕዋት እትብል ዘላ ቃል ጥራሕ ን ኣቦኻን ወይ ኣደኣን ዝወለደትልካ ተዝኸውን ነይሩ።ኣብዚ እምበኣር ሓው ዝብል ነቲ ኣዝዩ ቀረባ ዝምድና ንምምልካት ተጠቀመሉ።

ከምኡ ዝኣመሰለ ስርዓት ከኣ ንላባን ብዛዕባ ዋጋ ክዛረብ እንከሎ፡ከምዚ ዝስዕብ በሎ፡”ሓወይ ክንዲ ዝኾንካዶ ብ ኸምኡ ክትግዝኣኒ፡,,,,,”(ዘፍ29፡15)።ኣብዚ እምበኣር ላባን ን ወዲ ሓብቱ ሓወይ ኢሉ ሰመዮ።

2ይ,ኣብርሃምን ሎጥን

ሎጥ ወዲ ሓዉ ንኣብርሃም ኢዩ ነይሩ።(ወዲ ኣሮን) 9ዘፍ11፡31)።ምስናይ እዚ መጽሓፍ ቅዱስ ብዛዕባ ምርኮ ሎጥ ምስ ሰብ ባቢሎን ክንዛረብ እንከሎ ከምዚ ዝስዕብ ይብል፡”ኣብርሃም ድማ ሓዉ ከም ዝተማረኸ ምስ ሰምዐ፡” (ዘፍ14፡14)።ንሎጥ ወዲ ሓዉ ክንሱ ከም ሓዉ ገይሩ ቆጸሮ ገለጾ።ግን ኣዝዩ ናይ ቀረባ ዘመድ ኢዩ ነይሩ። ኣሕዋትካን ኣደኻን ይጽዉዑኻ ኣለዉ ዝተባህልሉ እንበኣር ኣደና ማርያምን ኣዝማዳን ስለ ዝነበሩ ኢዩ።ኣብዚ ኣሕዋት ጎይታ ዝተባህሉ እንመን ተባሂልና ክንሕተት ግቡእ ኢዩ።ይቅጽል,,,,,,,

        haymanoteabow@gmail.com

ዜና ዕረፍቲ ብጹእ ወቅዱስ ኣቡነ ማክሲም ፓትሪያርክ ኦርቶዶክስ ቤተ ክርስትያን ቡልጋርያ

 ዜና ዕረፍቲ ብጹእ ወቅዱስ ኣቡነ ማክሲም ፓትሪያርክ ኦርቶዶክስ ቤተ ክርስትያን ቡልጋርያ::

ብጹእ ወቅዱስ ኣቡነ ማክሲም ፓትሪያርክ ቤተ ክርስትያን ቡልጋርያ ብዝሓደሮም ሕማም  ዓሪፎም።ብጹእ ወቅዱስ ኣቡነ ማክሲም ኣብ ዝሓመምሉ እዋን፡ዋላኳ ሕጊ ቤተ ክርስትያን ኦርቶዶክስ ዕድመ ስልጣን ፓትሪያርክ ንዕድመ ልክዕ፡ማለት ክሳዕ ሞት ዝጸንሕ ማዓርግ’ኳ ተኾነ ንሶም ግን ብወለንትኦም ስልጣኖም ከም ዝሓደጉ ይዝከር።እዚ ነቶም መዓርግ ቤተ ክርስትያን ከም ጓስነት ኮይኑ ዘይስመዖም ስልጣን ክረኽቡ ከምባህቁ ዝሓድሩ ሰባት ዓቢ ይንቨርስቲ ኢዩ።

ኣብ ኦርቶዶክስ ቤተ ክርስትያን ፓትሪያርክ ምስ ቀኖና ቤተ ክርስትያን ብዝሰማማዕ ኣገባብ ካብ ማዓርጉ ምስ ዝወርድ  ከይተቀንጠጠ ክሳዕ ዕለተ ሞቱ”ፓትሪያርክ ነበር” እናተባህለ ከምዝጽዋዕ ኣብቲ ቅድመ ህጂ ዝተዘርገሐ ሓበረታ ተገሊጹ ከም ዝነበረ ዝዝከር ኢዩ።

እቶም ን ኦርቶዶክሳዊት ቤተ ክርስትያን ቡልጋርያ ካብ ዕለት 4 ሓምለ 1971 ን (40)ኣርብዓ  ዓመታት ን ቡልጋርያ ዝመርሑን ሓላፊ ኩለን ሃገራት ባልካን ዝኾኑ ኣቡነ ማክሲም ኣብ መበል  98 ዓመቶም እዮም ፡ኣብ ሆስፒታል ሶፊያ ን  ኣስታት ሓደ ወርሒ ዝኣክል ክሕከሙ ድሕሪ ምጽናሕ  ዓሪፎም።

ኦርቶዶክሳዊት ቤተ ክርስትያን ቡልጋርያ ኣስታት  ዓሰርተ ሰለስተ(13) ሃገረ ስብከታት ክህልወኣ ከለዋ 80% ካብ ህዝቢ ቡልጋርያ ድማ ሰዓቢ ናይታ ቤተ ክርስትያን ኢዩ።ኦሮቶድክሳዊት ቤተ ክርስትያን ቡልጋርያ ኣስታት ሸውዓተ(7.4) ሚሎን ዝኾኑ ሰዓብቲ ይርከቡዋ ።ፓትሪያርክ ማክሲም ን ስርዓት ኮሚኒስቲ ቡልጋርያ ካብ ዝመከቱ ሓያል መራሒ ክኾኑ ከለዉ፡ሃይምማኖትን ፖሎቲካን ንምፍላይ ድማ ነቶም ኣስታት (7) ሸውዓተ ዝኾኑ ቁጽሮም መንግስትና ዝሃበና ኢና ንቅበል ኢሎም ዝፈለሉ ጳጳሳት ብምምካት ነታ ቤተ ክርስትያን ካብ ፖሎቲካ ወጺኣ ርእሳ ከም እትኽእል ሓያል ቤተ ክርስትያን ከም እትኸውንን  ዝገበሩ መራሒ ኢዮም ነሮም።

ኣቡነ ማክሲም ብ 29 ጥቅምቲ 1914 ተወሊዶም።ኣብ 1938 ድማ ናይ ትኦሎጂ ትምህርቲ ኣብ ሶፊያ ይንቨርስቲ ወሲዶም።ብ 4 ሓምለ 1971 ድማ ፓትሪያርክ ኮይኖም።ካብኡ ድማ ንስርዓት ኮሚኒስቲ ቡልጋርያ ብምቅዋም ለውጢ ኣብ ቤተ ክርስትያን ኣምጺኦም።ብዙሓት ኮሎጃት ከፊቶም፡ ቤተ ክርስትያን ካብ ፖሎቲካዊ ሂወት ክትወጽእ ሰሪሖም።

ቡልጋርያ ኦርቶዶክስ ሓንቲ ካብተን ምስ ቫቲካን ብ 2002 ዓ.ም ዝምድናአን ዘመሓየሻ ቀዳመይቲ ቤተ ክርስትያን ኢያ።ርእሰ ሊቃነ ጳጳሳት ካተሊካዊት ቤተ ክርስትያን ሮማ ኣብ 2002 ዓ.ም ቡልጋርያ በጺሖም ከም ዝነበሩ ዝዝከር ኢዩ።

                       ሃይማኖተ ኣቦው

                   haymanoteabow@gmail.com

መጽሓፍ ቅዱሳዊ ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን እምነትን 6ይ ክፋል::

መጽሓፍ ቅዱሳዊ  ኣረኣእያ ኣብ ልዕሊ ቅድስቲ ድንግል ማርያም ዘሎና መርገጽን እምነትን 6ይ ክፋል::

                                                     

እታ ሕጽይቲ(ሰበይቲ)እትብል ቃል ንቕድስቲ ድንግል ማርያም ቅድሚ ምጥናሳን ምስ ጠነሰትን ዝተጠቀመሉ ምኽንያት፡ምእንቲ ኣይሁድ፡ሰበይቲ ሰብኣይ ዘይኮነት ክንሳስ ጠኒሳ ተረኺባ ኢሎም ብዳርባ እምኒ ከይቐትልዋ ኢዩ።ብድሕረ ልደት ጎይታና ኢየሱስ ክርስቶስ ግን ፡እቲ ኣምላኻዊ ምግላጽ ነዚ ቃል እዚ ኣይተጠቕመሉን።ኣብቲ መልኣኽ ምስ ዮሴፍ ኣብ ዝተዛረቦ ይኹን፡ኣብቲ ዮሴፍ ዝገበሮ’ውን ዋላ፡ኣብቲ ምስ ሰብ ጥበብ።ውን ይኹን፡”ነቲ ህጻን ምስ ኣደኡ ማርያም ረኣይዎ”(ማቴ2።11)ኢዩ ዝብል ንረክብ።ዋላ’ውን ነቶም ጓሶት፡”ቀልጢፎም ከኣ ከዱ፡ንማርያምን ን ዮሴፍን ነቲ ህጻን ከኣ ኣብ መብልዕ ማል ደቂሱ ረኸቡዎም።”(ሉቃ2፡16)

                  ቅድሚ ምርኻቦም

መጽሓፍ ቅዱስ፡ ቅድስቲ ድንግል ማርያም ን ጎይታና ኢየሱስ ክርስቶስ ብዘይ ሰብኣይ ከም ዝወለደቶ ዘረጋግጸሉ ዕላማ ክልተ ምኽንያት ኣለዎ።

1,እቲ ዝዉለድ ከምቲ ንቡር ካብ ኣቦን ኣደን ከም ዘይተወልደ ንኸርኢ፡ካብ መንፈስ ቅዱስ ስለ ዝተወልደ፡ካብ ድንግል ምዉላድ ን ኣምላኽነቱ ምምስካር ኢዩ።እቲ መልኣኽ ድማ ነዚ ክገልጽ ኢዩ ከምዚ ዝስዕብ ዝበለ፡”,,ጠኒሳቶ ዘላ ካብ መንፈስ ቅዱስ ኢዩ”(ማቴ1፡20)።

2,ካብ ቅድስቲ ድንግል ማርያም ብዘይ ዘርኢ ሰብ ስለ ዝተወልደ፡ነቲ ዝውረስ (ኣደማዊ ውርሻ ሓጢኣት፡ ነዚ ዝውረስ ሓጢኣት ከም ዘይወረሰ ክንኣምን ይድግፈና።በዚ ኸኣ ንምድሓንና ዝኽእል ይኸውን፡ምኽንያቱ ንሱ ብዘይ ሓጢኣት ስለ ዝኾነ ምእንቲ ሓጢኣተኛታት ክመዉት ይኽእል ኢዩ።ኣደና ማርያም ግን ኣደማዊ ውርሻ ሓጢኣት ኣለዋ ካብ ዘርኢ ሰብኣይን ሰበይትን ስለ ዝተወልደት።ከም ኩሉ ሰብ ከኣ ሞተት ።

ስለዚ ኸኣ ምትኳር ሓዋርያት ኣብቲ ንቅድስቲ ድንግል ማርያም ቅድሚ ን ጎይታና ኢየሱስ ክርስቶስ ምውላዳ ምስ ሰብኣይ ከም ዘይተራኸበት ኢዩ ነይሩ።እዚ ከኣ ነቲ ካብ ድንግል ምውላዱ ንምምስካር ኢዩ።እቲ ብድሕሪ ምዉላዳ ምስ ሰብኣይ ከም ዘይተራኸበት ዝገልጽ ነጥቢ ፡ግን መረጋገጺ ዘየድልዮ ተግባራዊ ኢዩ።

ክሳብ  ቦኽሪ ወዳ ትወልድ ኣይፈለጣን እንታይ ማለት እዩ ??

እዛ ሕቶ እዚኣ ካብ ዝተሓተታ ሕቶታት ሓንቲ ኢያ።

እታ ክሳብ እትብል ቃል (until) ነቲ ቅድሚኣ ዝኾነ ኢያ እተመልክት እምበር ፡ብ ኣንጻሩ ነቲ ብድሕሪኣ ዘሎ ኣይኮነትን እተመልክት።ካብ ኣብነታት መጽሓፍ ቅዱስ ብዛዕባ  ሚካል ጓል ንጉስ ሳኦል ከምዚ ዝስዕብ ዝብል ነንብብ።”ሚካል ጓል ሳኦል ከኣ ክሳዕ እታ እትሞተላ መዓልቲ ዉላድ ኣይነበራን።”ነዛ ቃል እዚኣ ብህድኣት ኣብ ትሕቲ መንፈስ ቅዱስ ኮይና ተሪኢናያ።ክሳዕ እትመውት ዉላድ ኣይነበራን ኢሉ ኣሎ።ብድሕሪ ሞታ ዉላድ ክህልዋ ኣይክእልን ኢዩ,,።ከምኡ’ውን ቃል ጎይታና ኢየሱስ ክርስቶስ፡”..ኣነ ክሳዕ መወዳእታ ዓለም ኩሉ መዓልቲ ምሳኻትኩም ኢየ።”(ማቴ28፡19-20)ከምቲ ፍሉጥ ከኣ ብድሕሪ እዚ ዓለም’ዚ ምሕላፉ እውን ምሳና ክህሉ ኢዩ።ክሳዕ መወዳእታ ዓለም ምሳኹም እየ ስለ ዝበለና ፡ብድሕሪ ፍጻመ እዛ ዓለም እዚኣ ምሳና የለን ኢልና ክንኣምን ዘይከውን ኢዩ።

ከምኡ እውን ጎይታ  ጎይታ ንክርስቶስ ከምዚ ዝስዕብ ይብሎ፡”ጎይታይ ንጎይታይ፡ን ጸላእትኻ መርገጽ እግርኻ ክሳዕ ዝገብሮም፡ኣብ የማነይ ተቐመጥ በሎ።”(መዝ110፡1)ብድሕሪኡ’ውን ኣብ የማኑ ከም ዝህሉ ፍሉጥ ኢዩ,,ይቅጽል,,,,